بدايه المشوار : خل نسوي تجمع للي بيعيدون رابعه ثانوي للسنه القادمه سنه2013\2014

[امل الطموح]

:yaaaaaarb::yaaaaaarb::yaaaaaarb::yaaaaaarb::yaaaaaarb::eh_s(8)::eh_s(8)::eh_s(8)::eh_s(8)::eh_s(15)::eh_s(15)::eh_s(15):


الموضوع من عنوانه



منو ويااااااااااااااااي ؟؟

 

[ḟẩἡṫảṤῩ ῶỗṝḽḑ]

انا اماراتيه يستوي اكون وياكم ..,,

 

[^^طالبه^^]

انا عايده الثانويه السنه الي طافت تو وتخرجت بمعدل يدخلني التربيه الاساسيه وهذا اهو اصلن سبب اعادتي وحققت طموحي بهالشيء تداركو نفسكم من الحين وهالسنه اخر سنه لعادة الثاني عشر بس لان اخر سنه بمناهج القديمه السنه الجايه
من يغيرون االمناهج الثانويه بالكامل الي بتعيد الثانويه العامه لازم تبتدي من 10 الي 12
يعني 3 سنين فلا تفوتون الفرصه استغلوها استغلوها
كنت نفسكم السنه الي طافت بنفس هالايام بضبط اسولف بموضوعنا مال السنه الي طافت واقول يارب تسهل علينا السنه وعدت
واسولف مع ام مشعل الي متخرجه سنة 2012 مسويه تحسين نسبه وجابت نسبه دخلتها الجامعه بس سحبت وراحت التربيه الاساسيه تخصص اقتصاد ومرتاح ومع حلا2 نفس سالفتها قبلتها الجامعه بعدين راحت التربيه الاساسيه تخصص رياض اطفال كلش كلش لا تستسلمون
ربي يوفقكم شوفو البنات الي بتجمع الي قبله الي انا كنت وياهم كلهم كلهم كلهم حققو طموحهم
هواجيس90/^^طالبه^^/سندس90/توليا
وااجد واااجد مو متذكره بعد والله
والحمدالله كاني جبت نسبه تشرفني ومقدمه علي التربيه الاساسيه
والاغلبية الي بتجممع قدمو علي الجامعه والتربيه
ماكو احد جاب تحت 70 الحمدالله شدو حيلكم يابنات ولا تتكاسلون
والله ترا الدوام بصرااحه يضيق الخلق بس كل ماتذكر الحلم الي ابيه يرد طريقي ينور
واستانس و استعد لهذا اليوم وكاني مقدمه علي تخصص اسلاميه والي بمقابله الدكتور بشرني بالقبول ان شاءالله
وبتوفيق لكم وتصيرون ويانا زميلآآآآت
بس صدقوني جني امس مداومه اول يوم لي بمسائي واتذكره بتفاصيله
وجني امس مداومه اخر يوم بمسائي واتذكره بكل تفاصيله صدقيني اذا
لقيتي بنات عندهم طموح احتكي فيهم ولا تفرطين فيهم ابد لان هذول اهما الي بيساعدونج
وبتوفيق
اي شيء تبونه ارسلو خاص او اكتبو بالموضوع وبرد عليكم

 

[^^طالبه^^]

تقسم الدرجات
24 درجه الاعمال الكورس الاول والثاني لمواد ( التاريخ / الجغرافيا / العربي / الانجليزي / الفرنسي )
18 درجه الاعمال لمادة الفلفسه
16 درجه درجة الاعمال لمادة الاسلاميه والاحصاء
======
52 درجه الامتحان الكورس الاول والثاني لمواد ( التاريخ / الجغرافيا / العربي / الانجليزي / الفرنسي )
42 درجة الامتحان لمادة الفلفسه
24 درجة الامتحان لمادة الاسلاميه والاحصاء
=====
طبعا مع الامتحانات الي بتمتحنينها بمدرسة
حاسوب 20 درجه
قرأن 20 درجه
دستور 20 درجه

