بروح لمكه تعـآلي قوليـلي شنو آخـذ من هنـآك ..

[حلا الظفير]

مرحبآ عرآيـس ..


شلونكم عسولآت ..؟!


ان شالله هاليومين بسافر لمكه وبنروح للمدينه واحتمال للطايف



بس بغيت اسالكم شنو اخذ من هناك ..؟


اذا بجهز وين اروح اي مكان ..؟ سواء بمكه ولا المدينه او الطايف



وشنو اسواق المدينه المنوره لاني اول مره اروح لها



وقزاز شنو العطور الحلوة ابي بالاسم


وكل شي تعرفونه بمكه قولولي


ناطرتكـــم حبـآيبي ..~

 

[7noOna]

رد : بروح لمكه تعـآلي قوليـلي شنو آخـذ من هنـآك ..

مـلآفــع الــشـرقـيـه ~

 

[فرابتشينووو]

رد : بروح لمكه تعـآلي قوليـلي شنو آخـذ من هنـآك ..

بالطايف عندج مجمع العبيكان و الطائف الدولي عندهم محلات خام عجيبين ومحلات نفانيف سهررره حلووين ورخاص

في حواي اب مركز مكه نسيت اسمه بس اهو الوحيد بالمجمع اظن بالدور الثاني يبيع ماي ورد حده عجيبب حتى غالي البطل اب 12 دينار

امممم قزاز احسه غالي على الفاضي يعني مافيه زود

المدينه حالي من حالج ما اعرف فيها محلات معينه بس يمدحون محلات الذهب عندهم

والله يوفقجججج وتردين بالسلامه

 

[فرابتشينووو]

رد : بروح لمكه تعـآلي قوليـلي شنو آخـذ من هنـآك ..

:yaaaaaarb:الشرقيه حلوين عبيهم وملافعهم فصليلج جم وحده ويبهم لج الكويت وفي محل اسمه آنستي الجميله على ما اظن ابمركز مكه يبع عبي ساده

حلووين ورخاص وعنده شيلات حلوه وهم في كوشكات يبعون سيايد صلاة فخمين وكشخه


لا تنسيييين تدعليلي بالعمرررره

 

[عذبة السجآيآ]

تقبل الله طاعتكم مقدما

مكه اخذي منها ,,, لبس الصلاة + طقم جناط حق تجهيزج من قزاز رووعه شغلهم + صناديق اكسوارات وساعات من الداود ببرج زمزم + ملافع الشرقيه + بعض المحلات يبيعون مفارش لتواليت والكومدينو + عطورات الماجد بس بعييد عن الحرم فانصحج وانتو رادين ان شاءالله مري اللي بالحفر واشتري منه

اما الطايف والمدينه ما اعرف اسواقهم والله

 

[منى راشد]

رد : بروح لمكه تعـآلي قوليـلي شنو آخـذ من هنـآك ..

هلا ياروحي تجين بالسلامة وتنورين طايفنا انا سعودية من الطايف عندك ياروحي سوق اسمة قلب الطايف عند البرج حلو وعندك قزاز مخفظ 80% وعندك ياروحي بالبرحة محل الكمال لموية الورد خذي مركز وخذي عادي المركز للبشرة روعة نعومة ونظارة والعادي تصبين منها بالموية او العصير تريح نفسيتك وتفيدك ببشرتك
وعندك شارع خالد بن الوليد جلابيات روعه وجنبة محل اسمة ميركاتو عندة استكات الماركات ب10 و15 اغلى شي 35ريال بلايز وقمصان وتشريتات وبناطيل روعة غالبيتة ماركات وعلى وقت جيتك بفتحون خيمة تسوق من الهند والصين ومصر جنب فندق مسرة الانتر وبمكة عند ابراج الجوار محل عطور اسمة الماجد لايفوتك روعة خذي المبثوث الماجد وعطر رسمي والعاذرية وفواحة العاذرية وعطر المملكة ووووووو اكثر عطورة مركزة شي شي وعطر المسك لجسمك ولشعرك وعندك بالطايف سوق الخليج قدام سوق العنقري فساتبن زفة حلوة ورخيصة ....امري يالغالية وش تبين بعد

 

[منى راشد]

رد : بروح لمكه تعـآلي قوليـلي شنو آخـذ من هنـآك ..

وتذكرت بعد ببرحة القزاز اولها اسم ثاني سوق البلد فية حريم بساطات قدام مواقف السيارات عندهم شراشف وسجادات ولها بيت خاص روعة ومطرزة مدري عندكم بالكويت زيها او لا واي لون تبين تلقينة

 

[هايدي الجميله]

الله يتقبل منك يارب
عمره مقبوله مقدماً

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

مـلآفــع الــشـرقـيـه ~

اكيد ملافع الشرقيه لا يعلى عليها

مشكووره حنووون

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

بالطايف عندج مجمع العبيكان و الطائف الدولي عندهم محلات خام عجيبين ومحلات نفانيف سهررره حلووين ورخاص

