بروح بانكوك 3 ليالي بوكيت 4 ليالي دبي 3 ليالي شرايكم؟؟

[حاااايره]

مرحبااااااااااااااااااااااااااااااااااااا



بنات احنا الميزانيه 2000 ماتسمح ونزلت موضوع من قبل كنت رافضه عدة دول منهم دبي وتايلند لا وكنت ابي اوروبا بعد >> عيني قويه:gathering:

بس اخر شي قلت يابنت احمدي ربج وروحي تايلند ودبي شزينهم ابرك من الديره وهم كسرة روتين:eh_s(1):

المطلوب شرايكم بتقسيم الايام وترا حدنا 12 يوم يومين روحه ورده و10 نقسمهم ابي بانكوك وبوكيت ودبي وشرايكم بالميزانيه تكفي انشاءالله ترا الميزانيه للتذاكر والسكن والمصرف والاكل من غير المشتريات حسابهم بروح

واذا ممكن بعرف افضل الاماكن فبكيت وبانكوك


سلااااااااااااااام ياحلوين:eh_s(8):

 

[دمـوع الشـموع]

اختي ممكن تكفي بس دبي بتكلف عليك خلي يوم دبي او يومين لان السكن غالي

وكلش غالي

صراحه مارحت تايلند عشان افيدك لكن اتمنى من البنات يفيدونك

 

[أمواج البحر]

شوفي حبيبتي الـ2000 تكفيج بس حق بوكيت وبانكوك

لكن ما اظن بتكفيج حق دبي لانه غاليه والسكن نار

خليهم بس بانكوك وبوكيت ودبي عادي تقدرين تروحين لها اي وقت

 

[toot^o^mishmish]

الميزانية كلش ماراح تساعدج حق دبي يالله يالله تكفيج حق بانكوك وبوكيت واصلا اذا رحتي عالاتحاد بطبين بأبوظبي ليله واذا عالاماراتية بطبين في دبي ...

 

[ArEEj]

من صجج دبي ؟ بروحها يبيلها 2000

2000 راااااهيه على اسبوعين بتايلند
بالتوفيق

 

[سمبوسة]

زيييين غيرتي رايج أحسن من القعدة بالكويت عطيني فرصة بس شوي وأحط لج الأماكن حبيبتي ومثل ما قالولج البنات دبي بتاكل الميزانية لأن الفنادق أقل شي خمسين بالليلة واللي أقل ما أنصحج فيهم كللللش فزيدي أيام تايلند أحسن

 

[حاااايره]

حبايب قلبي الف شكر عالرد وخلاص بشيل دبي

بس زوجي اليوم ضحكتني وبجاني ينفس الوقت يقول بوكيت بكينيات لا والصدر طالع وصخه وماتصلح :eh_s(1):

وبانكوك رطووووبه تبين خل نروح ماليزيا ياربيييييييييييييييي ماليزيا رايحتلها شنو هذا والله ضاق خلقي

 

[سمبوسة]

شوفي حبيبتي بحط لج الأماكن بس بدون الأسعار لأن ما أذكر بالضبط من زمان ما رحت عموما الديرة رخيييصة بس تجنبي شارع العرب ما يسوى ونصب على خلق الله المهم بانكوك يا طويلة العمر طبعا مجمعات وسوق فخليها بعد بوكيت أحسن وفيها مدينة ملاهي اسمها دريم وورلد حلوة وفيه بعد سفاري وورلد بس اذا بتروحين سفاري في بوكيت ماله داعي بانكوك المجمعات عندج سيام باراجون يديد وكبييير وفيه الماركات و سيكون سكوير هذا أكبر مجمع وبعد روبنسون وامبوريوم وورلد تريد سنتر وesplanade ومال الخليجين طبعا الام بي كي ما فيه زود بس كبير ورخيص وعموما هالمنطقة كلها مجمعات وبالليل تبدي البسطات تمشي وشوفي بس هااااا ديري بالج تروحين السوق اللي يفتح بالليل باتبونج لو منو يقولج لااااا تروحين انا أحس اني أعرف ذوقج ما يصلح لج زحمة وبالهوا بالحر وكله بسطات تقليد والبلاوي الزرقة على اليمين والشمال وانت تقولين أغار من البكيني فما بالج بالبلاوي اللي هناك(اللي خبرج) نصيحة من اختج لا تروحين
يالنسبة لبوكيت حاولي تسكنين في شارع باتونج هو اللي فيه حركة واذا كنت تحبين العزلة وتبين الرومانسية شوفي منتجع بعيد عن هالمكان المهم اخذي رحلة من الفندق حق جزيرة بي بي وجزيرة جيمس بوند معاهم الغدا طبعا طبيعة ووناسة وتقدرين تنزلين على بوت مع ريلج بمكان عجيب بس لااااا تدخلين الكهوف هم صج حلوين ووناسة بس وايد ناس يقولون انهم دخلوا عقب ثلث ساعة ارتفع المد ولصق البوت بالسقف وانجرحت روسهم وقاموا يسبحون لما اطلعوا يعني ما تسوى سلمي على روحج واكتفي بالتمشي بالبحيرة المنظر خياااال وغير هذي عندج رحلة السفاري وحديقة الحيوانات وركوب الفيلة وطبعا المكان المشهور هناك فنتازيا وورلد بس حجزي قبل يوم من الفندق أو أي مكان برة لأن ساعات ينملي وما تلقين حجز طبعا عروض ووناسة وفيه بعض الأسواق ببوكت مثل jungceylon بس طبعا خلي التسوق ببانكوك أرخص وهذا اللي أذكره وانشالله البنات ما يقصرون وترى اذا قلتي ماني رايحة تايلند بعضج :eh_s(14):

