بروح ماليزيا كم يوم يكفيني؟؟؟

[قلبي*خضر]

بروح ماليزيا

1-كم يوم يكفيني بكل منطقه؟

2-اسم افضل الشقق الفندقية هناك ؟

3-افضل احجز من هني الشقق او هناك؟

4-اي افضل خطوط اروح عليها وتكون كويسة ورخيصة؟

5-سلامتكم

 

[بتبوتااا]

ان شاء الله البنات يفيدونج ياقلبي

 

[حاااايره]

انا رحت ماليزيا 9 ايام كوالالمبور ويوم جنتنج

بصراحه كانوا واجد عليها لانا اخر الايام ملينا وسلامتج

 

[Lady^bird]

هااااااي
أنا بعد راح اروح ماليزيا .. بنروح كوالامبور5 ايام وجنتنج يومين وقالولنا على جزيرة حلوه مادري شسمها اذا ممكن تفيدوني اللي راحوا ماليزيا .. وهم قالولنا عن مكان اسمه الاحصن الذهبيه بعرف شنو هالمكان قالنا انه حلوو .. وابيكم تفيدوني بلييييييز ناطرتكم

 

[أم حسون]

10 ايام كافي 5 كوالالمبور 3 ايام بينانج ويومين سنواي لاقون
الفنادق سنواي لاقون اسمه بيراميد تور (عجيب) وبينانج هيدرو ماجستيك
يفضل تحجزين حق الفنادق من هني اضمن
والخطوط السيلانيه تهبل تهبل خدمه واكل وسيرفس وكل شي صراحه

 

[ArEEj]

حبيبتي انتى اختاري جم يوم ناويه وعلى هالاساس قسمى
ويفرق اذا معاج اطفال ولا لا
يعنى اذا بتروحين 12 - 14 يوم مثلا
اخذى يومين في ولاية سلانجور فندق الاحصنة الذهبيه او الصن واى لاغون
طلعى طيران داخلى او بالباص اذا تحبين الى جزيرة بييانج فندق هوليدي ان او باي فيو بيتش لمدة يومين
منها اطلعى بالعباره الى جزيرة لنكاوي يومين
وبعدين رجعى الى كولالمبور العاصمة بالطيران الداخلى واقل شي تقعدين فيها 5-6 ايام

هذا تقسيم تقريبي اذا ما عندج اطفال اذا عندج زيدى بالمده بكل مكان والغى لنكاوي

هذا اقتراحي
بالنسبة للخطوط طبعا افضل شي الاماراتيه بس هالسنه ضاربين فووووووق بالسعر
وراها تجى السيلانيه - القطريه - الماليزيه

بالنسبة للشقق هم يعتمد على عدد العايله والميزانيه اللى انتى حاطتها
في شقق رخيييييصه تمشي الحال
وفي شقق راقيه وخدماتها حلوه
بس حددي ميزانيتج بالليله جم تقدرين
بس عموما ما في اقل من 40 دينار لليله والشقق الراقيه على 55 - 60 دينار بالليله

اذا تعرفين تحجزين عن طريق النت ارخص لج
وعموما اهم موجودين بمكاتب السفريات بس شوي اغلى

واى استفسار انا حاضره

 

[Fa6oM]

ليلتين جنتنق .. ليلتين سن واي لاقون ثلث ليالي لنقاوي 6 ايام كوالالمبور