بسألكم عن ولاده مستشفي الصباح .. ؟

[انجبر قلبي]

بنات بسألكم انا ماراجعت بالصباح ولا مرة مو فاتحة ملف و هالاسبوع ادش التاسع باذن الله تعالي

انا فبجري ولدت قيصري ومابي هالتجربة تتكرر خايفه وانا من اول حملي لي يومج اراجع بالسيف بس مادري شفيني خفت احس ماراح يصبرون علي و بيطلعون لي عله واولد قيصري صاير كابوس بالنسبة لي وانا دايما ادعي ربي بالولاده الطبيعيه السهله والله يكتب اللي فيه الخير بعد الحمدالله اذا الله كتب لي قيصري بس الواحد يسعى و مالي غيركم استشيركم و تفيدوني


هل اقدر الحين اذا ياني طلق اولد بالصباح وانا ماعندي ملف اقدر افتح ملف حزة الحزة !!!
وترا ماعندي واسطة شنو تنصحوني


والسؤال الثاني انا بطاقتي ع صباح السالم اكون تبع الصباح والا وين بس عشان اتاكد


و اخر سؤال خياط الطبيعي شلونه ما يضبطونج ! نفس الخاص


و هم خياط القيصري شلونه


ومنو دكاترة الولاده

 

[اخت خالتهم]

اي تقدرين والله يكتبلج اللي فيه الخير

 

[انجبر قلبي]

مشكورة اختي الله يكتب الخير لج و للجميع يا رب


الحمدالله

 

[Ms.lool]

اختي يولدونج عادي حتا لو مافتحتي ملف ورحتي ع وقت الولاده
لكن ما ادري اذا بطاقتج عندهم والالا

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[ام غازي 2012]

استخيرري والله يسهل عليج
يارررررب

 

[انجبر قلبي]

مشكورين يا بنات انشاءالله استخير ربي السهاله من الله


اللي لها تجربة تقول بالخياط شلونه هذا اهم شي

 

[انجبر قلبي]

اب


اب


.

 

[((غلاي))]

انصحج
قبل لاتروحين وقت الولاده

روحي الحين و دخلي و فتحي ملف
شوفي يدخلونج او لا
حسب المستشفى الي تتبعونه

و الله يسهل عليج يارب:eh_s(7):

 

[ام عفراء]

اعتقد صباح السالم تتبعهم

روحي عالاقل مرة وحدة مريهم الطوارىء وكلمي الدكتورة الموجودة وساليها

والخياط ماتقدرين تحكمين لانه ماتدرين اصلا منو الدكتور او الدكتورة اللي راح يكون موجود وقت ولادتج

والله يسهل عليج

:eh_s(7):

 

[انجبر قلبي]

مشكورين يزاكم الله خير



اي والله صاجه الخيااط حسب الدكتور بس يعني اللي ولدوا هالسنة رايهم عموما و منو اللي ولدهم بس فكرة بسيطه



انشالله اروح لهم افتح ملف

 

[يجازيك بحبك]

الله يسهل عليج وتولدين بالسلامه يارب
توكلي على الله وثقي فيه
مرت اخوي دايم بصباح تولد دكتورتها باكستانيه
اي وانتى تبع الصباح لا تحاتين والله اهم أحسن من الفروانيه
واولدت اول واحد قيصريه وبعدين طبيعي وبعدين قيصريه
والله يوفقج يارب

 

[ناتشوو]

شوفي القيصرية بكل الحكومي زين
رعاية واهتمام
يعني اللي ولاداتها قيصري ولا تهمها المظاهر
تولد حكومي احسن
بالنسبة للخياط بالطبيعي
لا مايقارن خياط الحكومي بالخاص
مادري شنو علتهم وليش مايحبون يخيطون ويضبطون الوحدة
بالنسبة تروحين حزة الحزة
مايردونج
اي مستشفى حكومي بالكويت
مايردون اي مريضة طوارئ
خاصة اذا جاية بتولد
حزة الحزة حتى لو مو تابعه لها
بس اللي اعرفه صباح السالم تابعه للصباح

 

[انجبر قلبي]

مشكورين حبيباتي ما قصرتوا


يعني شجعتوني بس هم خايفه من الخياط


في حل بعد الولاده ع طول اخيط بالخاص والا ماسصير ؟



الله يسهل

 

[Q8_QT]

حبيبتي الله يسهل ولادتج يارب ويقومج بالسلامة
انا راجعت كذا مرة بالصباح والدكاترة زينين والسسترات بعد بس مشكلتهم بالعمومي اذا ماحصلتي غرفة خاصة لأن مكانهم داثر
بس كعناية وايد زينين واعتقد يولدونج عادي بس دام ماعندج ملف وتبين تروحين حزة الحزة خلي اوراقج جاهزة احسن صورة بطاقتج انتي وريلج وعقد الزواج

 

[انجبر قلبي]

مشكورة يا قلبي كلامج يطمن


الله يطمن قلبج




انتي والده بالصباح عفيه قوليلي صج الخياط اي شي

 

[انجبر قلبي]

و صدقوني اهم شي الولاده اذا عالعمومي و هالسوالف نتحمل دام الولاده زينه بس نبي تجاربكم عشان النفسيه و ندخل بس مرتاحين الله يريح قلووبكم

 

[ناتشوو]

ايه عادي
كثيرات
يولدون بحكومي
وبعدين تراجع بالخاص للخياط
وعادي مايؤثر ع طلعتها عقب الاربعين
اقصد ماتتأخر
ولا تحتاج وقت اكثر

 

[انجبر قلبي]

صج مشكورة يا قلبي ريحتيني


يعني بعد ما اولد انشالله اليوم الثاني اقدر اطلع غرفه بمستشفا خاص و اقولهم ابي خياط تجميلي ع طول

 

[ام جي جي الحلوه]

الله يقومج بالسلامه
الله يسهل ولادتج وتولدين طبعي