حرم راشد الماجد
New member
- إنضم
- 14 يونيو 2009
- المشاركات
- 10,222
- مستوى التفاعل
- 0
- النقاط
- 0
بسم الله الرحمن الرحيم
شلونكم يا رشيقات
انا وحده من الناس الي عيزت وانا ادور نظام يفيدني بنفاسي لاني والده قيصريه وبحط لكم خلاصه تجربتي
كامله
من ناحيه الغذاء _ الاهتمام اثناء فتره النفاس - الرضاعه - الاستعداد لطلعه الاربعين
وحابه افيدكم بتجربتي طبعا اول شي احب اوضح شغله
ان اللي يولدون قيصريه مو مثل الطبيعي لانهم ما تطلقو والا ضغطو عالرحم ويعتمد كل وحده جم سانتي فتح رحمها ولكل حاله نظام ومعامله خاصه
انزين ليش اللي تولد طبيعي يختلف نفاسها عن اللي والده قيصريه
لان الي والده طبيعي
-طلقت
- رحمها مفتوح بعد الولاده
- رحمها نازل نتيجه للضغط اثناء الولاده
- الوالاده الطبيعيه ما تعطي الفرصه للدكتور ان ينظف الرحم فهم تكون محتاجه انها تنظف رحما
اما القيصريه ما صار هذا كله
الرحم بمكانه
واذا كان الرحم مفتوح اكثر من 4 سم هذا النظام ما يناسب
وبالولاده القيصريه ينظفون الرحم من الدم الي فيه يعني جنج مسويه تنظيفات
الحين عرفنا الفرق ليش نظام نفاس الطبيعي يختلف عن القيصريه
نبتدي الحين البرنامج
طبعا اول يومين بالمستشفى ماراح يعطونج اكل راح يخلونج عالمغذي وعقب راح يعطونج عصاير وشاي ابتعدي نهااااااااااااائيا عن العصاير الي فيها احماض بنسبه كبيره الي هما الليمون والبرتقال
خلج عالمانجا او الفراوله
الموز ممنوع لان يسوي غازات
ثاني يوم عالعشا راح اييبون لج اكل
خفيف ودايت ولين
لا تضيفين له ملح وايد مو زين لان توج والده والملح يجلط الدم وحاولي عقبه احد يمسكج وتمشي شوي وبخطوه بسيطه ومستقيمه الظهر
اذا بغيتي تكحين او تضحكين مسكي بطنج من فوق العمليه وضغطي لي داخل عشان ما تحسين بالم
ثالث يوم
راح تكونين احسن من اول يومين فرق واااااايد حاولي عاد تتمشين تروحين الحمام بروحج بس لازم يكون معاج احد لا سمح الله تدوخين ولا شي
رابع يوم ممكن تردين البيت
شتسوين لما تردين البيت
طبعا اول خمس ايام من العمليه ماكو سبوح كللللللللللللللش
بعد الخامس ممكن تتسبحين بس ما تفيضين الماي عالجرح يعني تتسبحين بحذر شديد ان كميه الماي الي تحوش الجرح بسيطه ومسحي المنطقه بايدج بدون صابون بالعدااااااااااااااااال
وحاولي ما تطولين بالحمام اول مره
خلي هدومج معاج بالحمام ولبسي على طول
بالليل قبل لا تنامين تدهني بكريماتج الي انتي محضرتها وراح احط لكم طرق للعنايه بالجسم
الحين نيي حق النظام الغذائي
اول شي لا تفكرين بوقت النفاس انج تنزلين وزنج بالعكس تغذي كثر ما تقدرين ولاحقه عالريجيم وانا بنهايه البرنامج عم راح احط لكم رجيمي اثناء النفاس بعد العشرين يوم
الريوق :
- بيضه مقليه بالزبده او اكثر حسب الرغبه
- قشطه بلدي + عسل سدر او عسل حبه البركه او عسل ملكات النحل انا استخدمتهم كلهم
- زبدة الفول السوداني طبعا غنيه عن التعريف بفوايدها
- مرتديلا + او ديك رومي مدخن
- توست بالحبوب ( انا اشتريه من لابجيت مو توست اسمر لا اسمه مالتي سيريال لان في فوايد اكثر ويشبع بسرعه ويترس المعده )
