بروح الهند

[لوباساج]

:ada:

 

[لوباساج]

سوري وين الموضوع ماادري شنو رعصت واختفى ماعليش كلاكيت ثانى مره الموضوع
بروح مومبى الهند منو تعرف عناوين وشغلات تنشرى انا قالولى عن فندق تاج محل وابوروي فيهم مولات لاصقه والبهارات والحنه شنو اييب منهم

 

[NoWay2know]

دخلي موقع السياحة في الهند مومبي وشوفي مراكز التسوق هناك والاسعار

 

[عواصف الخلجان]

الفندق وايد راقي وموقهة علي البحر مقابل بوابت الهند من ايام الاستعمار البريطاني والعصاري يكون في الساحة باعة متجولين ولايطوفج الحنطور ركنية راحيفرج علي المنطقة كلها بس لاتعطين الفقارة شي ولا يتناتفونج ديري بالج0
طبعا المنطقة اللي فيها الفندق اسمها كلابا ودار مدار الفندق اسوقة تمشي وتسرقي 0
وفي خدمه بالفندق اللي اهي جوله سياحية بالسيارة انصحج فيها اول ماتوصلين بلغي الفندق وحجزي 0
الهند عجيبة استمتعي كثر ماتقدرين0
اكلج خلية بالفندق بس0

 

[لوباساج]

مشكوره حبيبتى no way 2knowوعواصف الخلجان وبما انكم اول ثنتين رديتو على رح اكافئكم اذا تبون شى او خاطركم بشى كلمونى على الخاص ومايردكم الا لسانكم

 

[brettey]

يا بختج عليج بالعافيه
سلمي على الربع حبايبي نجوم bollywood

 

[عواصف الخلجان]

مشكورة وبي سلامتج وعاد لاتنسين تقولين رايج بعدين بالهند

 

[أمانيQ8]

والله يالوباساج اهم شي ان اسمج على المحل المفضل لي وكله اشتري منه مو هذا موضوعنا شوفي حبيبتي الهند عجيبه وضروري تاخذين احتياطاتج بالنسبه للصحه يعني حطي معاج كمامات بالجنطه عشان اهناك لابد بتمرين بشوارع الله يعزج ريحه ودخان وحوسه موطبيعيه وفي منطقه اسمها كيرلا زوريها وفي معلومات بجمعهم لج واعطيج اياهم بس استرجع ذاكرتي لان من اربع اسنين رايحه وبالنسبه للسكن افضل لج تسكنين بمنتجع اونس وأأمن راح اكتب لج جم معلومه بأقرب وقت

 

[أمانيQ8]

عـــــــــــــــــــــــــدنا

شوفي حبيبتي اول شي انا قلت لج ان لابد تاخذين احتياطاتج بالنسبه لظروف جوهم اهناك انصح نصيحه الكمام لا تنسينه حطيه بالجنطه من الكويت وانسيه ينفعج حق الزحمه اهناك وادخنتهم اول شي من تنزلين من الطياره وتطلعين من المطار بتنصدمين من اللي بتشوفينه بتقولين ردوني الطياره هههههههههه لان حوسه وايد شوارعهم بس عقبها بتستانسين بإذن الله

اول شي اقولج انا رحت منطقة غوا او جاوا على قولتهم هذي فيها منتجع وايد حلو سكنته ومايحتاج تطلعين بره يعني كل شي فيه وكلمة عجيب اشويه عليه لان طبيعه وشي خياااااااال وانصحج بالمساجات اهناك وحمامات الزهور والأعشاب وايد عجيبه واسمه Theleela وليلته ب46دينار ونصيحه لاتاخذين التاكسي الا من الفندق اضممن واامن لج ديري بالج

بالنسبه لمنطقة كولابه اللي فيها فندق تاج محل اهناك مشهوره بالجواتي الله يعزج والشحاطات والجناط واسعارهم روعه والدراريع بتلاقينهم بمحل اسمه(اجمل)وحتى بتحصلين قمصان نووم وملافع والخامات تلاقينهم بمحلات رميش ومحلات هريس انتي بس قولي حق التكسي واهو بيوديج وفي بعد مول اسمه كروس رود حلو واذا اتحبين اللولو ترا منطقة تشامينار متروس فيها حتى اكسسوارات واسعارهم معقوله بس شوفي من يقولج السعر انتي قطي النص على طول وعقبها كااااااسريه انا ماقاومت اللولو احبه وايد وايد وترا تشامينار كلها مسلين او اغلبها وفي بعد كرافت ماركت بس هم يمشي الحال اتحصلين فيه والله

طبعا منطقة كيرلا اذا مارحتيها ماعندج سالفه امبييييييييه شنو جمال اوربا هذي اخس وفيها مستشفى عجيب ودكاترته شطاراسمه مولاني فرصه سوي شيك اب اسعارهم بلاش وفي مساجات بالور د والاعشاب وحمامات بأعشاب غريبه والعطورات تلاقينه في كيرلا بعد وصناعات يدويه وهم اقمشه انا الله يسلمج كل اللي قعدته 10 ايام ورحنا عقبها استراليا بس اليهال يننوني بالهند ماقدرت اشوف شي براحتي اول ماوصلت صخنوا وحوسه وفا تبهذلت بس زين يعني خورت بعد ماقصرت هههههههههههههههه انشالله تستمتعين يارب

 

[لوباساج]

مشكوره عواصف الخلجان على ذوقج تري انا بامشى اليوم Q8امانى حبيبتى انا بعد احب هذا المحل ايام ماكانت له شنه ورنه ومشكوره على المعلومات اللى حيل مفيده وكتبتها كلها الله يعينا على الخيسه والقيله ولا توصين حريص كل انواع الديتول خذيته الله يعين

 

[أمانيQ8]

تروحين وتردين بالسلامه

 

[kuwaitya_zoGaa]

تروحين وترجعين بالسلامه ...