بديت أوسوس :(

[M!Ss Smart]

مرحبا بنات ابي افضفض انا متضايقه وشايله هم انا صارلي عشر شهور متزوجه واجهضت بشهر الثاني من حملي وتدرون اول حمل وفرحانه فيه وطاح بروحه تضايقت وبجيت وايد والله ليما الحين اشوف السونار وابجي المهم بنات الحين هذي ثالث دوره من بعد اجهاضي وكل شهر اهيئ نفسي اني حامل والله حتى احس ننفسي أشتهي شي معين وصدق نفسي اني حامل واحس بدوخه ولوعه اخر شي تنزل علي الدوره وايد افكر بالحمل الحمدالله دورتي منتضمه بس مادري ليش مايسير حمل تتوقعون شسبب

 

[مملكة العشاق]

حبيبتي انتي ليش محتفظه بالسونار عندج قطيه ولا تقعدين تشوفينه مو زين لنفسيتج والنفسيه تلعب دور بالهرمونات وتأخر الحمل

عيشي حياتج وكثري من الاستغفار والله بيرزقج ان شاء الله

 

[orchidia]

حبيبتي عادي أنا تأخر حملي وكل شهر أتوهم وأحسب إني وحام وآخرتها اذا نزلت الدورة توصل لأني أبجي طووول اليوم

أنسيها وراح تحملين

بس بما أنج اجهضتي قبل أنصحج تروحين طبيبة تسوين سونار يمكن برحمج بقايا من الجنين الي طاح وهي الي أخرت حملج

وبما ان دورتج منتظمة هذا يدل الحمدلله ان هرموناتج هم منتظمة بس الآفضل تسوين تحاليل وفحوصات شاملة لأن بعد الاجهاض كل شي بالجسم يتلخبط

والله يرزقج عاجل غير آجل بس أرد وأقول انسي وراح تحملين انا ماحملت الا بالشهر الي مافكرت فيه بالحمال أبد

الله يرزقج وموفقة

 

[القلب النازف]

حبيبتي انا كنت نفسج


افكر وايد واحاتي الحمال وانتظر كل دورة

ودكتورتي قالت لي لازم ما افكر بالموضوع كثير وألهي نفسي بأشياء ثانيه لأن

النفسية تلعب دور كبير بالحمل

واهتمي بتغذية صحيحة وسليمة

وبإذن الله بتحملين عقبها


وسوي تحاليل دم شوفي اذا في فيتامينات او شي ناقصج

لأن نقص بعض الفيتامينات يسوي اجهاض مثل فيتامين د مثلا

 

[Perfume]

تعوذي من ابليس توج عشر شهور متزوجة
حبيبتي عدلي نفسيتج لانه الحمال يحتاج نفسية زينة

 

[M!Ss Smart]

حبيبتي عادي أنا تأخر حملي وكل شهر أتوهم وأحسب إني وحام وآخرتها اذا نزلت الدورة توصل لأني أبجي طووول اليوم

أنسيها وراح تحملين

بس بما أنج اجهضتي قبل أنصحج تروحين طبيبة تسوين سونار يمكن برحمج بقايا من الجنين الي طاح وهي الي أخرت حملج

وبما ان دورتج منتظمة هذا يدل الحمدلله ان هرموناتج هم منتظمة بس الآفضل تسوين تحاليل وفحوصات شاملة لأن بعد الاجهاض كل شي بالجسم يتلخبط

والله يرزقج عاجل غير آجل بس أرد وأقول انسي وراح تحملين انا ماحملت الا بالشهر الي مافكرت فيه بالحمال أبد

الله يرزقج وموفقة

مشكوره اختي على الرد انا سويت سونار والجنين كله نزل مافي بقايا الحمدالله وفعلا التفكيير بالحمل يتعب ويعطي احباط ان شاءالله مافكر فيه

 

[ملاك ^ الحب]

اول شي انسي الحمال

لان النفسيه تلعب بالهرمونات

وانا ظليت 7 سنوات تخيلي كل شهر اقول انا حامل واروح احلل وماكو شي عقب 7 سنين نسيت الحمال وقلت خلاص ماراح اييب عيال وبنفس الشهر سبحان الله حملت

عشان ابين لج شلون النفسيه تاثر

وهذي رزقه ربج

لا تطالعين السونار خلاص قطيه وانسي الحمال وراح تبشرينا قريب انشاء الله

 

