برنامجي بالنفاس انشالله وانتي حطي برنامجج

[هندوناا]

السلام عليكم حبوبات
حابه اليوم كل وحده تستفيد وكل بجرية من هالموضوع
1(شنو نظامج في النفاس يعنى :
1-مثلا انا حاطه في بالي مثل الصبح على الريج اشﻻب حليب فية فلفل ابيض وزنجبيل مع تمر وسمن ورشاد
2العصر اشرب قشر القهوة لان تنحف حيل وتنظف
3اخذ حوايج طبع من جدتي تسويهم احطها مع الاكل اللي باكلها مع مرقه لحم او مع الحليب
تقدرين تشربين الحليب الصبح بعد مع الحلبه
4وفيه بعد وصفه العتبيات ودي اجربها بالنفاس الكل يمدحها تلقونها بقوقل كتبوا وصفه العتبيات بتلقونها
5وبجرب كربم ميبو للحروق من الصيدلية عشان الخياط وطبعا الخواجوا للخياط اتحطينه على الكوتكسه عشام الشمم
6وتحطين في فنجالج مع القهوة قطعه مرة وشويه عنزروت وتشربينهم عن الشمم
7والمشد لاتنسونه بس انا مادري شنو اشتري ومن وين بس الكل يمدح الشماغ كل وحده تحط المشد اللي جربته من وين شاريه وتحط اسمه
8


بنات انا بجرية واللي اعرفه كتبته لتني حبيت افيدكم وابي كل وحده نظامها اللي بتمشي عليه اهنية
عشان الكل يستفيد وخصوصا البجريات
4
1انطر ردودكم وابي الكل يشارك ويحط نظامه باالنفاس ولو نصيحه

 

[كستنائيـة ع ـسل]

اب اب وجزاج ـَٱللـّھ خير انا بجريه ان شالله البنات يفيدونج

 

[هندوناا]

ههههههههه سوري بنات على البدليات لاني قاعدة اكتب لكم من التلفون
المهم في نقطة نسيت اذكرها اللي اهى اذ تبين تظعفين رضعي ولد من صدرج ولا تعتمدين على الحليب الصناعي لان رضاعه البيبي من الثدي تحرق الدهون اللي بالجسم يعنى تضعفين وبتردين جسمج اللي قبل انشالله
ونصيحة دشوا اليوتيوب وكتبوا رولا القطامي والله استفدت منها حيل انشالله انتوا بعد تستفيدون
ناطرتكم

 

[روح مووود]

اب اب اب

 

[عسل حدي]

استغفر الله الذي لا اله الا هو واتوب اليه

 

[هندوناا]

رفع
وينكم بنات شاركونا شبتسوون بنفاسكم

 

[بنت الاحلام]

جربي برنامج ام خالد خبيره اعشاب وبس

 

[mira]

مووووضوع رائع فعلاً
انا برضو بكريه ولاادري وش اسسوي !!
استفدت منك كثيييير
ننتظر تجارب البنات

انا اهم شي عندي التمر مع السمن والرشاد لأني احبها الطريقه هذي
والقشر عندنا شيء رئيسي
والاهم ماتخلين نفسك جوعانه وقت طوويل ..
وحماتي عندها طريقه في تحفيف نفسها بالإستشوار عشان الخيوط ماتقدر تمسح يقوه ع المنطقه لكن ماجربتها احس يخوف السشوار

 

[mira]

تجفيف *

 

[فديت من سماني]

الفطور ضروري يكون بعد صلاة الفجر يكون عصيده و لا قرص و لا مصابيب مع كاس حليب فيه زنجبيل و فلفل ابيض و ماش

و الغدا اهم شي يكون في سلطه و جرجير و ورقيات مفيده للجسم و تبتعدين عن الاشياء البارده و الحوامض و تنوعين بنوع الغدا

