برود وعاطفة جياشة

[كربون امها]

مرحبا حبايب عساكم بخيريارب
مثل مانعرف ان الحياة حلوة بالايمان والمال والبنون والحب والعاطفة بين الازواج موضوعي باختصار
يتعلق بالزوج والمال واهني السؤال الزوج الاول اذا الزوج غني حدة يعني قادر يدلع سفرات سياره كل سنه هدايا طلبات كلها لبيه والخ ماله نهايه بس مع الاسف معيشج برود جمود مافي مشاعرابدا اصلا مايجي صوبج مانقول اخلاقه موشي بس طبيعته جذي ثلج
الزوج الثاني رومانسي مشاعره جياشه معاج حب شجن :eh_s(7):
كل صفة في روعة بس مع الاسف فقير يعني حدة حدة ديون
ترس راسه ومن ناحية المصروف زيرو يعني مايقدريلبيلج طلب واحد اهني القمندة صعب الاختيار تختارون منووبصراحةحبايبي
عني والله اختار الرجل الغني حدة لان الحياة حلاته بالمال ماقدر اعيش محرومة عشان الحب والشجن مايؤكل خبزوجهة نظري
ادري صعبة بس شسوي
وانتو صراحتكم

 

[كربون امها]

اللي مو متزوجات شاركوني واختارو

 

[ام كوثر2007]

انا بقول شغله وحده .. مابي اكون مثاليه بس جد هذا احساسي لو خيروني .

اختار الفقير تدرين ليش ؟

لانه الفلوس احنا اللى انييبها مو اهي اللى تييبنا .

بس المشاعر اشلون بشتريها بالفلوس ؟؟؟؟؟

خذوهم فقراء يغنيهم الله .

 

[sosowaty]

والله مادري حيرتيني

لا تعليق

 

[كربون امها]

ام كوثر ردج عجيب ورايج على العين والراس
بس ابو المشاعر ينخاف منه لوالله اغناه نسى الاولي والتالي
فليش الحرقه تجينا واحنا نايمين ماندري شسالفة اخذ بليد
المشاعر عالاقل نحصل من وراه فايدة وماينخاف منه بالجيب
يعني هههههههههه

 

[رق رق]

اكيد الحب
لان لفلوس نقدر انييبها وانيمعها
بس الحب صعب وتتعبين عشان اتييبينه هذي مشاهر لان.
شل فايده الفلوس بدون حب ،جان قعدت بيت اهلي وسافرت وطلعت ، ولا اتزوجت حبيبي زوجي (اشفييييييييني متاثره فيلم هندي)

 

[شذى الحب]

مع ام كلثوم لانه من وظيفتناا نييب الفلوس

 

[ام كوثر2007]

مع ام كلثوم لانه من وظيفتناا نييب الفلوس

ما ادري ليش تقرون الاسم كلثوم مع انه مكتوب كوثر .. :ch12: ​

 

[الريمـ اللعوبـ]

انا اذا بكووووون واقعيه بختار اللي عنده فلوس عشان اعيش نفسي وعيالي

اذا بكوووون خياليه بختار اللي رومانسي ومشاعره جياشه

يعني سؤالج محير بعض الشي*

 

[سياسيه]

انا مو متزوجه وبختار الفقير اكييييييييييييييييد والفلوووووووووس ماتيب سعاده ولا سفرات عن تجربه واهم شي الحب الحب الحب

 

[Cute mama]

اذا اخترت الريال الغني اوكي سافرت ورحت وييت وشريت وسويت وبعدين ؟؟ راح امل شنو الحياه من غير حب
اما اذا خذيت اللي يحبني ورومنسي وفقير وعليه ديون .. بحبه ورومنسيته راح يحلي دنياي ويخليني اشوف الدنيا ورديه
بس الديون والفقر ماتخلي احد مرتاح
اذا اهو ماكان مرتاح ماراح يعرف يريحني
فلا هذا ولا هذا
انا اختار اللي معاه فلوس ويحبني ويدلعني ​

 

[بخـــارى]

يبا غني فقير الرياييل كلهم نفس الشي
لا والله اختار الغني عالاقل لي مات اورثه اما الفقير راح اتذكر كلامه الحلو واعور قلبي واورث الفقر منه لووووووووووووول

 

[كربون امها]

مشكورين على مروركم حبايبي

 

[كربون امها]

يالا حبايبي لا تبخلون علي مشاركاتكم

 

[مألوفة]

انا ريلي من النوع الاول ريلي مو مخليني ناقصني شي ومو مقصر معاي ماديا كلش بس مو رومنسي ولا يعطيني حنانه ولا اشوف منه شي وكله اطلب منه الطلاق واهور مو راضي ترى الفلوس مو اهي كل شي المال احنا نسويه بس تبقى الكلمه الحلوة والصدر الحنون والقلب المحب اهوا اللي يقرب النفوس حق بعضها وعشان تعيشين سعيدة يبيلج من يسعدج بحياتج اليومية مو اللي يسعدج بالفلوس وثاني يوم اتخلص خل يسعدج كل وقت وكل ساعة وكل يوم اهني



تحسين انج عايشة مع ريال وعايشة حياة سعيدة

 

[amami al-kuwai]

في حريم ازواجهم مشبعينهم فلوس وروحات وطلعات بس بالنهايه تروح ادور الحب

ليش احط نفسي بهالموقف

فاختار الحب

واساسا الاولين قالو اذا دخل الفقر من الباب طلع الحب من الشباك

وان شالله الفلوس مو مشكله سهل انجمعها

 

[دلوعة صلوح]

ياربى الفلوس حلوووة والرومانسية حلووة ..

يبا اقعد من غير زواج ولا عوار القلب لى تبينى اختارة هههههههههههههههههههههههه

 

[نونه المنكوشه]

والله انا بالنسبه لى ابى الاثنين ابى تو ان ون مافى شى بعيد ع الله انا طول عمرى الحمدالله مدلعه وكل شى بفضل الله متوفرلى ليش اقط نفسى عند واحد منتف بصراحه ماقدر اعيش وماقدر اعيش مع انسان بارد وجسد بلا روح هم بموت ولانى بنت نعمه وشايفه خير ماراح يهمنى فلوسه بس هم ماارضى اخذ منتف ع بو انه حب فابى الاثنين وانا متفائله وان شاءالله بعزمكم ع عرسى وبسويه بكان ع البحر يااااااسلام هههههههههههه

 

[كربون امها]

توتة المنكوشه انشالله يارب يرزقج بالنصيب الزين اللي يرضيج امين يارب العالمين فعلا الفقر والبرود العن شي بالحياه
بس حيرتيني شمعنه يعني البحر خليتي الفنادق رحتي لخياس البحر ههههههههه

 

[كربون امها]

دلوعة اصلوح كلامج صحيح الفلوس تهوس والرومانسيه
تعيشج نور ومهندههههههههه بس مافي ريال كامل حكمة الله
وان كامل مات مبجر هههه سبحان الله مشكورين على مرركم حبايبي