[ابدا يالغالي مانساك]

ربي يرزقكك ياقلبي

 

[كويتيه شماليه]

تعوذي من الشيطان وحطي في بالج الاجهاض معناته شر ونزل منج تخيلي انه عاق والا مشوه والا مريض والله ارحمج منه
الحمدلله الله عالم الغيب وهذي رحمته واسعه ادعيه وان شاء يستجب كثري استغفار وحطي في بالج دام حملتي مره تحملين عشر وكل تأخيره فيها خيره والله يرزقج باللي احسن وتفرحين عاجل يارب بهالايام المباركه كثري الالحاح في الدعاء وتصدقي وصومي مت قيام الليل حتى ترتاحين وتلهين بالعباده مع انشراح الصدر

الله يرزقج ويفرحج

 

[M!Ss Smart]

جزاكم الله خير اللي رديتو علي والله يفرح قلوبكم عن قريب

 

[ام الحلوااات]

لا تــحــاااتـــيـــن ان شـــآء اللـــه بــتــحــمــلــيـــن بــس انـــســـي ســـالـــفــة الــحــمــل
لانــهــا صــاارت مــعــاي بــااول حــمــل واجــهــضـت عـاالــشـهـــريــن وجـلــســت يــمـكــن 6 او 7 شــهــور
مــاحــمــلـــت لانــي افــكـــر بــاالــحــمـــااال ولــمــا نــســيـــت الــســالـفـــه حــمــلــت
عـــســـــى اللــــه يــكــتـــب لـــج الــحــمــــــل عـــاجـــلآ يـــااارب
​

 

[a7la siorah]

عادي انا بعد الاجهاض تاخر الحمل

جتني 4 دورات

والخامسه حللت حامل

 

[a7la siorah]

ونفسج كل شهر احلل واكون عبالي حامل

وتجيني حالة احباط بس تأكدي كل تأخيره فيها خيره

وكثري من الاستغفار والله يكتب لج الحمل

وتكون هذي اخر دوره

 

[You FOR Me Only]

والله عدم التفكير بالحمال صعبه انا بعد نفس حالتج بس الفرق بينا اني وقفت لفتره بعد اجهاض ماكنت ابي احمل

بس الحين قاعده افكر وايد لدرجه احلم اني حامل ههههههههه ودي اشيل هالشي من بالي عشان ما انصدم

الله كريم وربي يعوضنا ان شاء الله

 

[rana91]

لا تــحــاااتـــيـــن ان شـــآء اللـــه بــتــحــمــلــيـــن بــس انـــســـي ســـالـــفــة الــحــمــل
لانــهــا صــاارت مــعــاي بــااول حــمــل واجــهــضـت عـاالــشـهـــريــن وجـلــســت يــمـكــن 6 او 7 شــهــور
مــاحــمــلـــت لانــي افــكـــر بــاالــحــمـــااال ولــمــا نــســيـــت الــســالـفـــه حــمــلــت
عـــســـــى اللــــه يــكــتـــب لـــج الــحــمــــــل عـــاجـــلآ يـــااارب
​

انا مثلك بالضبط بالإجهاض و الحمل :eh_s(8):
بعد بست شهور من الإجهاض خلاااص كنت اجهز نفسي ان الدورة بتجي و بنفس الشهر حملت سبحان الله

 

[ReEm Q6R]

حبيبتي انسي الموضوع ولاتفكرين فيه كلش خليها على الله لان التفكير والنفسيه تأثر عالحمل ،.


الله يرزقج الذريه الصالحه عاجلاً غير اجلاًً ان شاءالله،.

 

[شيخه عرب]

الله يرزقج عاااجل امييين

 

[M!Ss Smart]

تسلمون الله يرزكم باللي تمنون يارب

 

[Miss Unique]

انا نفسج عشر شهور تميت بس بعدها سافرت ونسيت سالفه الحمال نهاءيا اما فكرت فيه والحمد الله نفس الشهر حملت اللهم لك الحمد

فأنتي حاولي تنسين فكره انج ما حملتي حاولي تلهين باي شي ولا تفكرين بالحمل وبأذن الله بتحملين

ان شاء الله مايمر هالشهر الا وانتي حامل

 

[مشتطـه]

شوفي كل تجاربهم تدل ان اذا نسيتي الحمال تحملين

ما راح الومج شي مو بإيدج أدري


الله يرزقج يارب