برود مشاعري بيقتل زواجي

[الفهده...]

مراحب ياحلوات

انا ماعندي مشكله بس هو استفسار

يعني انا ماعرف اقول كلام حلو احس اني استحي

اذا زوجي قال احبك

اقول له وانا بعد

دايم كذا طفش مني يقول متى تفكيني من وانا بعد :yaaaaaarb:

واذا كلمت احد من صديقاتي دايم اسولف معهم اقول لهم شخباركم ياقلبي مع سلامه حبيبتي
وينقهر
انا متعوده ذا كلامي مع صديقات وامي وبنات خالاتي هو يطلع بروحه هالكلام

بس سبحان الله لساني ينربط مع زوجي ومشكلتي حساسه اي زعله ابكككككي
بعض المرات يقول يابزر تكرهين احد يناقشك بموضوع اذا بكيت

بمختصر ليش شخصيتي ضعيفه وليش لو زوجي طول برا بالاستراحه ارتاح وخاطري ينام برا رغم اني احبه واخاف لوحدي بالبيت بس برضوا اخاف من الغرفه

ليش انا متناقضه ليش حساسه

ليش ماكو مثل زوجات خواني جريئه بمفردات مع ازواجهن حتى بحضورنا
ليش الي يغلط علي ماقول له ستوب وقف عند حدك

الحين انا ظالمه زوجي لو كنت كذا

كنت احلم باشياء حلوه زواج وبيت ويوم تزوجت صار كذا

 

[الفهده...]

تعديل كنت احلم ومتحمسه يصير لي بيت زوج بس يوم صار حسيت كل شي عادي احس اني مادري شلون
اقول لكم

 

[*peace*]

اذا توج متزوجه عااااااادي وشي طبيعي

انا كنت نفسج اول ماتزوجت ماعرف اتحجى مع زوجي

بس بعدين مع الوقت كلووو تمام

 

[روحي82]

عااادي انا كنت نفسج وانا بعد بس الرجاال يبي الوحده دلعه شووفي اذا قلتي انشالله يااقلبي غمضي عيوونج وتطلع بعدين مع التعوود يصير الوضع عااادي


وهذي موو مشكله انشالله بسيطه

 

[الفهده...]

يعني شي عادي مو
طيب زوجات خواني حتى لما كانو عرايس و متزوجات كانو جريئات شوي
انا كلش سكتم بكتم

 

[سفييره الكويت]

حياء المرأه جمالها ..

سمعيني حبيبتي تكونين رومانسيه يوم تقولين للي بقلبج على لسانج حاولي تقربين من اذنه وتقولين له احبك شوفي تاثيرها..!

عبري عن شعورج ولا تخافين من شي القلق هو من يجعلك تتراجعين عن التعبير..

 

[الفهده...]

المشكله كيف ماعرف ينربط لساني
واذا قال احبك قلت وانا بعد
اذا قال اشتقت لك قلت وانا بعد

 

[الفهده...]

ربي يسسسسعدكم بنات

 

[مــســك]

سؤال .. جم صار لج متزوجه ..!


اذا توج متزوجه .. فهذا دليل آنج مستحيه .. وللحين ما تعودتي عليه .. كلنا في البدايه جذي ..

بس بعدين لا .. تتعودين عليه وتحبينه وتشتاقين له ..


وغصبن عنج بتطلع هالكلمات الحب وبتقولينها تلقائي .. آحبك .. آشتاقلك .. يا عمري .. يا دنيتني .. و و و و..


شوفي .. بعطيج طريقه .. عشان تتجراين آكثر .. بما ان زوجج طلب منج تهاتفينه بكلمات الحب ..


طرشي له مسجاااات غزل وحب .. اذا طلع برا ..

وكتبي كلمه وحده .. آحبك وطرشيها مسج ..


وانتي تطرشين له هالكلام .. آقريها بصوت عالي .. وكرريها اكثر من مره ..


واذا رجع من البيت .. بيقولج الله شالمسجات الحلوه .. قولي له هذا من حبي لك .. عمري آنا اشتقت لك ومن شوقي لك طرشت لك هالمسجات ..

ومنها راح تتعودين ان شاءالله ..


بس انسي شوي المستحى ..:/

 

[الفهده...]

بالحج متزوجه لي يمكن 5 شهور << بدايه الحج اول العطله

احاول وان شاء الله

انا كلما بتكلم حتى لو ابي مقاضي لبيت تبرد اطرافي
مدري شفيني

مقهوره من نفسي

بس طريقتك راح اطبقهاااااااااااا بأذن لله

 

[منال $]

حبيبي هذا خلالالالالاص صار زوجك و5 شهور مدة كافية تكوني تعودتي علية
لو قالك بحبك قوليلة وانا بموت فيك
لو بدك تطلبي منة شي حبيبي بدي كدا وكدا
اتحركي شو ما يصير ومابدي اخوفك الرجال الشي الي بيكون ناقصة ببيتة بيدور علية برة
فا انطلقي

 

[ام كوثر2007]

باجر تتعودين عليه وتصير سوالف ..

انتي حاولي تفهمينه انه هالشي بيتغير مع الوقت لانكم توكم متزوجين


وانتي عاد الله يهديج مو تطولين بالتغييير ترا الريااال يمل ويزهق ويطفش من الحرمه اللى الحيااا ذابحها ليل نهااار


وطفارته اللى تتبجبج علي ادناااة الدووون .. غيري من طبعج وصيري مرااا زمااان بيت اهلج خلص وراح .. حاولي تعيشين الواقع اللى انتي فيه .

 

[بكيزة هانم]

اتلحلحي ..ما يصير ..

 

[صحكة الايام]

مع الايام انتي تطلبين شسمه

 

[الفهده...]

عوافي يالغوالي

بس هي مو سالفة شسمه لا والله
سالفه كلام مشاعر ماكو اي بقلبي حكي بس مايطلعع

 

[الفهده...]

 

[الفهده...]

اللهم اني استغفرك واتوب اليك

 

[خلطات المذهله]

الشغله بتاخذ وقتها وانتي رطبي لسانج شوي وشدي حيلج لاتطفشين الريال ترا بروحهم يدورون الحجه
تغنجي وتدلعي وكوني دايما ضحوك ودلوعه والكلام يغير في نفسيه زوجج

 

[sh_mashael]

اتوقع 5 اشهور كافيه انج تتعودين عليه و تتجرئين
لا تستحين منه و دامه يقول كلام حلو لا تضيعين هالفرصه من ايدج
و قوليله كل اللي بقلبج

الله يوفقكم =)

 

[الفهده...]

ماقصرتو بنات ربي يسعدكم