- ممكن تشربين قلاص شاي عادي او اخضر مع نعناع او بدون او حليب طبعا كامل الدسم خصوصا الي يبون يرضعون
الغداء :
- تقدرين تاكلين ديايه مشويه بالفرن مع بطاط وفلفل اخضر ( قليل عشان الغازات للنكهه فقط لا تكثرون ) وملح وفلفل اسود او ماجي او صلصه الصويا
- ممكن تسوين شوربه دياي تفوحين الديايه عادي مع بهارات الفوح وبعدين تصفين الماي وتحطين عليه جيس شوربه خضار 11 صنف خضار او ماجي
- ممكن تاكلين كبده مشويه او مقليه بزيت زيتون مع ملح وفلفل اسود
- ممكن تاكلين ستيك مشوي مع صلصه الصويا
- ممكن قبوط والمرق بدون حمضيات مثل اللومي الاسود والصبار
- سمك مشوي وايد مفيد حق الرضاعه بعد
- ربيان مشوي او مقلي او حمسه بدووووووووووون ليمون اللي تبي طريقه حلوه حق الربيان بدون ليمون تقول
العشاء :
- انا اسوي شوربه اشربها كلها اول شي وبعدين اكل مسموح بكل الي ورد بقائمه الغداء
وبين الوجبات اذايعتي
سوي شاي الزنجبيل مع قشر القهوه وشربي
او شربي شاي حبة حلوه ممتاز حق الكرش
واكلي اذا كنتي ترضعين قطعة رهش او بسكوت دايجستف
الممنوعات طبعا
- الملوخيه الباميه واي نوع خضار يحتوي على عصاره
- الحوامض كلها ممنوعه الليمون البرتقال الصبار الطماط
- الخضار البارده مثل الخس والخيار
وكل شي عقبه مسموح طبعا
هذا النظام حاولي اذا مو هامج الوزن ان يكون اكلج مقلي بالسمن او الزبده ابتعدي عن زيوت النباتيه لانها وزن عالفاضي مو مغذيه
واذا تبين نظام دايت خلي اكلج مثل ما ذكرت مشوي والخبز السيريال وبس لا تيوعين روحج
طبعا هذا نظام الاكل اول عشرين يوم بعدين راح يتغير شوي
يوم العشرين لج سوي حسو
راح اعلمكم طريقه تخليج تدمنين الحسو
الحسو
نص دينار من كل شي
كمون حب
كزبر حب
فلفل اسود
كركم عدل
عرق الهيل
حبة البركة
حبة حلوة
زنجبيل
هيل
طريقة اعداده :
- تحطين فنجانين قهوه سمنه بجدر وتحركينه لين يذوب
- تحطين عليه قفشه او قفشتين طحين اسمر
- راح تلاقينه صار ثقيل تضيفين عليه ماي حسب القوام الي انتي تحبينه ( كثيف او سائل شوي ) وتحطين سكر حسب الرغبه وتحركينه لين يصك شو ي
وينوكل عالريق
وبعده بساعتين تتريقين مع قلاص جاي زعتر
عقب ما تاخذينه سبع ايام ورا بعض يوميا عالريق راح تلاحظين ان الدم والوصخ قام ينزل
عقب تسوين اللهوم وتحطينه بغرشه
اللهوم
نص دينار رشاد
فلفل اسود 100 فلس بس (حب )
حلبة
مرة شقرة
نتفة شبه
حبة البركة
كركم
كمون ينغسل بماي وينشر بالشمس والكزبرة والزنجبيل والحلبة
تخلطينهم مع بعض وتحطينهم بغرشه زجاج وتلهمين كل يوم العصر كثر ما تقدرين
سبع ايام راح تحسين ان بطنج صار خفيف من داخل وهم اذا في بواقي وصخ راح ينزل
الحين خلصنا باقي خمس اايام على طلعة الاربعين ممكن تاكلين الي كنتي تاكلينه اول
وتحطين تحاميل بتادين للتطهير مره وحده كافي
الحين العنايه بالمظهر اثناء الاربعين
طبعا اول عشرين يوم حاولي كثر ماتقدرين انج ما تطولين بالسبوح يدوب شور خفيف
انا بالشور الخفيف شنو كنت اسوي
استعمل خلطه صابون نا مسويتها اللي تبي طريقتها تقولي احطها لها
واخليها شوي واشطفها واتفرك بليفه مغربيه عالسريع
عقبهم احط اي نوع صنفره ( كاب - او ملح الحليب او بيكربونات الصوديوم )
وبس