مجموع الدرجات
600

يعني الي بتجيب 80
لابد تجيب مجموع درجاتها فوق 480 بالكورس الاول والكورس الثاني كل كورس له 600 بروحها يعني مجموعهم 1200 درجه

وانتو تعرفون قدراتكم بهالمواد وبضرب لكم مثال علشان تفهمون علي طالبه متوسطة الاداء
بتاريخ جابت 67
وجغرافيا جابت 70
بالعربي 63
بالانجليزي 60
بالفرنسي 62
بفلفسه من 60 جابت 48
بالاسلاميه من 40 جابت 37
و بالاحصاء من 40 جابت 33

وطبعا مع مواد الي بمتحانها بالمدرسه
الدستور والحاسوب والقران اكيد درجه كاممله ان شاءالله

صار مجموع الدرجات
500
شلون تعرفين نسبتج تقسمينها علي 600 ضرب 100

500÷600×100=83.33
وهالنسبه اكيد زينه والحمدالله تأهلج للجامعه والتربيه الاساسيه وخير ونعمه
ويارب تجيبون اعلى منها يارب

 

[~mmm~]

الله يوفقكم ان شاءاالله
انا تخرجت 2012 ونسبتي 72 وادبي فا قررت اعيدها 2013 مسائي
والحمدالله عدتها وجبت نسبه تدخلني جامعه الكويت لا وانقبلت بعد
فا لاتخلون شي يوقف جدام طموحكم والله يكتب لكم اللي فيه الخخخير

 

[ديور88]

مرحباااااا

اختي طالبه انا كنت معاكم ببدايه التجمع
وشوفي توقيعي ����

صااارت عندي ظروف وماقدمت اوراقي علشان ادرس
اللحين بااذن الله
بعيدها

بس انا شهادتي سعوديه وماعمري درست اهني
يقبلون اني اعيد ؟؟!!

وتخرجت 2004

متفائله وكلامج طالبه حيييل اثر فيني

 

[ديور88]

بحااول اضبط لنا توقيع خاص حق التجمع

 

[سناشص]

انا صراحه كنت مقدمه علي منازل بس لقيتها صعبه حييل ما فيها تجميع درجات ودراسة الفصلين فانسحبت وبخاطري اعيدها مسائي بس متي التسجيل اخاف يطوفني وسمعت ان السنه الجايه لازم اعيد من عاشر وهذي صعبه علي اتمني الي تعرف عن الموضوع شي تفيدني وشنو الاوراق المطلوبه
وتسلمون

 

[^^طالبه^^]

لا بس تعيدين 12 السنه الي وراها يعيدون من عاشر لان المناهج بتكون كلها جديده من 2015
الاوراق المطلوبه شهادتج القديمه + بطاقتج المدنيه وصوره لج و 40 دينار تأمين فقط وترد لج 40 اذا نجحتي
والتسجيل بداية شهر 9

 

[امل الطموح]

^^طالبه ^^:eh_s(9):

تدرين ان انتاي اللي خليتني اعيد هالسنه ان شاءالله على خير:eh_s(9)::ggdw:

لاني كنت مترددا بين ادخل الكليه الاستراليه دايركت على حسابي لان الشروط فيني ( نسبتي 60,4 وهم يبون 60% وفوق + الايلز الحمدلله زينه بالانجليزي 7 ):080402ask_prv:

وبين اعيد رابعه ثانوي ,,ف لما كنت قاعدا اطالع المنتديات ولا اطيح على موضوعج عن الاعاده والتجمع ,, كنتي السبب الي خليتني اسجل وابلش هالتجمع وان شاءالله يتممها على خير:gr4uu:

قريت موضوعكم كامل بالتجمع الي طاف وبصراحاا كلامكم كله تشجيع وطموح

ف خليت نكي ( امل الطموح ):eh_s(7)::edbf4317b9:

