برياني اللحم بالخضار...

[GAP^^الكبيرة]

السلام عليكم

شلونكم بنات وشخباركم؟

هالوصفه اخذتها من كتاب المطاحن حلوة ولذيذه وايد.. غيرت بمقدار البهار شوي وبدلت بنوع من الخضار وزدت كميتها ..


استخدمت بهالوصفه لحم العجل ( هبر) .. بس اتوقع شقف الغنم بتكون ادسم واترف.. طبعا كان الهدف اني اخليها صحيه اكثر وهالشي راجع لرغبتكم طبعا






المقادير:
لحم حسب الرغبه... انا نسيت اوزنه بس بحدود 750 غ اقل او اكثر
2\1 ك بصل مفروم
2\1 م ص زنجبيل
2\1 م ص ثوم
4\1 م ص كركم
4\1 م ص بزار بحريني
2\1 م ص كزبرة بودر
1 م ص كاري
4\1 م ص فلفل اسود
2\1 م ص بهار برياني ( راجا او مهران او اسناد او مجدي او من سمراء عدن ..)
2\1 م ص لومي ناعم
1 م ص معجون طماط
2\1 ك طماط
4\1 ك كزبره مفرومه
4\1 ك نعناع مفروم
1 م ك شبنت مفروم
2 م ك بقدونس مفروم
حبه بطاط كبيره مقطعه مكعبات ومسلوقه
2\1 ك جزر مكعبات مسلوق
2\1 ك بصل مقلي
2\1 حبه فلفل حار
مكعب خضار
جيله عيش
زعفران منقع بماي ورد
بهارات كامله : عود دارسين ، ورق غار، 5 حبات هيل، 5 حبات مسمار
زيت نباتي وسمنه

الطريقه:

يسلق اللحم لمده 3 دقائق بماي صافي وبعدين نغير الماي ونحط البهارات الكامله ونخليه يطبخ لي تمام النضج

نحمر البصل مع الزنجبيل والثوم ومكعب الخضاروباقي البهارات الناعمه والمعجون .. ثم نضيف اللحم والطماط والبطاط والجزرونحركها لمده 5 دقايق تقريبا عشان ياخذون النكهه
وبعدين نضيف الكزبره والنعناع والشبنت والبقدوني والبصل المقلي والفلفل الحار ونتركه شوي على النار ونعزله

نسلق العيش نص سلاق ( 6-7 دقايق وعلى حسب نوع العيش ) ونحط جزء منه بالجدر وحمسه اللحم وباجي العيش
نرشه بقليل من الزيت والزعفران ونغطيه بقصدير ونخليه على نار هاديه تقريبا45 دقيقه

نقلبه بصحن التقديم وبالعافيه

 

[قطوه مجكنمه]

ماشاء الله شكله يشهي عاشت ايدج بجربه

 

[GAP^^الكبيرة]

حياج الله حبيبتي

 

[Snow angel]

ماشاء الله تبارك الرحمن شكلها روعه

 

[ام خالد 78]

تسلم ايدج

 

[ودي***أفرح]

تسلم الايادي

 

[mngo67]

تسلم ايدج.....لج وحششششششششششششششة!!!

 

[جارة القمر]

تسلم ايدج


وبالعافييييية

 

[a7la_eng]

تسلم ايدج والله يشوق ماشاءالله

 

[ضحكة الدنيا]

شكلها لذيذه
بجربها ان شاء الله
مشكووووووووووره
وتسلم الايادى

 

[*الغاليه*]

تسلم ايدينج يالغاليه
ممكن طلب ابي طريقة البرياني من كتاب المطاحن بالتفصيل
لاني ذقته عند وحده وقالت من كتاب المطاحن وقلتلها اكتبيلي الطريقه وشكلها عطتني طاااااااااف

 

[DBDOB3 DES]

يعطيج العااافيه خيتو

 

[GAP^^الكبيرة]

حياكم الله حبايبي وعذروني على التاخير بالرد عليكم

الغاليه من عيوني ان شاء الله اكتبها لج

 

[Reem_q8]

بجد شكله يشهي روووووووعه ما شاء الله تسلم الايادي ياقلبي

 

[*الغاليه*]

تسلم عيونج يالغاليه لاخلى ولا عدم

 

[Anwaar]

ماشاء الله شكله يشوق حدج شوقتيني

الله يعطيج العافية

 

[Reem_q8]

الصراحه جربته وطلع حلوووووووووووووو يعطيج العافيه ما قصرتي هم شريت الكتاب عشاااان اطبق قبل رمضان

 

[دانتيل]

وااااااااااي خيال شكلها ايووووع حده


يسلمووو الوصفه تسلم ايدج

 

[القبله]

مشكوووووووووووره و تسلم ايدج

 

[بنت الأصايل]

لا بالله كدينا خيييرررررررررر طلعت الكرشة

ماشالله تشهي حيل

تسلم ايدج