بعد الحمام ماحط شي بالليل قبل لا انام اطفي السنترال واتدهن
دهني زيت زيتون طبيعي + زيت اللوز المر + جلسرين + برافين سائل + فيتامين سي كريم عشان القوام
اذا في مناطق سوده بجسمج فركيها بقشر ليمون وعقب تدهني بجليسوليد الاحمر بدون ما تغسلينها بعد الليمون واذا قعدتي الصبح مسيحها باسكينول ليمون احسن شي
او ماي الاكسجين مع مي ورد هم ممتاز انا مره جذي ومره جذي
بعد العشرين يوم كثفي البرنامج
خليه يوم ( صابون مغربي وتفركي باليفه المغربيه عدل وبعدين حطي هرده بجسمج وزيت زيتون وسكر سويه صنفره )
يوم ثاني نفس الاسبوع ( خلطه الصابون + كريم كاب + ملح الحليب )
يوم ثالث ( تدهني قبل الحمام بزيت زيتون وخل وزيت اللوز وخليه وتفركي بالليفه المغربيه وشطفي وبعدين حطي صابون عادي وتفركي عادي وعقبهم مايحتاج صنفره واذا تحبين صنفري بالملح والخل نعوووووووووومه مو صج )
يوم رابع ( سوي تقشير <فركي جسمج بليمون مع القشر وييبي عيش مطحون ودهني جسمج بعد فتره راح تلاحظين ان بدا ييبس لي يبس نزلي بايدج بدون ماي وحطي صابون مغربي وغسليه بعدين تفركي اخر شي ممكن تغسلين جسمج بماي ورد وليمون وتفركين السفيد اب بليفه الايرانيه السوده وتفكرين جسمج وخليه شوي لين ينشف وغسليه )
الحين صار عندج 4 انظمه مختلفه نوعي بينهم حسب وقتج وقدرتج
هذا بالنسبه لجدول العنايه
اما الرضاعه بشكل سريع الي حابه ترضع وصدرها مافي حليب وايد ( انا كنت اعاني من هالمشكله )
الصبح اخذ حبوب فيتولات ثلاث حبات قبل الوجبه واكل عقبها رهش واتريق
العصر اسوي اكله من اختراعي لان فيها كراويه ويانسون بس حلوه تصير مثل الحلوى
المقادير:
3 قلاصات ماي
نص قلاص رز مطحون ( ينباع بالجمعيه )
قلاص سكر
ربع قلاص كراويه (اطحنه بنفس الوقت عشان يظل فرش )
ملعقتين يانسون ينطحن بنفس الوقت
ملعقة صغيره دارسين مطحون
تخلطين المقادير كلها مع بعض وتقلبينها على نار عاديه ويحرك حتى يثقل وتحطينه بمواعين وتزينين بمكسرات كثر ماتقدرين (جوز هند كازو لوز )
اكله تقريبا الظهر وهم اخذ حبتين فيتولات
واتغدى
المغرب اكلي كاكاو اي نوع انا اكل ارو او الكيندرلان في نسبة حليب كبيره
مع شاي ينسون
وبالليل كلي شوي بقل مع العشا
قبل النوم سوي كمادات حاااره نوعا ما
بالنسبه حق طلعتج من الاربعين
انا للحين ما طلعت ولا وصلت هالمرحله بس الحمدالله انا الحين كل شي عندي تمااااااااااام واقدر ارد حق ريلي بس بنطر لي الاخر
تقدرين تتسوقين من اليوم ال 35 عادي ماكو مشكله
الصبغات الحين دارج اللون الواحد البنيات والغوامق
بسوي برنامج عروس عند اي صالون
بديكير منكير مره وحده كافي + حمام زيت يوم وترك خمس مرات بعد الصبغه بيومين+ تنظيف بشره + مساج مرتين + حمام مغربي +حمام ملكي ( هذا بسويه بيوم الاربعين ) + شيره جسم كامل + تشقير جسم )
طبعا بعد الحمام الملكي بما ان راح يكون بيوم الاربعين تدهنين بزيت جونسون وعقب اي عطر انتي تحبين وتتبخرين وتحطين مسك للمنطقه الحساسه
يوم الاربعين تقعدين الصبح زي الشطار وتزهبين قشانج وتودينهم بيتج :ch12:
وتروحين الصالون تكملين شغلج وتتمكيجين وتروحين حق ريلج عروووووووووووووووووس
