بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :p

[عجميه ولي الفخر]

السلام عليكم يالغوالي


برروووح للخبر

شنو العطورات الحلوه اللي اقدر اشتريها من الخبر ..؟

وشنو احسن الكريمات تبيض ولا كريمات اساس ..؟


وشنو اقدر اشتري من هناك عموما .؟

واللي ما تعرف ترفع الموضوع

 

[أنوثهـ حتى الثمالهـ]

مادري بس احس ماركاتنا بالميك اب والكريمات نفس اللي عندكم

: )عموما حياك

 

[يآكثر آحبك.~]

رد : بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :

أول شي تروحين وترد بالسلامه لنا *_^


الخبر كل شي فيها حلو جوها ناسها مجمعاتها ...


بالنسبه للعطورات ... اهم عندهم محلات (اصغر علي + عطور الماجد+ سيد جند )

عطوراتهم حلوه تقدرين تشوفين وتاخذين فكره

لانهم مو موجودين عندنا بالكويت ...

واحنا دايم ندور الشي الي مو عندنا للووووول


اما بخصوص الكريمات ماعندي والله خبرهـ


وتقدرين تشتري عبي وملافع حلوين( بشارع سويكت )

وترى بضاعتهم الي تنزل عندهم..احسن بوآيد من بضاعتنا

واذا عندج عرس ولا حفله عندهم نفانيف العرس حلوووووين وأرخص من الي عندنا


وووو بس

وإن شاءالله البنات يفيدونج بعد *_^

 

[الأميرة جوري]

رد : بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :

تونسسسسس الخبر ورررررووووعه شوفي الراشد ومجمع فينيسيا شيء ...اصلا بدون لا تحددين بتلقين شغلات زووووووووووووغه بصراحه انصدمت من الخبر انها حلوه

 

[دمثة]

الخبر حلوة الله يوفقج وتستانسين

 

[فراولة]

رد : بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :

اتروحين واتردين بالسلامة
اختي عليج بالحنه والرشوش اذا اتهمج هالسوالف
ودوري شمطري ترا عجيييييبة ريحته للشعر اذا خلطتي منه اشوي مع الحنة او بروحه
يلللمع الشعر وايغذيه وايثبته من التساقط بس دوري عند الحواويج او الحريم البسطات
وعليج بخلطات الزيوت للشعر والشغلات الي نحبها القديمة والكحل الاثمد نافع جدا
واذا عندكم مناسبات عليج بفساتين السهرة روووعة ---والاكسسوارات حلوة والعبي الخ:eh_s(6):

 

[ام عفراء]

مع انج سألتي عن عطورات وكريمات

بس انا عن نفسي بالخبر لازم امر محل vinnci صنادل وشحاطات عزج الله بس موديلاته راقية وناعمة وسعره ممتااز

وهو موجود في مجمع فينيسيا

لازم اخذ منه مجموعة حلوة للصيف كله ، حلوين ومريحين

 

[مس دلال]

اممممممممممممممممم
مدري كل شيء عندكم اتوقع

 

[مرت راعي التاكسي]

حبيبتي الخبر اخذيي خامات وعبي بس ومثل ما قالت الاخت عطورات جنيد واصغر على والماجد

بس انا احب اخذ منها الخامات والعبي رووووووووووعة بس ترا اسعارهم شويييي غالية

 

[شهرزاد77]

رد : بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :

مرحبا حبيبتى عجميه.............. الخبر حلوه بس تقريبا نفس الكويت ..........................بالنسبه للعطور عندج الماجد احلى شى عنده ريمه والعاذريه وعندهم معمول البيت حلو والزعفران ونكتار عندهم الحمره السحريه بالفيتامين والكحل الاسود حلو وبالنسبه للمحلات البدل عندج فيمى ناين فى فينيسيا والظهران وماعندهم فرع بالكويت كذالك عباياة توايلا عندهم عبى الراس خامها حلو وكذالك عبى الكتف وبالنسبه للكريمات عندج صيدلية النهدى عندهم كريم تبيض افالون امن وبدون كرتزون وكذالك صابونة السالسليك ممتازه
وعنهم باريس جاليرى عنهم عطورات حلوه خاصه بالمحل بس شوى غاليه واى استفسار عن الخبر انا حاضر

