- إنضم
- 28 يوليو 2007
- المشاركات
- 3,131
- مستوى التفاعل
- 0
- النقاط
- 0
للبنات الحلوات المقبلات على الزواج
أدري الإختيار صعب
وبحاول أساعدكم بجم نصيحة مني و من نصايح الوالد اتمنى تتمعنون فيها
إذا ييتي تختارين ريال يكون لج سند وظهر يصونج مثل ما صانوج أهلج وأكثر
(1)
اختاري الريال الراكد الهادي
انتبهي من إلي لسانه يبهرج ترى كثرة اللغوة والهذرة مو من شيم واثق النفس
وانتبهي من العصبي كثر النجرة والهواش معاه تصدع راسج و تييبلج الأعصاب
(2)
اختاري الواصل البار بأهله
اللي يبر أهله يبرج ويحطج بعيونه
(3)
اختاري المثقف المتعلم
لو العلم ماله مقدار جان ما إنذكر بالقرأن
انتبهي من الريال المتحجر المقفل يتعبج ويهدم طموحج
(4)
اختاري اللي تسرج ريحته وطيب محياه
الريال النظيف ينعرف من أسنانه وأظافره
(5)
اختاري الصريح الواظح
لايغرج إلي يحطلج الشمس بكفة والقمر بكفة الريال السنع يفرظ شروطه ويكشف نواياه من البداية لأن الزواج مو لعبة
(6)
اختاري العفوي السلس بكلامه
حلاة السوالف عفوية من غير تدقيق . أبداً ما ياخذ بخاطره منج ويعذر زلاتج
(7)
اختاري الغني المتواظع يريحج
انتبهي من المتكبر اللي يشوفج من برج عالي ترى ما يحسبلج ولا لأهلج حساب ولا يفيدج غنى فلوسه
(8)
اختاري البشوش
من فينا ما ترتاح نفسيتها من الإبتسامة
حتى الجيكر يحلو لو يبتسم
(9)
اختاري اللي يحبج
كافي إنه حبج وتقدملج وتركي عنج إلي إتحبينه وكل يوم يتحجج لج
.
.
.
.
وطبعاً هذي النصايح كلهاتاخذينها بعين الإعتبار من بعد ما أهلج يسئلون عن الريال
.
.
.
في بداية كل زواج مطبات وهذا شي طبيعي جداً جداً لاتخافين
انتو قبطانين بسفينة وحده كل واحد يبي يمسك الدفة ،، على ما تتأقلمون على اطباع بعظ السفينة بتمشي بانسيابية
ترى الزواج راحة وإستقرار
لاتشوفين الدنيا بعيون غيرج
بذكائج تبنين بيتج وبغبائج تهدمينه
أي شي يصير داخل بيتج ما يتعدى عتبة الباب (البيوت أسرار والناس يا إما شماتة أو عذال)
لاتقولين فلانه إتحبج وتبي لج الخير !! على راسي المثل يقول "الباب اللي إييك منه الريح سدة واستريح "
ويارب ترزق كل البنات الزوج الصالح قبل ماتعدي هالسنة
