بروح دبي ساعدوني !! بليز

[shai6onah]

قوه بنات

مثل ما تشوفون بروح دبي شهر 4 انا واختي الصغيره بقعد هناك 5 ايام ابي فندق نظيف بدبي وسعره معقول مو 100 دينار الليله وجذي وابي تقولون لي ااجر سياره مع سايق ولا اخذ تكسي؟ شنو ارخص لي لاني مع اختي مو امي وابوي ومابي اتوهق وقولولي محل سفريات زين احجز منه ومشكورين

 

[بنت عبدالغني شربت]

هلا اختي الاوفر لج انج تاخذين سياره وسايق بالنسبه للفندق عطيني جم تقدرين بليله يعني مزانيتج جم تسمح ؟

 

[brettey]

عندج فندق hallmark رخيص ونظيف ليلته ماتتعدى 35 ومافيه خرابيط اهو بشارع الرقه

 

[بنت البحر]

روحي سوفتيل الي بستي سنتر علشان انتي بروحج بالليل ليش تطلعين بره بالانصنصير ولا انتي بالسوق انا حبيته

 

[bambena]

قعدنا مره بفندق سن اند ساندز حلو ورخيص ومكانه حلو

وقعدنا مره بشقق فندقيه غرفتين نوم الليله ب 50 دك تحجزين لها بس من سفريات الاوائل بالدوليه اسمه كورال بارك للشقق الفتدقيه يتبع لفندق كورال ديره

وستي سنتر حلو واحسنلج فيه مجمع بس غالي

 

[فورلا]

عندج تاج بالاس حلو والاسعار عندهم متغيرة حسب المواسم
والافضل تاخذين سيارة مع سايق علشان اذا حاشتج أزمة تكاسي ما تتوهقين

 

[tofy]

انا آخر سفره قعدت بفندق جراند حبتور وايد حلو وراقي هالحجي شهر ستة كان 69

امس ريلي داق على مكتب سفريات يسألة عن الأسعار قالة 210 تخيلي الفرق

 

[shai6onah]

@@ امبيه كويتيه صدمتيني شدعوه هالكثر فرق!! شكلي هون ليش هالكثر !!! امبيه صدمه الصراحه

 

[سبائك]

يقولون دبي صايره نار وشرار

يعني تعادل دول اوربا بالغلا

 

[malak 7ayati]

شوفي حبيبتي مالج الا تاج بلس الصراحة حده راقي وبنفس الوقت مافي الخرابيط والاشكال اللي تنشاف بالفنادق الفايف ستار اهو 5ستار بعد بس اسلامي ووايد ووووووووووووايد حلو وانصحج فيه

 

[خشف العرب]

كونكورد رهيب لما رحت له بالعطله كانت الليله ب35 بس

 

[ام سلطان20]

:68_asmilies-com:هلا والله فديتج وحياج في بلادج اثاانيه .:eh_s(6):.غناتي ودي اساعدج بس انا ماعرف واايد في سوالف الفنادق..والله يعينج على الغلا ابصارحه مش طبيعي:krkrkr: احنا اهل دبي نشتكي من الغلا وين غيرناا.:0bee2e8d89:.....كيست الخبز لي ناخذها قبل بدرهم صارت ب 3 دراهم ونص ويمكن باجر 4دراهم مادري ليش؟؟

بس الله كريم واذا حبيتي تستفسرين عن اسوق وهاي اسوالف دزيلي على الخاص فديتج ويامرحبابج من ييتي لين سرتي ..نطر العرج ابدوويه خخخ:tek:

 

[hmama]

حبيبتي ديري بالج على نفسج وعلى اختج

 

[shams]

اي معروفه دبي بالفناادق اغلا من اوربا

 

[shai6onah]

@@ وي سويتولي فلم رعب!!! لا تخافون علي انا ببريطانيا بروحي ودبي الحمدلله ديره امان انا بس كنت ابي اعرف اسعار الفنادق وجذي ماقصرتو فديتكم