وعليكم السلام ورحمة الله وبركاته
هلا حبيبتي انا رحت تركيا اكتر من مره واول سفره كان برنامجي ٦ ايام بورصه و٥ ايام اسطنبول ورحت فشهر ٧
طبعا الجو حار وزحمة يعني كلش ماانصح احد يروح بالصيف وبورصه هم ماتستاهل صراحه بالنسيه لي انا بورصه صج تشوفين طبيعه وعندهم الشجره العظيمه ورحتا شلال وتغدينا هناك بورصه تنفع حق اليمعه مو حق شخصين بس اذا اول مره روحي شوفيها انا رحت مره وحده وبعدين كله اسطنبول المهم ببورصه اجرنا سياره مع سايق وودانا كل الاماكن سياحيه كل يوم مدة اربع ايام ويوم الاخير خليناه فري رخنا فيه حديقه كبيره نسيت اسمها فيها العاب حق اليهال مطاعم كل شي فيها وتونس بالنسيه للمطاعم كله نروح مطعم حجي دايخ مطعم حلو صاير فوق الجبل وكله خليجيين
بالنسبه لاسطنبول قعدنا divan بتقسيم يم ريجنسي واايد حلو وراقي المهم شارع تقسيم كله محلات ومطاعم تركيه وسوق شارع طويل بس لا تروحين له بالليل متاخر يكون متروس سكارى بالنسيه للسوق انصحج بسوق احمد باشا يصير بين البازار والسوق المصري للبهارات اهوا يبيع الجمله اكتر شي واسعارهم رخيصه و فيه كل شي انا ماشتري الا منه البازار لا تشترين منه غالي وايد وكل شي موجود بسوق احمد باشا بالنسبه للاماكن السياحيه قصر حريم سلطان ايا صوفيا المسجد الازرق كلهم يم بعض وفي حديقه هناك
اتمنى اكون افدج شوي