 

[حاااايره]

ههههههههههههههههه ياحلوج يا سمبوسه ماتقصرين والله اني حبيتج >>> اشتهيت السمبوسه

جنج تدرين زوجدي هون عنها يقول تبين ماليزيا وبانكوك بس بوكيت لا انزين انا اغار بس دست على غيرتي وقويت قلبي اهو شكووو مايروح غريبه؟؟


الحين شسوي بالله؟؟؟؟

اروح تركيا؟
ياربي ما احبهاااااااا

والا ارد لماليزيا اجدد الايام الخوالي ؟


تكفين سمبوسه ابي رايج

 

[أمواج البحر]

حبيبتي ترى بوكيت مو لهالدرجة مفاصيخ

هذيل ما تشوفيهم الا بالبحر

اما بالاماكن العامه لا والله مافي شي والاجانب بكل ديره يلبسون مزلط حتى عندنا

يعني مو شي غريب

 

[um wahaby]

ليش مافكرتي بهونج كونج

انا مارحتلها بس واايد يمدحونها

 

[سمبوسة]

يا بعد عمري أحرجتيني :tek: ما أدري شسالفة الموقع كل ما أكتب لج ما يطلع الرد , عموما أعتقد أن ريلج عارفلج ما يبي يقط فلوسه مسيكين وعقب تبوزين على المفاصيخ :dddds: مع ان تقدرين تتجنبينهم خلي غرفتج تطل على الحديقة ولا تروحين صوب البحر بالفندق وبالرحلات حق الجزر أكيد بتشوفينهم بس طنشي كل واحد ترى بحاله وانت كيفج فكري فيها

تركيا ما أنصحج كللللش حر موووت والسيارات مو مكيفة وغلا مثل أسعار أوربا وفوق هذا نفس شينه وما كو لغة الواحد يتفاهم معاهم ما يعرفون انجليزي حتى اللي يشتغلون بالمطار ولي يابولج مترجم طلع عراقي بالله هذا وقته قطيعة,,,, أدري مسكت الخط :dddds: بس ما حبيتها واذا قررتي عليها أحط لج أماكن زينة

ماليزيا انا أحبها مريحة وشرحة بس حاولي تروحين أماكن ما رحتيلها وتغيرين الفندق عشان تحسين بفرق

بانكوك حطيت لج الأماكن بس اقترح عليج تحطين بدالها سنغافورة يومين كافي عليها الديرة صغيييرة بس نظيفة وناسها محترمة تسكنين بشارع أورشيد كله مجمعات ما راخ تخلصينها وثاني يوم تروحين جزيرة بالتلفريك وفيها اكويريوم هي أغلى من تايلند وماليزيا بس مثل ما قلتلج يومين ما تأثر واذا سكنتي بهالشارع ما تحتاجين تكاسي كل شي تحتج وتقدرين تروحين لها بالسيارة من ماليزيا أربع ساعات أو بالطيارة نص ساعة كيفج الأثنين بياخذون نفس الوقت بس أعتقد الطيارة أرخص لأن طيران داخلي

بالنسبة للي اقترحت هونج كونج انا معاها تينن وفيها ديزني لاند بس غااااالية وبعيدة عشان جذي ما قلتلج عنها

فكري حبيبتي على راحتج وشوفي اللي يناسبج ولو ان عندي احساس آخرتها بتكسرين فينا و بتروحين مصر :dddds: بس ترى ما رحت لها فما راح أفيدج

 

[أمانيQ8]

والله انا اقول خلي اسبوع كامل بوكيت بنكوك تولي وصخه ولوعة جبد

ودبي اذا بغيتها سوووق اوكي بس سياحه وع مافيها الا الاسواق والمنطقه الثلجيه مادري شسمها بس

 

[حاااايره]

ثانكس حبايبي كلكم عالرد
بس غيرنا الوجهه

ياريت الكل يرد على موضوعي الثاني

http://q8yat.net/showthread.php?t=167047

 

[أم الكتاكيت]

انا بعد بروح و خذيت معلومات سمبوووسة

 

[*جبرني الوقت*]

دبي غاليه بروحه السكن ياكل