انصحج ان تروحين أماكن ريفية أحسن وأونس وأريح لكم
بس احس راح يصير عليج تعب ان انترلاكن شوي بعيدة عن فينيسا وباريس ابعد وابعد
فأنصحج تأجرين سيارة وتروحين أماكن قريبة يم بعض وحلوة وهادية
انترلاكن السنتر مالها زحمه ولويه وكله عرب وااااايد جنها لبنان بس جنه لما تصعدين الجبل
يصير الوضع هدوء بس ماجربتها انا رحت يوم زيارة وردت وبرأيي ماعجبتني وماعجبت أهلي والناس أذواق
بس يمكن تعجبج شوفي صورها بالنت وفي جم تقرير اهيا موجوده فيه.
واذا بتروحين من انترلاكن لي فنيسا بالسيارة راح يكون الطريق 5 ساعات!!
فأنصحج تروحين بالسيارة من انترلاكن ل لوغانو ساعتين ونص تقريبا وتوصلين
طبعاً لوغانو هادية وروعه وعجيييييبه انصحج فيها حيل مع البحيرة وسوقها وجوها وكل شي فيها عجيب ما شاء الله.
فأنصحج تقعدين بلوغانو منها تستمتعين فيها ومنها تريحين عشان تستعدون حق ايطاليا.
من لوغانو لي فينسيا اذا ماخاب ضني 3 ساعات وشي!!
ما انصحج تروحين لها بالسيارة والطريق شوي يدوخ!
فأنصحج تروحين ميلانو تسكنين فيها بعدين تروحين بالقطار من ميلان لي فينيسا اتوقع ساعتين بالقطار واخذي فيرست كلاس احسن ومو وايد غالي.
وتقدرين تنامين بفينسيا حسب رغبتج وبعدين تقدرين تردين ميلان
واذا رديتي ميلان في قطار يوديج باريس.
فتقدرين تروحين من ملان الى باريس بالقطار احسن لج من السيارة لو بالسيارة جان قعدتوا 8 ساعات بالسيارة @@
فأنصحج تروحين بالقطار
بس انصحج بهالايام اذا بتتبعين اللي قلت لج عنه
انترلاكن:4أيام
لوغانو:2يوم
ميلانو:1يوم
فينيسا:1يوم
ميلان:1يوم
باريس:5أيام
وتقدرين تسوين سيرج وتشوفين جم يوم حسب رغبتج
والطيران انصحج الاماراتيه حيل مريحين وحبوبين وطيبين وعجيبين انصحج بالامارتيه حيييييييل.
وتقدرون تأجرون سيارة أحسن لكم وأريح
وهذا كان رأي:**
وأتمنى التخطيط يعجبج
:*