 

[7noOna]

رد : بروح للخبر .. شنو اقدر اشتري منها ..عطور كريمات الخ .. واللي ترد بجيبلها صوغه :

مجمع الراشد فيه جواتي و جناط حلوين


و مجمع فينيسيا فيه بدل عروس و دراريع استقبال حلوين


و سوق السويكت فيه كل شي المحلات صايرين عالشارع محلاتهم حلوه و اسعارهم رخيييصه حتى القمصان اللي عندهم رخاص عموما

 

[هيبه ملكـ]

اب اب

 

[بحرينيه كشوخيه"]

الخبر وماأدراك ماالخبر ياحبي لها كثر الكويت بس الكويت أزيد صراحه متولعه فيها وبناسها فديتكم أهل الكويت

نخش بلمحلات

رووحي سوق سويكت وتمشي وتمشي ولايهمج

تلاقين محلات تطير العقل

روحي نكتار أخذي مجموعه البنفسج رووووعه

أخذي كريم ناسيه أسمه بس لون العلبه أسود ويسوي بشرتج ناعمه وبها لمعه ب 20 بحريني

أخذي مجموعه التوت يالبى بس

وروحي محلات العطور إلي بسويكت رخاااااص وتطيح بلأسعار ولا فوق ذي العطر أصلي

أخذي ديور وجفنشي وبلاك أكس

وروحي للبخور والعود وطخي مخمريه للشعر ومسك الطهاره لزمااا وإلي يعجبج تلقينهم بأجمل

والميك أب نفس الكويت ياقلبي بس يمكن أرخص بشوي

وأخذي رشوش للبيت وروحي فينسيا طخي ميني جلابيه من هناك روووعه

وفساتين سهره وأكسسوارات وأي خدمه ثانيه من عيوني ياعيوني

 

[nouran84]

موضوع رائع شكرا على الموضوع​

يسلموووووووووو​

​

 

[الجوري 120]

يسلموووو

 

[الأماكن]

انا دايما أروح السويكت ... أخذ لي جم عباية حلوة

توني خذيت عباية من محل اسمه المغيرب شغل يدوي تجنن

و محل زين

و اختي خذت من الروائع

و مريت نكتار ... خذيت مجموعة بس ما أتذكر شنو لونها أحمر

و خذيت اللوشن المنعم لونه أسود طويل من نفس المجموعة

و مريت فينسيا في محلات أحذية تكرمين و خصوصا vinnci روووووعة شوية عليه صنادل تهبل و متينة

جواتي الاطفال خمي و انتي ماشية موديلات غريبة خصوصا البنوتات

واذا عندج مناسبة اخذي لج بدلة سهرة ...

و بنفس المجمع عندهم خامات

عندهم محل اسمه فيمي ناين ... للاسف رحت الخير 4 مرات الله ما كتب لي اروح له

في كشك صغير اسمه جيسيكا ... يبيع مكياج ... الحمرات عنده تهبل ... دياما آخذ منه

عندهم بعد محلات اكسسورات زووووغة

خذيت موديل المفتاح لقيته منتشر عندهم بشكل مو طبيعي

مجمع الراشد أكثره ماركات مثل اللي عندنا زين و حلو

جربي مطعم قرية التراث قريب من مجمع الراشد .. يهبل كأنه قلعة و كله غرف أكلهم حلو

و لا تنسين الكنافة يمي يمي يمي

نصيحة : لا تروحون بالويك اند .... زززززززززحــــــمــــة


و هذا اللي اتذكره الحين

تروحين و تردين بالســـــــــــلامة​

 

[عصفورة كويتيات]

والله كل شي موجود بالكويت
بس العبي حلووووووووووه وارخص
بشارع سويكت