برد ......لزوجي

[دلال الكويتيه]

بختصار بعد زعل بيني وبين زوجي رحت لبيت اهلي لين النفوس تهدا
وقعدت عندهم اسبوعين والحمد لله تعوذنا من الشيطان وطاح الحطب
مع انه شي مو اي وحده تحمله وترد بسهوله لانه يغازل وحلف واعتذر
وانا بصراحه دست علي قلبي لان مابي اهدم سنين وحياه وعندي ولد
المهم بسالكم لاني كتومه وماحب اتشكي لاحد
اولا مابي حمولتي يدرون عن السالفه اذا سالوني وين الغيبه شقول
لان خالتي دقت قلت تعبانه واكيد اذا رديت شنو تعبج مرضج اوحام ولا شنو؟؟؟؟؟؟؟؟؟؟


وبعدين هو هذاك ً/ يعني زعلانه/ شلون اتعامل معاه وانا الحين رسميه معاه
وشلون اخليه مايعيدها




وسلامتكم ناااااااااطرتكم بليييييييييز لاتخلوني

 

[فوفو22]

افضل مره الثانيه تزعلين ببيتك

الخطأ وارد جدا من الزوج

والخيانه مؤلمه بكل فصولها وذكرياتها

تحتاجين وقت اطول للنسيان

وهو بيده يختصر الوقت

بمعاملته الجديده ....ونيته بالتوبه

نرجع للحموله

قولي كنت عند اهلي بسبب الانفلونزا ....

فوفو

 

[سارة ة]

اااااب

 

[بوح الحنين]

نفس راي فوفو بس لازم تادبينه

 

[MiSS B.K]

الله يهدي لج يااارب ولايفرق بينكم تحملي حبيبتي يجيله يوم يمل ويكبر عقله ويتوب ويتحسف ومرده لج ان شاالله

 

[om MaRyooM]

انتي حامل ؟؟ اذا حامل بسيطة العذر انج وحاام والدكتورة قايلة لازم راحة وامي لزمت علي اريح عندها
مثلا




وبالنسبة لزووجج خلج برسمية معاه وقومي بكل واجباتج الزوجية عادي لاتقصرين بحقه ب سبسطحية ورسمية


ومافي انج انج ماتخلينه يعيدها الا هو من نفسه حبيبتي
سلاحج الدعاء والاستغفار

 

[Heart.LesS !!]

قوليلهم حاشتني انفلونزا ونزله معويه لان حسب كلامج اسبوعين فتره طويله

اما زوجج لاتفاتحين معاه الموضوع نهاااائيا دام طاح الحطب الا بحاله وحده اذا اهو بطله

مع ان الف بالاميه ماراح ايبطله

وبلشي معاه صفحه يديده ووريه انج واثقه فيه وان اهو قد الثقه

بس نصيحه من اخت اتمنالج الخير لا اتصيرين سمنه على عسل من اول شي خلج حليوه معاه عااادي بس حاولي اتكونين اشوي ناشفه باسلوبج

مو نفسيه عشان مايقول اي هذي كل مره بسوي فيها جذي بترضا من اول شي ولا كأنه شي صار

وربي يوفقج انشالله

 

[دلال الكويتيه]

ماقصرتوا حبايبي
الله يهدي الجميع ويعين

 

[ماني من الناس]

انا اتوقع انه يبيلج قعده مصارحه ونقاش جاد مع زوجج تبينين له انج سامحتيه هالمره من كرم اخلاقك
بس المره الجايه ماراح يكون فيه كلام وخليه يوعدك ويحلف انه راح بمشي سيده ويتوب وخوفيه وهدديه قوليله انا باخذ منك وعد والله يشوفك وقلبي دليلي لو صار شي او تغير شي والمؤمن لا يلدغ مرتين


❤❤❤❤

 

[sosowaty]

الله يسخره لج

 

[Rola7ala]

الله يسخرره لك

 

[منال $]

شكلك حامل؟؟
ادا كنتي حامل قوليلهم كنت تعبانة واتوحم وقعدت عند اهلي اسبوعين اريح
وبالنسبة لزوجك اول ماترجعي عالبيت حلو الموضوع بسرية تااااااااامة
والباقي علية انة يرجع يخليكي تثقي فية من جديد

 

[سفيره الكويت]

خليج حنونه معاه وطيبه وان شاء الله يتغيير بسبب معاملتج له

 

[Om-3zezan]

يعتمد .. هل هذي اول مرة يغلط فيها؟ ولا له سوابق وايد؟

 

[عاشقة الاسلام]

انا اتوقع انه يبيلج قعده مصارحه ونقاش جاد مع زوجج تبينين له انج سامحتيه هالمره من كرم اخلاقك
بس المره الجايه ماراح يكون فيه كلام وخليه يوعدك ويحلف انه راح بمشي سيده ويتوب وخوفيه وهدديه قوليله انا باخذ منك وعد والله يشوفك وقلبي دليلي لو صار شي او تغير شي والمؤمن لا يلدغ مرتين


❤❤❤❤

انا معها كلمه بكلمه

 

[قمر كويتي]

الله يهديه ويسخره لج

 

[حبيبي مالكني]

مرة ثانية اذا زعلتي لا تطلعين من بيتج
ادري صعبه بس حاولي
خلي مشاكلج في بيتج لا طلعينها برع

 

[ام كوثر2007]

عفيا عليج زين تسوين ردي بيتج وتعوذي من بليس وللى صار لا تفتحينه ولا اتيبين طاري وتنفتح الدفاتر واللوم والعتاب


وبالنسبه لحمولتج رقعي اي شي واذا انتي حامل صج قوليلهم الوحام مثل ما قالو البنات . وعسى الله يهدي سرج ويهديكم لبعض .