بروح دبي ومتوهقه helpme كويتيات ؟

[توتــــه21]

السلام عليكم كويتيات:q8:

الموضوع باين من عنوانه

يوم الإثنين بإذن الله بروح دبي لمدة 3 أيام أبي برنامج حلوو يشمل الأسواق والأماكن السياحيه عشان معاي ولدي ونبي

نستانس كلنا يعني السفره سوق ووناسه وفندقنا شيراتون بشارع زايد شرايكم فيه وفموقعه؟؟؟؟؟؟

 

[&& قيثاره &&]

:هلا حبيبتى بالنسبه للفندق موقع استراتيجى حيل قريب على اكبر مجمع دبى مول تقريبا بالتكاسى ياخذ 10 دراهم بس ويمكم فيه سوبر ماركت تروحون مشى ومطاعم اول يوم انصحج بدبى مول كبيبر وكل شى فيه وبالليل القعدات اللى بدبى مول عالنافورة وبرج خليفه عالساعه 8 تبدى النوافير وعندج الامارات مول فيه سكى دبى والعاب ومطاعم وباليل روحى القريه العالميه ثالث يوم روحى مردف سيتى سنتر جديد وحلو نفس الستى سنتر اللى بديره وبالليل روحى منطقه الجميرا( جى بى ار ) هذى منطقه فيها مطاعم وكافيهات والعاب جنج قاعده باوربا وترحون وتردون بالسلامه :ggdw:

 

[توتــــه21]

مشكوره حبيبتي ويعطيج العافيه
:hjy5jewf:


بنات ويييييينكم :gr4uu:

 

[حنان العيون]

رد : بروح دبي ومتوهقه helpme كويتيات ؟

هذا برنامج لثلاث ليالي ... اربع ايام

اليوم الأول :
الوصول لدبي
التوجه للفندق
ثم التوجه الى دبي مول
حيث يوجد
الاكواريوم
محل مصنع الحلويات
كيدزانيا
العشاء على انغام النافورة الراقصة بمطعم الحلاب

اليوم الثاني :
صباحا الافطار في الفندق
التوجه الى مجمع مردف سيتي سنتر الغداء
العصر التوجه الى سوق التنين
ليلا بعد صلاة المغرب التوجه الى القرية العالمية

اليوم الثالث :
صباحا : الافطار في الفندق
التوجه الى ابن بطوطة للغداء و التسوق
العصر التوجه الى الامارات مول للسكي دبي و التسوق
و دخول السينما و العشاء هناك

اليوم الرابع :
صباحا التوجه الى حديقة الخور قبل الساعة 11
لمشاهدة عرض الدلافين الذي يبدا العرض الساعة 11 صباحا
ثم في الحديقة نفسها التوجه الى مدينة الطفل
ثم التوجه للفندق
وعمل جيك أوت من الفندق و التوجه للمطار



انشاء الله اكون افدتج

و هذا موضوع جدا مفيد لدبي

http://www.q8yat.net/showthread.php?t=636545

 

[جوري وبنفسج]

السلام عليكم

تروحين وتردين بالسلامة يا قلبي وأن شاء الله تستانسين

أنا توني قبل يومين رادة من دبي مسفرة عيالي أونسهم من بعد الأمتحانات

أنصحج بكدزينيا عيالي حبوه وايد وراحوا له مرتين وهو موجود بدبي مول وبعد فيه الأكوريوم والنافورة الراقصة

وعندج بأمارات مول سكي دبي وايد حلو بس برد يبيلكم تأخذون دلاغات متينة وجسوس جلد .

وعندج القرية العالمية حلوة

وحق التسوق دبي مول وأمارات مول وايد غاليين >> أنصحج بسوق أوتلت وايد أرخص .

أما عالم فراري الموجود بأبو ظبي ما أنصحج تروحين له ما يسوى عنوته ولا المبالغ الكبيرة اللي راح تخسرونها بسبب روحته يعني كمثال أنا وعيالي وزوجي كلفتنا السيارة اللي ودتنا 135 دينار والطريج يأخذ تقريباً ساعة ونص والدخول كلفنا الشخص تقريباً 20 دينار يعني كلنا 100 دينار والنتيجة مكن بايخ وما عجب عيالنا وتحسفنا على تضييع وقتنا عليه .​

 

[لارا2009]

انا كمان ريحه لدبي قريب عندي اسماء المجمعات بس لاكن هذي اول مره اروح لها
دبي مول
امارات مول
ابن بطوطه
فيستيفال سيتي
مرادف سيتي سنتر
برجمان
سوق التنين (الصيني)
تاون سنتر
مركز الجميره
تروحين وتردين بالسلامه :wqedqw:

 

[أم منصـ 85 ـور]

رد : بروح دبي ومتوهقه helpme كويتيات ؟

انا بروح ٣ ايام شوفي برنامجي يمكن يعجبج اليوم الاول : نوصل الساعه ١٠ نروح الفندق نبدل ونطلع دراغون ماركت نخلص منه نطلع سيتي سنتر مردف نتمشى ونتغدا وعالليل نروح القرية العالمية اليوم الثاني : الصبح عال٩ بنروح مرشد ونايف وربعه ناخذ اللي نبي ونمشي يعني عارفين شنبي وعقب دبي مول وبندخل برج خليفه حجزنا من النت اليوم الثالث : الصبح بنطلع اسواق جميره وعالظهاري ذا ووك ونتغدا فيه والمغرب نروح امارات مول ونرد فندقنا وطيارتنا من الصبح رادين

