بروح لندن العاصمه وابي اماكن حلوه

[q8tia27]

الله يعافيكم بنات بروح هالصيف لندن وانا رايحه من قبل لها بس ودي اماكن غير المعروفه مثل اكسفورد ستريت وهارودز ولندن اي وبيكدلي ابي اماكن جديده الي يعرف لندن عدل عدل وشنو اماكن رحلات حلوه لعايلة كلنا كبار وتكون قريبه من لندن يعني رحله ليوم واحد بالقطار ياليت تفيدوني حبايبي ومشكورين

 

[AMANI82]

يلا بنات انا بعد بروح بعد اسبوعين و ابي اماكن ما شفتها ابي سوالف يديدة

 

[SupeR-GirL]

روحو برايتون بالقطار يوم واحد وناسه

وروحو بيستر فلج

ومدينه حلوه وهاديه ميلتون كينز وايد حلوه العام سكنا فيها كلها جبال وطبيعه

ساعه بالطريج

وان شاء الله البنات بعد يساعدومج

 

[autointoxication]

روحوا مانشستر (حق السوق عجيبه)
ليفربول
بلاك بول
ليك ديستريك (هذي منطقه بحيرات حدها عجيبه)

و في مكاتب هناك تنظم رحلات داخل بريطانيا و ممكن تسألين كونسييرج الفندق عنها
ااااه كافي جو بريطانيا العجيب

عليكم بالعافيه
تروحون و ترجعون بالسلامة

 

[q8tia27]

تسلمووون بعد قلبي عالافاده انا رحت بيستر فيلج وبلاكبول وبرايتون حلوين بس ناويه على مانشستر يوم وومثل ماقلتي يمكن نروح البحيرات بس بعيد عن لندن؟
ليفربول شنو حلو فيها؟
شاريكم اروح كاردف والا عاديه؟ يعني اقصد مكرره والا تسوا ؟ وبعد الي اتعرف تقولنا شنو اكو ماكو ومشكوووورين جميعا

 

[q8tia27]

محد يعرف؟

ويلز جم بينها وبين لندن؟

 

[الاطلالة]

انصحج تروحين اسكتلندا ادنبرة بقطار وايد حلوة وهم فى منطقة يمها اسمها كلاسكو وايد سوقها حلو بس لازم تقعدون على الاقل يوم

 

[N.U.N.A.A]

انصحج تروحين برمنغهام ساعه و ربع بالقطار و فيها مصنع كادبري تغيير حلو و المكان حلو *

 

[المحبة للاناقة]

اللاخت اللي تسال عن ويلز يبيلج بالقطار تقريبا من اربع لي خمس ساعات يعني لازم تقعدون فيها جم يوم بدل الطريج