شوفي هذي الاماكن:
1- public market هذا مثل سوق ياي بالطول فيه خظار و فواكهه و سمج و ورد و عسل و اشغال يدويه يونس و كله ناس
يعني اهوا سوق شعبي يونس اذا بتشترين سوفينيرات من هناك
و انصحج تروحين حق راعي الشورما هناك لان احلا شورما ذقتها بحياتي ، راح اوصفلج مكانها، لما تروين الببلك ماركت اكو سطره محلات جباله محل خبز و محل جبن و اكو كشك صغير مال شورما اهوا واحد ماكو غيره و اذا ما دليتيه سألي عنه لانه كلمن يعرفه هناك
و ترا السوق صاير بالداون تاون يعني مج المحلات كلها النوردستروم و الميسز كلهم طوابق يهبلون و نوردستروم راك بعد بس هذا طابقواحد و الطابق الثاني حق جواتي تكرمين
2- space needle
هذا برج سياتل المشهور اللي كله يحطونه بالافلام، روحيله و صعدي البروج و اشتري سوفونيرات و صوريه فيه، و عندهم باستا على شكل البرج تحت بالمحل، و يم البرج اكو مدينه ملاهي صغيره تونس
3-صوب البحر بالداون تاون اكو سطره مطاعم وايد، انصحج بمطعم اسمه crab pot هذا مطعم سي فود يحطون لج مطرقه و يلبسونج مثل سدريه بلاستك و طلبي كراب و ربيان ، ايوبون لج اياه بماعون حديد يكتون بوسط الطاوله في كراب و ربيان و ذره و بطاط احمر، و يحطون لج زبده على جنب و راح تاكلين اصابعج وراه يهبل احل مطعم سي فود بحياتي و كلش مافيه زفره
4- اذا بتسفطين بالداون تاون انصحج تروحين مول صغير اسمه pasific place لانه بنص الداون تاون يعني يمج المحلات كلها و الببلك ماركت يصير و اهم شي انه سيفتي و داخل باركنج بسرداب و فيه سكيرتي لانه الداون تاون يخرع خاصه بالليل
5-اذا تبين سينما روحي lincoln square هذا مول اب بيلفيو جبال مول ثاني اسمه bellvue square ، فيه سينما تونس و صاير بداون تاون بيلفيو ، و اكو مطعم هناك بس مو بالمول لا ، صاير يم المول يعني تمشين له اسمه مادري شنو little italy ماني متذكره بالضبط، مطعم ايطالي لذيذ و رومانسي
6- اكو حديقه ورا bellvue square حلوه اذا عندج بيبي تتمشون فيه تلعبون البيبي
7- بالنسبه حق السكن انصح اب فندق حيا او وستن ، لانج منتي مطوله 3 ايام فالفندق احسن شي، و هالفنادق موجوده اب بيلفيو مو بداون تاون سايتل ، امان و اطمئنان احسن من الداون تاون
8- kerkland هذي منطقه فيها مثل الكورنيش على البحر فيه محلات برد و مطاعم و في محل رياضات مائيه، و فيه تمشي على البحر وايد حلو الهوا اللي هناك نقي حيل
9- لا تتسوقين في سياتل لان فيها تاكس ، روحي بورتلند احسن و يمج اب اوريجن
و اذا تبين اي سؤال انا حاظره