 

[سيدة الكويت]

رد : بروح دبي ومتوهقه helpme كويتيات ؟

اول يوم دبى مول ....كدزانيا لأطفال روعه يهال فوق السبع سنوات لحد 14 سنه + النافوره الراقصه روعه قبال سوق البحار وبرج خليفه ...........اول يوم
لأمارات مول ..سكى دبى التزلج + التسوق ثانى يوم
المردف ستى سنتر العاب هادى شحلاته وتسوق + باليل الساعه 6 القريه العالميه العاب بس لبسو اليهال جاكيتات برد + التسوق فى القريه ثالث يوم

احلى برنامج حق ثلاث ايام وراح تدعين لى

ما انصح بالسوق الصينى

 

[أنثى وكلي حلا]

اول المهمات شراء دفتر التخفيضات فيها تذاكر لدخول اغلب الأماكن ادففع لشخص والثاني مجانا


1- القرية العالمية ...

2- سوق التنين السوق الصيني دراوقن

3- بن بطوطه مول + ركوب المنظاد بوابة مصر

4- دبي مول (حوض سمك ) .. (حديقة مائية مركز استكشاف) (الغداء في صالة التزلج ) ...(شلالات المول ) (النافورة الراقصه ),,(افخم محل شوكلاته )

5- مول الأمارات (حديقة الثلج والكهف ) (منحدر التزلج )

6- تايمز سكوير مول (كافيه الثلج )

7- رحلات السفاري الصحراوية و التطعيس على الرمال (من العصر لليل ) الحجز عبر اي شركه

8- حديقة الخور (ركوب التلفريك ) (شاليه صغير 200 على البحر) (الدلافين )

9 - الباص البرمائي العجيب الحجز من مكتب برجمان من الظهر مدة ساعتين

10- قرية البوم السياحية (قرية تراثية )(تذكرة للعشاء على متن السفينه )

11- زيارة فندق اتلتس +الأكوفانشر اتلنس مدينه خيالية من الألعاب المائية

12- مجمع ميركاتوا كانك في مدينة ايطالية

13- برج خليفة

14- زيارة برج العرب

15 - حديقة الممزر والشاطئ

16- مجمع فستيفال

17- سوق الكرامه وسوق نايف

18- ممشى مارينا

19- شارع جي بي ار


وكل شي تبين تسفسرين عنه كتبيه في قوقل ويطلع لك موقع العرب المسافرون

17- مجمع وافي سنتر

18- مجمع مردف ستي

 

[عثوله دبي]

ماقصرو البنات

بس لازم لازم لازم تروحين كيدزآنيـآ وسكي دبي عشـآن وليدج

 

[أنثى وكلي حلا]

اول المهمات شراء دفتر التخفيضات فيها تذاكر لدخول اغلب الأماكن ادففع لشخص والثاني مجانا


1- القرية العالمية ...

2- سوق التنين السوق الصيني دراوقن

3- بن بطوطه مول + ركوب المنظاد بوابة مصر

4- دبي مول (حوض سمك ) .. (حديقة مائية مركز استكشاف) (الغداء في صالة التزلج ) ...(شلالات المول ) (النافورة الراقصه ),,(افخم محل شوكلاته )

5- مول الأمارات (حديقة الثلج والكهف ) (منحدر التزلج )

6- تايمز سكوير مول (كافيه الثلج )

7- رحلات السفاري الصحراوية و التطعيس على الرمال (من العصر لليل ) الحجز عبر اي شركه

8- حديقة الخور (ركوب التلفريك ) (شاليه صغير 200 على البحر) (الدلافين )

9 - الباص البرمائي العجيب الحجز من مكتب برجمان من الظهر مدة ساعتين

10- قرية البوم السياحية (قرية تراثية )(تذكرة للعشاء على متن السفينه )

11- زيارة فندق اتلتس +الأكوفانشر اتلنس مدينه خيالية من الألعاب المائية

12- مجمع ميركاتوا كانك في مدينة ايطالية

13- برج خليفة

14- زيارة برج العرب

15 - حديقة الممزر والشاطئ

16- مجمع فستيفال

17- سوق الكرامه وسوق نايف

18- ممشى مارينا

19- شارع جي بي ار


وكل شي تبين تسفسرين عنه كتبيه في قوقل ويطلع لك موقع العرب المسافرون

17- مجمع وافي سنتر

18- مجمع مردف ستي

 

[Ice Princess]

يعطيكم العافيه عالموضوع

والبنات ما قصروا:eh_s(17):

 

[هنـــد]

حبيبتي انثى وكلي حلا

المنظاد شلون نركبه انتي جربتيه وشرايج فيه ؟

 

[ام هالدنيا]

وايد مشكوة ان شاءالله راح نروح لدبي قريب ان شاءالله اذا الله كتب لنا الروحة

ادعو ا لي ان ريلي ما يهون ن السفرة يا بنات

 

[LuLiTa]

اتروحون بالسلامه