بذمتكم مو شي يقهرررررررر!!!!!!

[مارشميلو..]

مرحبا

شخباركم:eh_s(17)::eh_s(17)::eh_s(17)::eh_s(17):


بقولكم سالفتي قولوا لي شرايكم معاي حق ولا لا
انا سبق وكتبت لكم مشاكلي مع زوجي انه انسان دفش وماعنده اسلوب ولا يدلعني
ومعيشني بجفاااااااااف مو طبيعي مافي طلعه حلوه ولا كلمه زينه ولا شي
مابينا حب ولا سوالف حلوه ولا شي
حاولت مليييون مره بس مافي فايده هو طبعه كذا جاااف
ويتطنز بعد على اللي يدلعون حريمهم ويحطون لهم قدر

قبل فترهقلت خلني اقوله نروح مكان مع بعض يمكن لا بعدنا شوي عن البيت
يتغير شي ومنها تغيير جو
ماقلت له نسافر ونروح مثل هالناس
قلت له خلنا ناخذ شاليه بالويك اند قال طيب بشوف هالاسبوع
وانا جهزت عمري وشريت لي كم شغله و ملابس جديده مسكينه اكسر الخاطر
مرررررررررت 4 شهور يابنات وهو يقول زين زين زين ولا شفت شي للحين
واللي قهرررررررني الاسبوع اللي فات اهله حاجزين شاليه
وعزموني انا وياه والا الاخ متحمس ومستانس يقول لازم نروح مع اهلي
خلينا نغير جو مدري شنو قلت له خيرررررر يوم انا اقولك خل نطلع انا وانت لحالنا نغير جو
سفهتني وماعبرتني يوم اهلك قالوا لك بتروح يعني الحين صار الشاليه حلو معاهم وانا معاي كخه
ومااااارحت ممعاهم واعتذرت لاتفكرون اني مااحب اهله
لاو الله بالعكس طيبين معاي واحبهم ويحبوني بس مشكلتي معاه هو

ووسوا نفس الحركه هذي بعد كنت طالبه منه نروح مكه خااااااااطري بعمره من زمان مارحت
قال اي والله حتى انا ان شالله بنروح
وكل شهر ياجلها الجاي من شهر واحد تخيلو وانا قايله له
قبل شهر قاله واحد من ربعه خلنا نروح عمره وطبعا راااااح معاه وقهرني
قلت له لاتروح معاه خلنا نروح انا وياك مارضى يقول عيب اكسر كلمتي انا قلت له بروح معاك وقعد يقنعني انه بيرجع بنفس اليوم وراح
حريص على ربعه ماهمه انه جرحني وراح وانا مو راضيه
اااااااه بس
اليوم قلت له ليش تسوي فيني كذا اذا انت ماتحب الطلعه معاي قول عشان مااقعد
كل شوي اقولك واعشم عمري عالفاضي ان بيوم بنصير مثل الناس ونطلع مع بعض
مايرررد ماعنده شي يقوله
مدري ليش المكان اللي ابيه واقوله خلنا نروح يصير مو حلو معاي
بس مع غيري على طووووول يلا راح

والله ذبحتني الضيقه من حياتي حاسه اني ناقصه عن العالم
يااااارب انك تصلح حالنا مدري شسوي بنات

 

[أم يزيد &سديم&]

يا بنت الحلال فكينا

 

[مارشميلو..]

.....

 

[نشيج الروح]

هو الظاهر يبي أحد يحجز ويخلص بعدين يقوله تعال ... ماكو إلا أنتي تحجزين وتقولين له يا الله ....
الله يعينج ويهديه .... مادري شنو الحل بالضبط بس لازم تعرفين السبب من غير ما تعايرينه ...

 

[مارشميلو..]