هذي تجربتي كلهااااااااااااااا وكل شي عانيت فيه لين صار عندي خبره لوووووووووووووووووووووووووووول
موفقين
شلونكم يا رشيقات
انا وحده من الناس الي عيزت وانا ادور نظام يفيدني بنفاسي لاني والده قيصريه وبحط لكم خلاصه تجربتي
كامله
من ناحيه الغذاء _ الاهتمام اثناء فتره النفاس - الرضاعه - الاستعداد لطلعه الاربعين
وحابه افيدكم بتجربتي طبعا اول شي احب اوضح شغله
ان اللي يولدون قيصريه مو مثل الطبيعي لانهم ما تطلقو والا ضغطو عالرحم ويعتمد كل وحده جم سانتي فتح رحمها ولكل حاله نظام ومعامله خاصه
انزين ليش اللي تولد طبيعي يختلف نفاسها عن اللي والده قيصريه
لان الي والده طبيعي
-طلقت
- رحمها مفتوح بعد الولاده
- رحمها نازل نتيجه للضغط اثناء الولاده
- الوالاده الطبيعيه ما تعطي الفرصه للدكتور ان ينظف الرحم فهم تكون محتاجه انها تنظف رحما
اما القيصريه ما صار هذا كله
الرحم بمكانه
واذا كان الرحم مفتوح اكثر من 4 سم هذا النظام ما يناسب
وبالولاده القيصريه ينظفون الرحم من الدم الي فيه يعني جنج مسويه تنظيفات
الحين عرفنا الفرق ليش نظام نفاس الطبيعي يختلف عن القيصريه
نبتدي الحين البرنامج
طبعا اول يومين بالمستشفى ماراح يعطونج اكل راح يخلونج عالمغذي وعقب راح يعطونج عصاير وشاي ابتعدي نهااااااااااااائيا عن العصاير الي فيها احماض بنسبه كبيره الي هما الليمون والبرتقال
خلج عالمانجا او الفراوله
الموز ممنوع لان يسوي غازات
ثاني يوم عالعشا راح اييبون لج اكل
خفيف ودايت ولين
لا تضيفين له ملح وايد مو زين لان توج والده والملح يجلط الدم وحاولي عقبه احد يمسكج وتمشي شوي وبخطوه بسيطه ومستقيمه الظهر
اذا بغيتي تكحين او تضحكين مسكي بطنج من فوق العمليه وضغطي لي داخل عشان ما تحسين بالم
ثالث يوم
راح تكونين احسن من اول يومين فرق واااااايد حاولي عاد تتمشين تروحين الحمام بروحج بس لازم يكون معاج احد لا سمح الله تدوخين ولا شي
رابع يوم ممكن تردين البيت
شتسوين لما تردين البيت
طبعا اول خمس ايام من العمليه ماكو سبوح كللللللللللللللش
بعد الخامس ممكن تتسبحين بس ما تفيضين الماي عالجرح يعني تتسبحين بحذر شديد ان كميه الماي الي تحوش الجرح بسيطه ومسحي المنطقه بايدج بدون صابون بالعدااااااااااااااااال
وحاولي ما تطولين بالحمام اول مره
خلي هدومج معاج بالحمام ولبسي على طول
بالليل قبل لا تنامين تدهني بكريماتج الي انتي محضرتها وراح احط لكم طرق للعنايه بالجسم
الحين نيي حق النظام الغذائي
اول شي لا تفكرين بوقت النفاس انج تنزلين وزنج بالعكس تغذي كثر ما تقدرين ولاحقه عالريجيم وانا بنهايه البرنامج عم راح احط لكم رجيمي اثناء النفاس بعد العشرين يوم
الريوق :
- بيضه مقليه بالزبده او اكثر حسب الرغبه
- قشطه بلدي + عسل سدر او عسل حبه البركه او عسل ملكات النحل انا استخدمتهم كلهم
- زبدة الفول السوداني طبعا غنيه عن التعريف بفوايدها
- مرتديلا + او ديك رومي مدخن
- توست بالحبوب ( انا اشتريه من لابجيت مو توست اسمر لا اسمه مالتي سيريال لان في فوايد اكثر ويشبع بسرعه ويترس المعده )
- ممكن تشربين قلاص شاي عادي او اخضر مع نعناع او بدون او حليب طبعا كامل الدسم خصوصا الي يبون يرضعون
الغداء :