في حواي اب مركز مكه نسيت اسمه بس اهو الوحيد بالمجمع اظن بالدور الثاني يبيع ماي ورد حده عجيبب حتى غالي البطل اب 12 دينار

امممم قزاز احسه غالي على الفاضي يعني مافيه زود

المدينه حالي من حالج ما اعرف فيها محلات معينه بس يمدحون محلات الذهب عندهم

والله يوفقجججج وتردين بالسلامه

الله يسلمج حبيبتي

والطائف الدولي اخر مره رحت له الصراحه اسعاره غاليه ع الفاضي

ان شالله بمر على مجمع عبيكان


مشكوووره يالغاليه

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

:yaaaaaarb:الشرقيه حلوين عبيهم وملافعهم فصليلج جم وحده ويبهم لج الكويت وفي محل اسمه آنستي الجميله على ما اظن ابمركز مكه يبع عبي ساده

حلووين ورخاص وعنده شيلات حلوه وهم في كوشكات يبعون سيايد صلاة فخمين وكشخه


لا تنسيييين تدعليلي بالعمرررره

ابشري من عنوني بدعيلج:wqedqw:

 

[miss fantastic]

رد : بروح لمكه تعـآلي قوليـلي شنو آخـذ من هنـآك ..

انا سامعه امي يوم تروح تقول في ابراج مكه في اشياء حلوه والله مادري سالي عنه وشوفي ... ​

 

[حلا الظفير]

تقبل الله طاعتكم مقدما

مكه اخذي منها ,,, لبس الصلاة + طقم جناط حق تجهيزج من قزاز رووعه شغلهم + صناديق اكسوارات وساعات من الداود ببرج زمزم + ملافع الشرقيه + بعض المحلات يبيعون مفارش لتواليت والكومدينو + عطورات الماجد بس بعييد عن الحرم فانصحج وانتو رادين ان شاءالله مري اللي بالحفر واشتري منه

اما الطايف والمدينه ما اعرف اسواقهم والله

منا ومنج صآلح الاعمـآل ان شالله ..

الماجد موجود هني بالكويت ان شالله اخذ منه بعدين


مشكوووره سن سن سجلت بالورقه

 

[ملــحْ !]

رد : بروح لمكه تعـآلي قوليـلي شنو آخـذ من هنـآك ..

آب

آب

:ggdw:

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

هلا ياروحي تجين بالسلامة وتنورين طايفنا انا سعودية من الطايف عندك ياروحي سوق اسمة قلب الطايف عند البرج حلو وعندك قزاز مخفظ 80% وعندك ياروحي بالبرحة محل الكمال لموية الورد خذي مركز وخذي عادي المركز للبشرة روعة نعومة ونظارة والعادي تصبين منها بالموية او العصير تريح نفسيتك وتفيدك ببشرتك
وعندك شارع خالد بن الوليد جلابيات روعه وجنبة محل اسمة ميركاتو عندة استكات الماركات ب10 و15 اغلى شي 35ريال بلايز وقمصان وتشريتات وبناطيل روعة غالبيتة ماركات وعلى وقت جيتك بفتحون خيمة تسوق من الهند والصين ومصر جنب فندق مسرة الانتر وبمكة عند ابراج الجوار محل عطور اسمة الماجد لايفوتك روعة خذي المبثوث الماجد وعطر رسمي والعاذرية وفواحة العاذرية وعطر المملكة ووووووو اكثر عطورة مركزة شي شي وعطر المسك لجسمك ولشعرك وعندك بالطايف سوق الخليج قدام سوق العنقري فساتبن زفة حلوة ورخيصة ....امري يالغالية وش تبين بعد

حبيبتي تسلمين والله ماقصرتي ..~


بس عندي جم سؤال ..؟


ششنو استكات ..؟

والخيمه اللي فيها شغل الهند والصين وين اي صوب ..؟ قولي لي اي شارع او اي حي فيه عشان اقول لاخوي المكان بالضبط

 

[حلا الظفير]

الله يتقبل منك يارب
عمره مقبوله مقدماً

منا منج صالح الاعمال

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

انا سامعه امي يوم تروح تقول في ابراج مكه في اشياء حلوه والله مادري سالي عنه وشوفي ... ​

مشكوره حبيبتي ..~

 

[حلا الظفير]

رد: رد : بروح لمكه تعـآلي قوليـلي شنو آخـذ من هنـآك ..

آب

آب

:ggdw:

رفع الله قدرج خيتو :blueSmCLR:

 

[** ام ملك **]

حياكِ الله بالسعوديه :hjy5jewf:

اهم سوق بمكه ابراج مكه ..

بالتوفيق ..

 

[حضرمية اصيلة]

رد : بروح لمكه تعـآلي قوليـلي شنو آخـذ من هنـآك ..

في حبيبتي اسواق الضيافة في الزاهر بمكة فيها اشياء حلوة

وفي سوق الحجاز في طريق جدة

وكلها مراكز كبيرة وفيها محلات راقية

اذا تحبين الحلويات الشعبية

في محلات ابو نار وهي في الغزة قريب من الحرم حلوياتهم لذيذة

ويارب توصلين بالسلامة وعمرة مقبولة