لان بصراحاا لما عرفت ان سنه 2015-2016 راح يبلشون المناهج اليديده ,, واخر فرصه لنا هالسنه وسنه 2014-2015

قايلا لروحي اتدارك الامور ,, بس والي يعافيج ما تعرفين تقسيمه ( طلبه العلمي ) لاني علمي مو ادبي

بنات كل وحده تبي تشاركنا ونعيدها مع بعض تقولنا ( علمي -ادبي ) وشنو طموحها ,, والنسبه انشالله قدها وقدود وقادرين عليها:gathering:

بالنسبه لي كنت خريجه علمي ( 2007 ) وحاليا عمري 22 وكانت نسبتي بالستينات 60,4 ,,وقصتي قصه ,داخلا التطبيقي ومتخرجا منها ومتوظفا عليها من 2010 وانشالله اكمل 4 سنين لما اخلص رابعه السنه اليايه واكون ماخذه اجازه دراسيه ( كامل الراتب ) واقدم على التطوير الاداري شهادتي الثانويه اليديده عشان يطلعون لي الاجازه مع القبول ,,

والحين طموحي التسعينات ( بنات لحد فيكم ترضى بالاقل لازم طموحج لفوق عشان عالاقل تقربين منه ) + (مع امتحان القدرات ) وقبول فوري بعد ( خلي طموحج الفوري ولا تنطرين منهم شي ,, خليهم هم يبونج عشان نسبتج العاليه ),, وابي اكون داخلا كليه الهندسه جامعه الكويت ان شاءالله

أب اب اب لكل بنت عندها ( للحين عندها امـــل عايـــش في طمـــوحها وما مات ):n2006107::eh_s(8)::eh_s(15):

 

[ديور88]

انا علممممي بعد

 

[^^طالبه^^]

تقسيمة العلمي كالتآلي
100 درجه علي الرياضيات والاحصاء كلهم ماده وحده
80 للكيمياء والفيزياء و الاحياء والعربي والانقليزي
والاسلاميه 40
وباقي المواد نفسها

 

[سناشص]

وانا كنت علي وشك تقديم للجامعه والمفتوحه لكن دشيت المنتدي وغيرت الطريج لكن الدوام من الساعه جم الي جم
وضبطوا لنا توقيع والله يوفقنا

 

[^^طالبه^^]

الدوام الاحد و الاثنين
من 4:15 الي 8:45

الثلاثاء والاربعاء والخميس
من 4:15 الي 8:30

الدوامم يمشي بسرعه كلها حول 4 ساعات حصص و نص ساعه فرصه بعد الحصه الثانيه
يوم الاحد والاثنين 7 حصص بس وقتهم حول نص ساعه كل حصه
باقي الايام 6 حصص
بتوفيق

 

[امل الطموح]

بنااات

في تجمع يديد , بس مادري للمسائي ولا للخريجات الفرش ؟؟؟

اتمنى تقولون لي نستمر بهالموضوع ولا ننتقل للتجمع الثاني ؟؟؟

 

[رقيقه المشاعر]

مرحبآاا


انا مسآئي بس مو عايدتها كملت مسآئي عاشر و حادي عشر و بإذن الله ثاني عشر

بنااات كلاامكم كله طمووح و تشجيع و ربي يرزقج باللي تتمنينه يا طالبه شجعتيني ارفع نسبتي

انا نسبتي بعاشر ٥٩

و حادي عشر ٦٥

والله يستر من الثاني عشر انشاءالله اقدر اجيب نسبه حلووه

 

[امل الطموح]

رقيقه المشاعر

عاشر عليه 10% ,, ونسبتج 59% يعني ماخذه من 5,9من10

والحادي عشر عليه 30% ونسبتج 65% يعني ماخذه 19,5من30

الحين عندج 25,4% من 40%

السنه اليايه من 60%

شوفي جم اتييبين بالصف الثاني عشر من 60% وزيديهم على ال25,4 (تحصيلج من الصف العاشر والحادي عشر) ويطلع لج نسبتج الاجمالي