و العشاء بعد مرقوق و لا مرق لحم

و ضروري التمر المعبوط برشاد و حبة البزك و السمنه

و القشر القهوه طريقتي فيها تنظف احط بالابريق مع القشر نينخه و زنجبيل و عود قرفه و مسمار

و شاي الاعشاب بعد حلو و ينظف

و البخور الكبو حلو

 

[هندوناا]

يامال العافية
فديت مروركم يلا بنات ناطرين تجاربكم للنفاس

 

[شيخه عرب]

انل اخذ اعشاب ام خالد برنامجها كاامل مفيد من غسول ومنقوعه المره والحسو وشاي الاعشاب ودوا القهوه واللهوم واكلي صحي وما اكل عيش ولا حمضيات واكثر من الخضرا الورقيه والحليب والتمر وارضع وما اربط بطني بصراحه والحمدلله النتيجه مرضيه

 

[رووو الروح وووح]

انا طريقتي الريوق حسو وكاس حليب وزنجبيل وهالمره بزيد عالحليب فلفل ابيض وماش وزنجبيل مطحون
وبيضه وشوي عصيده تمر ومن الريوق للغدا اشرب اعشاب بس هم هالمره بجرب قشر القهوه
والغدا عصيد او مرقوق معاها حبه سوده وحلبه وصحن سلطه ولازم شوي عيش لان اذا مااكلت عيش
احس بدوخه مسميني ام العيش خخخخخخ ولاننسا التمر مع السمن او زيت الزيتون وحبه السوده
وكمون وينسون ورشاد كل شي شوي مع القهوه اكلها والعشا عادي اي شي علشان ماانقرف من الاكل
ولاننسى الخلطه طول اليوم تنشرب والخواجوا علشان الجرح وغسول المره والارطا والملح الخشن
وغير ادفي نفسي عدل وناويه اربط بطني بطريقه الشماغ وعن الشمم اول ماتولدين رشي العطر كله عليج
علشان مايجيج شمم

 

[رووو الروح وووح]

ونسيت حطي عند راسج بالليل شي خفيف
كرواسون او اي صمونه وحليب مع حبه سوده
وشوي كمون وحطي شوي كركم ومتى ماقعدتي بالليل
هذا اذا نمتي من الياهل اكلي وشربي الحليب
حتى لو موجوعانه بس علشان ماتختربين
وفايده الكركم علشان اذا الياهل فيه بوسفار
اذا كنتي ترضعين طبيعي راح يجيه الكركم من حليبج
ويشافيه من البوسفار وغير بعد مايطيح الخياط
قبل لادشين فراشج تبخري ببخور الهوا وسيده
دشي بفراشج واخر ١٠ ايام استخدمي تخاميل
بيتادين

 

[princess89]

اب اب

 

[سماء الاحساء]

طرح رائع يسلموووو ان شالله اذا ولدت بالسلامه اهتم بالخيوط بميبو واشرب مره منقوعه بماي واستعملها عالجر ح بعد ماتطيح الخيوط والأكل عصيد ولوج بات الثانيه رز اسمر مطبوخ بلحم لان اللحم يساعد على التئام الجرح واضع طبيعي تساعد الرحم لعودته الطبيعيه الرضاعة وبرنامج جمالي خفيف للشعر والبشرة هذا مايحضرني والله يقوم الحوامل بالسلامه

 

[M!SS.LOBY]

الله يسهل عليكم

 

[انجبر قلبي]

برنامحي من خبيرة اعشاب وبس ولا هاللوية الصراحه فظيع و جاهز و مرتب والله وقتها مالج خلق تقومين و تحوسين و تخلطين

 

[حبيبي مالكني]

انا ومعارفي نظامنه مثل الاجانب لانسوي نفاس ولا شي
والحمدالله اجسامنه ماتغيرت
بس نلعب رياضة
عشان نشد الجسم ونخسر الوزن الزايد

 

[bubble.gum]

اب
اب
اب
اب
اب