بريوش محشي بالربياااان- صنع ايدية وحياة عينية

[أم حيدر]

بسم الله الرحمن الرحيم

تعالو شوفو انا شسويت بالبريوش

المقادير - بريوش نفس اللي بالصورة حسب الكمية المطلوبة تحصلونه بالجمعيات

حشوة الروبيان


المقادير : روبيان مقصص قطع صغيرة
بصل شرايح رفيعة
فلفل اخضر بارد قطع صغيرة
مشروم مقطع شرايح رفيعة ( حسب الرغبة )
جبن قلاصات حسب الرغبة ( انا استخدم المراعي )
1/2 قوطي كريمة
خردل تقريبا 4 قفاش اكل
مايونيز 4 قفاش اكل
ليمون حسب الرغبة
بهارات كاري
ملح حسب الرغبة

الطريقة :

نحمس البصل بنتفة زيت زيتون لحد ما يشقر لونه + نضيف الفلفل الأخضر + نضيف المشروم وينحمسون عدل

نضيف الربيان عليهم ونحمسه على نار هادية لحد ما ينشف الماي اللي فيه

بعدين نضيف بهارات الكاري والليمون ونكمل الحماس لحد ما يشرب الروبيان الليمون

نضيف عليهم الخردل والمايونيز وجبن القلاصات ونحمس عدل مدل ونحمس خمس دقايق وعقب نضيف الكريمة ونخلي الخلطة على نار هاادية عشان يشربها الربيان شوي شوي

في هذي الأثناء : نجيب البريوش ونقصه بالنص شوي شوي عشان لا يخترب وندهن السطحين الداخليين جبن قلاصات ومايونيز وخردل مسحة خفيفة

صارت خلطتنا جاهزة نحطها داخل البريوش ونرش فوقها جبن موزاريلا ونصكرها

نجييب زيت زيتون وندهن السطح العلوي للبريوش من بره وندخله الفرن 10 دقايق على درجة 140 عشان تتحمش الصمونة

وبالعاااااافية​

 

[أمواج البحر]

حركاااااااااااات تسلم الأيادي ام دوري

انزين اذا بتسوينه يوم الخميس صوريه خخخخخ

 

[لولي**]

تسلم الايادي

 

[جارة القمر]

تسلم ايدج


حبيبتي



ومشكووووووووووووووووووووره

 

[جورية كويتية]

تسلم ايدج حبيبتي
مشكوووووووووره

​

 

[xxx]

تسلم الاياااااادي

 

[dan]

تسلم اييييييييييدج حبوبه وناسه طريقه يديده و شكلهت حلوه

 

[ضحكة الدنيا]

خوش حركااات تسلم الايادى ويعطيج العافيه

 

[أم حيدر]

أمواج البحر ::: انشالله بس شكلي بسويه بحشوة الدجاج مادري

لولي ::: حياج الله ومشكورة عالمرور

 

[أم حيدر]

جارة القمر :::: جورية _________ انتو اللي حلوين شاكرة مروركم

بنت الكويت ::: ومن قال يسلم


دان ::: ضحكة الدنيا ______ جربوها وايد نايس وتقدرون تحطين اي حشوة ثانية انتو تحبونها يعني لا تتقيدون بحشوة الربيان

 

[^^دموع الكويت^^]

واو اتوقع تطلع عجيبة

مشكوووووووورة تسلم ايدج

وحسافة لو مصورته

 

[أم حيدر]

دموع الكويت ::: اهي من ناحية عجيبة حدها عجيبة وانشالله يوم الخميس عندي عزيمة بصورها واحطلكم صورتها

 

[جروح تبتسم]

ياقلبي مشكورهـ على الوصفه اللذيذه وتسلمين

 

[أم حيدر]

جروح تبتسم :::: انتي الذ يا حلوة

 

[C.A.N.D.Y]

تسلم الايادي

 

[C.A.N.D.Y]

تسلم الايادي

 

[أم حيدر]

ساندي ::: تسلمين يالغالية

وسويتها بعزيمة يوم الخميس بحشوة الدجاااج

بس ما صورت

 

[لانا]

تسلم ايدج
وايد حلوه طريقتج

 

[bnt q8 in usa]

تسلم الايادي

 

[أم حيدر]

لانا - بنت كويت

حياكم حبيباتي طبقوها وادعولي