موفقااا

 

[^^طالبه^^]

رقيقة المشاعر
مثل ماقالت لج امل الطموح مجموعج الحين 25.4

اذا بتضمنين التربيه الاساسيه
لازم تجيبين نص السنه من 83 وفوق
و بأخر السنه هم من 83 وفوق
واذا جبتي كلهم 83 راح تطلع نسبتج
75.2
واذا تبين الجامعه لازم تجيبين نسبة 88 نص السنه واخر السنه
علشان تصير نسبتج
78.2

عسى ربي يوفقكم صدقوني مراح تحسسون بطعم التخرج اذا جبتو نسبه ماتقبلج الا معاااهد راح تتندمون قد شعر راااسكممم
كلها 9 شهور شيلي منها جمعه وسبت باقي 7 شهور شيلي منها شهر من شهر 2 الي 3 محد بيداوم نفس كل سنه
باقي 5 شهور شيلي منها الامتحانات اسبوعين نص السنه واسبوعين اخر السنه
باقي 4 شهور اعتبري هالاربع شهور يا اختي ترفيه لنفسج دوره تدريبيه وتبين تطلعين فيها الاولى و بمتياز
كلها 120 يووووم
يعني تقعدين بمدرسه 4 ساعات ونص
تضربينها بـ120
يطلعون 540 ساعه تقضينها بالمدرسه فقط
يعني جنج قاعده بالمدرسه 22 و نص يوم متواصليـن بالله هذا تسمونه دواااام
بعد فصلتكم اياه تفصيييل ممل علشان اشجعكم وتتحمسون ولا تتمللون ابد
ياربي يسمح دروبكم ويوفقكم يارب
ادعولي تتسهل اموري تكفون بنات

 

[Madrideya ~]

انا بعد معاكم خريجه ٢٠١٤
بس انا خريجه فرش لا عايدتها ولا شي
وما تفرق لان كلنا طموحنا واحد وهدفنا واحد

انا علمي
تخرجت من عاشر = ٩٢
والحادي عشر = ٨٣.٦

ابي اتخرج السنه الجايه فوق التسعين لان هذا مستواي طول عمري
بكل المراحل الدراسية أجيب فيها امتياز ماشاء الله علي بس هالسنه
تكاسلت فيها وكنت كله أغيب ما أداوم الا ٣ ايام بالأسبوع واحيانا تمر أسابيع
ما أداوم فيها كلش وبسبب ظرف ... كانوا بيحرموني من الامتحانات الفاينل بسبب غيابي بس الحمد الله عدت على خير
هالسنه تحسنت ظروفي وراح اشد حيلي وانا قدها ان شاء الله


انزين بنات حسبوها لي جم لازم أجيب السنه الجايه عشان اطلع امتياز اخر السنه ؟
انا حسبتها طلع لي لازم فوق ٩٣ .. صح حسبتي ولا غلط ؟

 

[امل الطموح]

مدريديا

بنت علمي )) المفروضه انتي وصلتي لمرحله خلص تكونيني عارفه تحسبين نسبتج , المفروض احنا نقولج شلون الحسبه هههه وهي اساسا مبدأ رياضيات سهله بالحسبه

من البداهه من 10% مولوت الصف العاشر 10% وانتي طالعه 92% معناته 9,2 من 10 لو حولنا من المئات الى العشرات

الصف الحادي عشر 83,6% يعني ماخذا 25,08

مجموع السنتين 34,28 من 40

و عدل كلامج عشان نسبتج تكون امتياز بمعنى ( 90 ) وفوق لازم تاخذين بسنه رابعه ( 93% وفوق )

لان 93% معناته 55,72 من 60% ولو تضيفينهم على محصل تجميعج ال 34,28 يطلع نسبتج 90% بالضبط

وفقني اللله اياني واياكم بما احبه و يرضاه