- تقدرين تاكلين ديايه مشويه بالفرن مع بطاط وفلفل اخضر ( قليل عشان الغازات للنكهه فقط لا تكثرون ) وملح وفلفل اسود او ماجي او صلصه الصويا
- ممكن تسوين شوربه دياي تفوحين الديايه عادي مع بهارات الفوح وبعدين تصفين الماي وتحطين عليه جيس شوربه خضار 11 صنف خضار او ماجي
- ممكن تاكلين كبده مشويه او مقليه بزيت زيتون مع ملح وفلفل اسود
- ممكن تاكلين ستيك مشوي مع صلصه الصويا
- ممكن قبوط والمرق بدون حمضيات مثل اللومي الاسود والصبار
- سمك مشوي وايد مفيد حق الرضاعه بعد
- ربيان مشوي او مقلي او حمسه بدووووووووووون ليمون اللي تبي طريقه حلوه حق الربيان بدون ليمون تقول
العشاء :
- انا اسوي شوربه اشربها كلها اول شي وبعدين اكل مسموح بكل الي ورد بقائمه الغداء
وبين الوجبات اذايعتي
سوي شاي الزنجبيل مع قشر القهوه وشربي
او شربي شاي حبة حلوه ممتاز حق الكرش
واكلي اذا كنتي ترضعين قطعة رهش او بسكوت دايجستف
الممنوعات طبعا
- الملوخيه الباميه واي نوع خضار يحتوي على عصاره
- الحوامض كلها ممنوعه الليمون البرتقال الصبار الطماط
- الخضار البارده مثل الخس والخيار
وكل شي عقبه مسموح طبعا
هذا النظام حاولي اذا مو هامج الوزن ان يكون اكلج مقلي بالسمن او الزبده ابتعدي عن زيوت النباتيه لانها وزن عالفاضي مو مغذيه
واذا تبين نظام دايت خلي اكلج مثل ما ذكرت مشوي والخبز السيريال وبس لا تيوعين روحج
طبعا هذا نظام الاكل اول عشرين يوم بعدين راح يتغير شوي
يوم العشرين لج سوي حسو
راح اعلمكم طريقه تخليج تدمنين الحسو
الحسو
نص دينار من كل شي
كمون حب
كزبر حب
فلفل اسود
كركم عدل
عرق الهيل
حبة البركة
حبة حلوة
زنجبيل
هيل
طريقة اعداده :
- تحطين فنجانين قهوه سمنه بجدر وتحركينه لين يذوب
- تحطين عليه قفشه او قفشتين طحين اسمر
- راح تلاقينه صار ثقيل تضيفين عليه ماي حسب القوام الي انتي تحبينه ( كثيف او سائل شوي ) وتحطين سكر حسب الرغبه وتحركينه لين يصك شو ي
وينوكل عالريق
وبعده بساعتين تتريقين مع قلاص جاي زعتر
عقب ما تاخذينه سبع ايام ورا بعض يوميا عالريق راح تلاحظين ان الدم والوصخ قام ينزل
عقب تسوين اللهوم وتحطينه بغرشه
اللهوم
نص دينار رشاد
فلفل اسود 100 فلس بس (حب )
حلبة
مرة شقرة
نتفة شبه
حبة البركة
كركم
كمون ينغسل بماي وينشر بالشمس والكزبرة والزنجبيل والحلبة
تخلطينهم مع بعض وتحطينهم بغرشه زجاج وتلهمين كل يوم العصر كثر ما تقدرين
سبع ايام راح تحسين ان بطنج صار خفيف من داخل وهم اذا في بواقي وصخ راح ينزل
الحين خلصنا باقي خمس اايام على طلعة الاربعين ممكن تاكلين الي كنتي تاكلينه اول
وتحطين تحاميل بتادين للتطهير مره وحده كافي
الحين العنايه بالمظهر اثناء الاربعين
طبعا اول عشرين يوم حاولي كثر ماتقدرين انج ما تطولين بالسبوح يدوب شور خفيف
انا بالشور الخفيف شنو كنت اسوي
استعمل خلطه صابون نا مسويتها اللي تبي طريقتها تقولي احطها لها
واخليها شوي واشطفها واتفرك بليفه مغربيه عالسريع
عقبهم احط اي نوع صنفره ( كاب - او ملح الحليب او بيكربونات الصوديوم )
وبس
بعد الحمام ماحط شي بالليل قبل لا انام اطفي السنترال واتدهن
