بسألكم صج اذا راحت الاندونيسيه ماترجع ؟

[بتبوتااا]

السلام عليكم

اليوم حماتي تقول لي انه اذا سافرت اندونسيتها مارح يقدرون يرجعونها :bbbiu:

حتى لو عندها اقامه ؟ بعرف صج ولا لا :eh_s(11):

 

[بتبوتااا]

اب اب وينكم

 

[om MaRyooM]

معقووولة؟؟؟


مادري والله


خوفتيني عاد امي بتسفر شغالتها شهر وبترجع .. صارلها عندنا 8سنين


امي بتين اذا درت لوول

 

[بتبوتااا]

انا بعد بين لووول بليز الي تعرف تفيدنااا

 

[فاقده حنان ابوه]

لا ياحبيبتي تقدر ترجع اذا طلعتيلها ورقه من سفارتها

واذا تبين اي استفسار حياج انا موظفه هجره

 

[بتبوتااا]

طمنتيني حووبي لانه جذي قبل ثلاث سنين طلعنا ورقه وردت لناا بس الي ينني اليوم حماتي تقول انه قرار يديد حتى لو عندها اقامه ماترجع فقلت ايتفسر والحمدلله تسلمين ياقلبي وماقصرتي ربي ينويلج الي ابالج ياارب

 

[فاقده حنان ابوه]

لا حبيبتي ماوصلنا تعميم بهالكلام طلعيلها الورقه وانشالله ترد


حياج الله

 

[بتبوتااا]

تسلمين حياتي طمنتيني عسى ربي يطمنج دنيا واخره ����

 

[فاقده حنان ابوه]

تسلمين مشكوره

 

[ام الدرر]

بتبوتا خوفج المنع من ديرتها
عشان قوانينهم اليديدة بيرفعون اسعارهم
تاكدي من سفارتهم

 

[بتبوتااا]

ياويلتي ويلتاااه ��

 

[manoooram]

فاقده حنان أبوه
قواج الله وفدتي البنات

 

[أم ملاس]

سمعن امي تقول وحده من معارفها سافرت الاندنونسيه مالتهم ورجعت لهم مره ثانيه
وهذا الكلام من جم شهر
لاتحاتين للدام عندها اقامه وفي خاطرها الرده بترد
الله يكتب لكم ولها الخيره

 

[قصيميه دلع]

ان شاء الله ترجع لك مع ان بعض الخدامات الاندنوسيات اذا رجعوا
مايرجعون مثل قبل مايسافرون تجاربنا احنا وكل اقاربي من عمر مانستقدم
الا اندنوسيات واذا رجعو حدها تخترب نفسيها الا من رحم الله:yaaaaaarb:
عاد عندنا بالسعوديه حددددددددده قله بالخدم صار لهم شهور متسكره مكاتب الاستقدام باندنوسيا والفلبين توه بس من اسبوع فتحت سفارة الفلبين والناس ركض تقدم على خدامات:ggdw:
مانقدر نستغني عنهم ابدا

 

[بتبوتااا]

ازمه خدم الحين وشر لابد منه بس نبي رقااابه وناسه لو ايبون لنا من تركيا نفس العشق الممنوع لووول

 

[Mjnont '3lay]

بتبووووت عمتي خدامتها اندنوسيه وعمتي جنت علييييييييييييييها لانها تعبت فيها علمتها على السنع والطباخ اللي يبيض الوجهه وكل شي ويوم راحت على اساس شهرين وترجع بعد شهر جذي دقت على عمتي تقول ماتقدر ترجع مادري شنو عندهم مشكله بالسفاره وجذي وماتقدر ترجع مع انه عمتي مسوية لها روحه ورجعه واغراضها كلها للحين موجوده ببيت عمتي مو ماخذتهم كلهم وياها وصار الحين من 5 شهور مسافره لي يومج هذا ماجت وعمتي منجنه تبيها تجي ودايما تدق على عمتي تبيها تجيبها بس عمتي حاولت وماقدرت تجيبتها اخرتها قدمت على فلبينيه

 

[شادن33]

انا سمعت خمس اسنين مايون

 

[بتبوتااا]

مجنونه امانه سأليها طلعت ورقه من السفاره اهني قبل لا تروح ؟

شادن شلون فهميني ��

 

[om MaRyooM]

وي وي شهالبلشة

اذا امي سمعت بتين مسكينة


نبي اخر التطورات






وشلون نطلع ورقة السفارة
؟
قل لاتسافر الخدامة ولا عقب ؟

 

[بتبوتااا]

قبل لاتسافر الخدامه تروح السفاره مع كفيلها جذي سوينا قبل

واهيا لمن ردت قالت انه الورقه الي طلعناها من السفاره حيل مهمه لولاها جان ردوها