بروح العمره

[L.V]

السلام عليكم
الموضوع باختصار بروح مكه شنو تنصحونى اخذ من هناك سواء كان لى شخصيا او هدايا
فيه محل زهور الريف ومحل نكتار شنو تنصحونى اخذ منهم وموجودين بمكه اولا ووين مكانهم عنوانهم اى صوب لان اول مره اروح
شكرااااااااااااا

 

[ترانيم العود]

هلا حبوبه

محل زهور الريف تلاقينه برج زمزم وعلى فكره برج زمزم كل محلات مشهوره مثل وجوه ونعومي ونكست ......الخ
ويم برج زمزم مركز مكه كله محلات اخذي منهم ملافع وعندهم قزاز فيه عطور وجناط ماركه وهما المسباح عطور وجناط

اذا تبين شي انا حاضر...

 

[L.V]

تسلمين لى الله يجزاج خير

 

[%عسولة الحلوة%]

حبيبتي اول شي عسا الله يتقبل منج وتروحين وتردين بالسلامة


مركز مكة روحي الشرقية وزخي منهم ملافع بس بشرط تاكدي من الخامة عدل مدل لان فيه انواع

وانا بصراحة العام ما رحت العمرة يعني خبري فيها من اولت العام


وما شفت برج زمزم كانو قاعدين يشتغلون فيه


روحي كل المجمعات اللي هناك الراقية عندج مجمع اسمه امبيه فشلة نسيت اسمه بس اهوا مجمع كبير وحلو وراقي امبيه والله نسيت اسمه

اتمنى البنات يفيدونج اكثر وا خزيا انا شحقة داشة وي يا فشلتي

 

[%عسولة الحلوة%]

بس اهم شي



نصيحة من قلب



لا تطوفين ولا صلاة

وروحي قعدي بالحرم من الليل لي شروق الشمس مسكي مصحفج واقري والله الوقت راح يم بسرعة بشرط انج تكونين فوق بالدور الثاني وشوية تقرين وشوية تطلين على الكعبة واااااااااااو منظر فظيع صدقيني وقولي ما قالت ام الخدود النظيفة راح تذكريني عدل



عسا الله يوفقج يارب

 

[اميرة الغيد]

عزيزتي l v مثل ماقالت ام الخدود اهم شي تصلين كل الفروض بالحرم تحسين براحه كبيره وانتي عند الكعبه المشرفه
بالنسبه للسوق لما تخلصين الصلاة اهما يصكرون وقت الصلاة بس على ما اذكر ، عندج محلات في برج زمزم وابراج الهلتون
المحلات اللي مو موجوده بالكويت سيد جنيد عالم (للعطور ) ، الجنيد ( للعطور ) ، اصغر علي ( عطور ) ، قزاز ( مثل الشايع عندنا ) ، مصباح ( عطور وبخور واكسسوارات البخور - مباخر ومرشات )
احلى شي عطر ديرتي مو موجود بالكويت تلقينه بس في محل الجنيد ( يختلف عن سيد جنيد ) بمركز مكه هذا العطر مال خالد عبدالرحمن عجيب في احمر وازرق اخذي الاحمر عجيب ، وعندج بخور الجنيد ب70 ريال حلو ومحلات الملافع والعبي بمركز مكه اخذي منهم ملافع .
موتنسين تاخذين ماي زمزم

 

[نماين]

يسلموا

افادني الموضوع

وتقبل الله منك

 

[سكوتي اذلك فيه]

مجمع الحجاز والضيافه لازم سيارة مشوار 10 دقايق فييهم شغلات حلوة