بروح دبي جاوبوني علي هالاسئلة جزاكم الله خير

[رولكس ذهبيه]

السلام عليكم بنات

ابي تقولون لي شنو تشترون من القرية العالميه يعني شي مايتطوف

وانا بروح مع زوجي وعيالي شنو اهم الاماكن اللي تخصهم لاني بقسم الروحه لي ولهم في 4 ايام

وابي اعرف اماكن للشنط الماركه

واماكن البخور

ويعطيكم العافيه

 

[نااناا]

هلا حبووبه اختيار موفق لدبي في هالوقت
دبي بالشتا روووعه وجوووها حلــــــو.......
والقريه العالميه تونس حيل بس مافيها شي يسوى تشترينه...
في حريم قاعدين بخيمه يسوون خبز رقاق ولقيمات يمي يمي لايطوفكم
وبالقسم التايلندي يسوون مساج كامل او بس للرجلين ((ساعتها راح تكونين محتاجه مساج للرجلين))
افضل مكان للاطفال كيدزانيا في دبي مول راح يستلنسوون عيالج فيها حيل ممتعه ومختلفه وفي نفس المول بعد في الاكواريم والنافوره الموسيقيه
ومول الامارات في القريه الثلجيه حيل حلوه وممتعه...وفيه كل الماركات العالميه
انشالله اكوون فدتج.........

 

[حوراء للعطور]

ماقصرت الاخت

اماكن للاطفال في مردف ستي سنتر وااايد المكان حلو لما اطوف عنده اتمنى ارجع صغيره والعب فهالمكان
وفي بعد فدبي مول وااايد روعه ماشاء الله

اماكن راقيه عندج البوليفارد ماركات وامارات مول وبرجمان ودبي مول ووافي سنتر
هذيل الماركات التووووب



القريه العالميه بصراحه ماسيرها الا عسبة الالعاب فقط لا غير اما مشتريات خلاص تعودنا كل شي متوفر في البلاد طول السنه يعني ماشوف شي يديد مش متوفر عندنا


حياج الله

 

[رولكس ذهبيه]

مشكووووورة نانا ومشكووورة حوراءللعطور
بس ماجبتو طاري للبخور

 

[نااناا]

بكل مكان بتلاقين بخور
بس لايطوفج بخور ألياس بدبي مول موموجود بالكويت
وبسوق مرشد بعد بتلاقين كل انواع البخور واسعاره مناسبه.......

 

[مضيعة برقعها]

اللي بالقريه العالمية مايتطوف
الجناح السعودي == أخذي منهم القهوه والهيل
الجناح اليمني == الحنه للشعر والشدر
الجناح الايراني == عندهم بفك عجيييييييب كل من هب ودب عليه قرطاسه أمر بأصفر +++ وأخذي الزعفران الاصلي
والباقيييييييييييييييييي عااااااااااااااااااااااااااااااادي

 

[LA TROO7]

بخو ياس يعععععععععععع قرف

روحي لباريس غاليري في دبي مول داخله محل هند العوود هذااا الفخامه والروائح الحلووة

 

[LA TROO7]

اي لايطوووفج النفيش في دبي مول خصوصا بالكراميل يمااااااااااااا يجنن