دهني زيت زيتون طبيعي + زيت اللوز المر + جلسرين + برافين سائل + فيتامين سي كريم عشان القوام
اذا في مناطق سوده بجسمج فركيها بقشر ليمون وعقب تدهني بجليسوليد الاحمر بدون ما تغسلينها بعد الليمون واذا قعدتي الصبح مسيحها باسكينول ليمون احسن شي
او ماي الاكسجين مع مي ورد هم ممتاز انا مره جذي ومره جذي
بعد العشرين يوم كثفي البرنامج
خليه يوم ( صابون مغربي وتفركي باليفه المغربيه عدل وبعدين حطي هرده بجسمج وزيت زيتون وسكر سويه صنفره )
يوم ثاني نفس الاسبوع ( خلطه الصابون + كريم كاب + ملح الحليب )
يوم ثالث ( تدهني قبل الحمام بزيت زيتون وخل وزيت اللوز وخليه وتفركي بالليفه المغربيه وشطفي وبعدين حطي صابون عادي وتفركي عادي وعقبهم مايحتاج صنفره واذا تحبين صنفري بالملح والخل نعوووووووووومه مو صج )
يوم رابع ( سوي تقشير <فركي جسمج بليمون مع القشر وييبي عيش مطحون ودهني جسمج بعد فتره راح تلاحظين ان بدا ييبس لي يبس نزلي بايدج بدون ماي وحطي صابون مغربي وغسليه بعدين تفركي اخر شي ممكن تغسلين جسمج بماي ورد وليمون وتفركين السفيد اب بليفه الايرانيه السوده وتفكرين جسمج وخليه شوي لين ينشف وغسليه )
الحين صار عندج 4 انظمه مختلفه نوعي بينهم حسب وقتج وقدرتج
هذا بالنسبه لجدول العنايه
اما الرضاعه بشكل سريع الي حابه ترضع وصدرها مافي حليب وايد ( انا كنت اعاني من هالمشكله )
الصبح اخذ حبوب فيتولات ثلاث حبات قبل الوجبه واكل عقبها رهش واتريق
العصر اسوي اكله من اختراعي لان فيها كراويه ويانسون بس حلوه تصير مثل الحلوى
المقادير:
3 قلاصات ماي
نص قلاص رز مطحون ( ينباع بالجمعيه )
قلاص سكر
ربع قلاص كراويه (اطحنه بنفس الوقت عشان يظل فرش )
ملعقتين يانسون ينطحن بنفس الوقت
ملعقة صغيره دارسين مطحون
تخلطين المقادير كلها مع بعض وتقلبينها على نار عاديه ويحرك حتى يثقل وتحطينه بمواعين وتزينين بمكسرات كثر ماتقدرين (جوز هند كازو لوز )
اكله تقريبا الظهر وهم اخذ حبتين فيتولات
واتغدى
المغرب اكلي كاكاو اي نوع انا اكل ارو او الكيندرلان في نسبة حليب كبيره
مع شاي ينسون
وبالليل كلي شوي بقل مع العشا
قبل النوم سوي كمادات حاااره نوعا ما
بالنسبه حق طلعتج من الاربعين
انا للحين ما طلعت ولا وصلت هالمرحله بس الحمدالله انا الحين كل شي عندي تمااااااااااام واقدر ارد حق ريلي بس بنطر لي الاخر
تقدرين تتسوقين من اليوم ال 35 عادي ماكو مشكله
الصبغات الحين دارج اللون الواحد البنيات والغوامق
بسوي برنامج عروس عند اي صالون
بديكير منكير مره وحده كافي + حمام زيت يوم وترك خمس مرات بعد الصبغه بيومين+ تنظيف بشره + مساج مرتين + حمام مغربي +حمام ملكي ( هذا بسويه بيوم الاربعين ) + شيره جسم كامل + تشقير جسم )
طبعا بعد الحمام الملكي بما ان راح يكون بيوم الاربعين تدهنين بزيت جونسون وعقب اي عطر انتي تحبين وتتبخرين وتحطين مسك للمنطقه الحساسه
يوم الاربعين تقعدين الصبح زي الشطار وتزهبين قشانج وتودينهم بيتج :ch12:
وتروحين الصالون تكملين شغلج وتتمكيجين وتروحين حق ريلج عروووووووووووووووووس
هذي تجربتي كلهااااااااااااااا وكل شي عانيت فيه لين صار عندي خبره لوووووووووووووووووووووووووووول
موفقين
