بروح البحرين اسبوع مع بنتي وريلي وين نقعد؟

[ام بنتها]

السلام عليكم
شلونكم بنات منتاي الغالي ؟
انشالله بخير ؟
ودي انا وريلي نروح البحرين اسبوع مع بنوتي عمرها سنتينن
ودي تساعدوني بالفنادق و اسعار الغرف
و شرايكم نحجز بروحنا التذاكر و الفندق
ولا تبع مكتب سفريات الي تكون عرضالتذكره شامله السكن ؟؟
و منو مجربه جذي لاني سامعه ناس تقول ان هالسفريات تكون مقلب لمن توصلين الديره يدفعونج المكاان زياده غير الي دفعتيي

عفيه ساعدوني
ناطرتكم

 

[Fouz]

انا رحت البحرين مع بنتي اللي كبر بنتج اسم الله عليهم مرتين، و يعتمد انتي شنو تحبين عن نفسي سكنت ميركور جراند لاني احب المولات و ايد،،و بينج و بين السيف و العالي 5 دقايق مشي على الراحة
الفندق حلو ونظامه سويتات يعني غرفة وصالة و مطبخ لانج تحتاجين مطبخ حق بنتج و هم اذا ريلج نايم تقدرين تلعبين وياها بالصالة، الحلو انه امان و مواقف السيارات بالسرداب، اي و معاه بوفيه ريوق،، و كل المجمعات يمه مثل ما قلت لج السيف و العالي لازقين فيه، البحرين و الدانة بالسيارة 5 دقايق، بس غالي شوية و اسعاره تختلف حسب الوقت.
الميزة بالمجمعات تلاقين فيها مكان للالعاب يعني الياهل تستانس بالمول و ما تحسين بالجو اذا رطوبة ولا حر
ان شاءالله اكون فدتج

 

[اميرة الغيد]

عزيزتي ام بنتها
اضمن شي بأي سفره انه تحجزين الفندق من مكتب السفريات اضمن من لما تروحين وتحجزين هناك ويطلع السعر اقل بكثير عند السفريات انا جربت كم مره بالفندق اللي بمصر واللي في لبنان وبأكثر من مكان طلع من السفريات ارخص بس مهم جدا جدا انج تختارين المكتب الصح لأن في مكاتب نصابين بس اذا مكتوب كل شي بالورقه مالت حجز الفندق مايقدرون ينصبون ، والبحرين ماتحتاج لاسفريات ولا غيرها سهالات ، عندهم شقق اسمها إيليت هذي شقق فندقية راقيه وحلوه منتشره بالبحرين بس سعرهم حسب الموسم

 

[um 3li]

حبيبتي انا توني واصله امس من البحرين بس رحت بالسيارة لأني حامل بالسادس ومايصير اركب طيارة وأصلا المسافة ما تسوى كلها 3 ساعات ..

معاي ولدي سمله عليه 3 سنوات ، لا تحجزين عن طريق السفريات لانهم راح يحسبون عليج الليله الكويتي مثل البحريني حرام روحي هناك حجزي او انتي انصلي وحجزي ..

قعدنا بنظام شقق فندقية اسمه ايليت 5 حده عجيب ونظيف وكله عوايل والمطبخ مجهز من مجاميعه وانتي اكيد محتاجه مطبخ حق شغل بنتج الليله طلعت علينا 65 بحريني وبالكويت قالولنا 65 كويتي تخيلي !!!!

نصيحتي روحي بالسيارة اريحلج انتي و بنتج وهناك تفترون على كيفكم بدل نطرة التاكسي والبحرين ما تضيع وكل شي قريب وسهل انج توصلينله .

 

[¤§ زيتونة §¤]

حبيبتي

ما يسوى تقصين تذاكر للبحرين

على قولت اختي ام علي قبلي كلها 3 ولا 4 ساعات تتسلين بالطريج وتسلين ريلج لا يدوخ ولا يتعب ويمل

وبنتج نايمة ولا تلعب ورى بالسيارة خصوصا اذا جيب بعد ترتاحون اكثر من لويتها الله يخليها لكم

ولا انتو واصلين بالسلامة

ومن هناك افترو على راحتكم على الشقق الفندقية تهبل ورخيصة

تلاقينهم شكثرهم مني ومناك


وكلهم امان والله



والبحرين عموما ترى هادية وحلوة


ولا تنسين تروحين قهوة ليالي زمان ههههههههههههه وناسة قعدتها وللتطمش عجييييبة

والسيف والعالي والدانة

وفي بعد جم مجمع مااذكرهم

ولا تنسين مدينة الغرير حلوة بعد للتسوق


عليج بالعافية وان شاءالله رحلة سعيدة وتستانسون




ولا تنسين ودي بنتج الالعاب في مكان حلو مثل مجمعاتنا فيه العاب عودة ووسيعة ومتنوعة

 

[ام بنتها]

مشكوريييييين حبايبي ما تقصروون حدكم فدتوني
و كلامكم صح اخذ لي منظام شقه او سويت افضل عشان البنيه
و على السياره والطيااره انا بخاطري طياره
تخبلوا من تزوجت ما سافرت ولا مكان:0bee2e8d89::0bee2e8d89:
معني قبل عند اهلي كنا كل سنه نسافر و البحرين كنت كل شهر اروح مع خالتي بس كنا ننام فيت خالتي الي ريلها بحريني و اذا مع ابوي نروح دانة البحرين بس بعيد و ما يعجبني لانه على نظام شاليهات
فحدييييييييييييييييي ابي اركب طياره _03BA:
و اذا تعرفون بعد بنات و اسعاارهم ارخص فيدوووني :tek:

 

[عيمية^والقلب^كندري]

عزيزتي روحي بالسيارة مثل مانصحتج ام علي سيارة احسن لان السيارة وايد مفيدة هناك وانا رحت قعدت بفندق موذاكرة اسمه عدل بس فيه توليب معروف ليلته تقريبا 40 دينار واهو 5 نجود وعجيب مادري يمك جولد توليب جذي