يا بنت الحلال فكينا

يعني شنو يابنت الحلال فكينا
انا طرحت مشكلتي عشان اخذ راي البنات مو شرط تشوفين انها مشكله عظيمه وكبيره عشان تردين
اتمنى مايكون ردك استهزاء فيني
بعدين افكك من شنو حبيبتي !!!ابي اعرف لو سمحتي بشنو مضايقك مضوعي وتبيني افكك منه

 

[نفهمها صح]

لا ضيقين نفسج ولا شي حنا نبي قربهم وهم مفكروو فينا الله يعين
وزيدج لا شرتي عليه بسالفه طنشج واذا طلع احد من برا خذ رايه وحتي اذا رايك صح طنشه
لا دورين رضاه عيشي ونسي نفسج بما احله لله لج ...حتي العمره خذي واحد من اخوانج وراحي لا تخلين شي بخاطرج وتنتظرين يتكرم عليج ويسويه لج
الله يفرجها عليك يارب

 

[بدويه زوووغه]

الله يعينج ويهديه لج .......​

 

[ندى العبير]

الله يعينج حبيبتي

 

[sharshora80]

حبيبتي الله يهدي لج يا عمري
وسالفة العمرة على قولتنا الله ما طلبج جان سهلها لج لو حتى وانتي الله لا يقول على الكرسي المتحرك تعمرين
والشاليه لما تقولين له خل نحجز حطيله مقدمات وسوالف يعني مثلا اشرايك نحجز لنا ليلة فندق ودي ابدعلك بجم قميص وجم حركه في بالي راح تكون تحفه مع جو الفندق
والشاليه بعد نفس الكلام انتي شجعي بالحركات والسوالف علشان يتشجع ولا تحنين عليه وايد او تذكرينه باسلوب جاف يعني هاه ما حجزت لنا مو قلت بتحجز متى يالا ما صارت ومن هالكلام لايا قلبي
اكذي من باب الدلع انج تتلصقين وتتمسكنين عنده واتطيحين لج جم دمعههههه لا اتغشمر لا اتدلعي واخذي على دلع بالطلب وراح يسمع كلامج مثلا والله ودي انك تحجز اليوم قبل باجر ابي ابدع لك والله اني مقصرة معاك ابي اونسك
ومن هالكلام
والله يهدي سركم

 

[* بنت المطر *]

حبيبتي زوجج وحده من الثنتين ياااجعص بخيل ومايستانس لاقط فلوس !!! ويبي احد يدفع له ويونسه

او انه اجتماعي حيل ويحب الناس عاد انتي اختبريه وراح تعرفين نوعيته

 

[* بنت المطر *]

يا بنت الحلال فكينا

علامج خيه :eh_s(10): !!!!!!!!!!!!!

 

[حشمه]

الله يعينج ماقدر اقول غير جذي

واما موضوع الربع كلنه لو قاله

رفيجه امش نسافر قال اوكي واحنا لنه الله

الله كريم

 

[ايمان 24]

الله يعينج ويهديه لج
ومع الاخت اللي قالت يمكن بخيل او اجتماعي ازياده عن اللزوم

 

[طيش سكر]

الله يعيينج ياقلبي ..

بالعدااااااال حبيبتي ولاتجينه دايم بعصبيه وتذمر

هو بيحس على دمه بعدين

 

[عاشقة هواك]

يا بنت الحلال فكينا

هههههههههههههههههههههههههههه شفيها هذي :krkrkr::krkrkr:

الله يعينج صاحبة الموضوع

اب اب لعيونج

 

[al-musk]

الله يعينج ..مشكله الي مو فاهمه مسؤولياته بالزواج

 

[غلاتي غلا]

الله يسخره لج يارب

 

[بنت الفوزان]

الصراحه الطلاق احسن حل

 

[إباء الروح]

الله يهديه ويكون بعونك...

 

[أغلى حبيبه]

ليش انتي ماتحجزين وتفاجئينه بالحجز

يمكن مايحب يدفع

واذا ع الطلعه عيشي حياتج

طلعي مع خواتج وغيري جو

ولا الرياييل مااااااااا منهم رجا ابدااااا