بدايتي ( روايه كويتيه بقلمي )

[Marinz Mary]

السلام عليكم و رحمة الله و بركاته

شخباركم بنات
ان شاء الله بخير ..

معاكم مارينز ماري عضوه يديده و هذي أولى مشاركاتي
و ان شاء الله تعجيكم القصه على فكره تراها غير عن الروايات الي مرت عليكم
سواء بالنت ولا الكتب ..

و ما أطول عليكم ..


بدايتي


الجزء الأول


وقفت تحت سيل المطر إلى أن ابتللت من رأسي إلى أخمص قدماي .. كان الجو باردا غير أنني لم أكن لأشعر ببرودة نسمات يناير الباردة .. فقد تاه فكري .. و انحبست الكلمات في حلقي .. و حار الدمع في مقلتاي .. و بقيت أناظر تلك المنازل التي رصت بإحكام بجانب بعضها البعض .. لا شعور هو ما كان يجتاحني لحظتها ... فقط لا شعور .. بعد برهة و بحركة سريعه نفضت عن شعري مياه المطر التي اكتسته و التفت يمينا .. و بدأت أولى خطواتي نحو مستقبل مجهول .. تاركا خلفي ماض مازال يئن بجراحه .. تحكي زواياه قصتي .. و قد نسجت نهايات الماضي و بدايات المستقبل بغضب أب و دمعة أم و حزن أخوه ..
نعم هذه كانت بدايتي لتك السنين ..
نعم المطر أول حرف بمستقبلي ..
و ذاك الصراخ و الطرد إلى خارج المنزل في تلك الليلة و في تلك الساعة التي تجاوزت الثانية عشر ليلا
هي بدايات شاب لم يتجاوز الثامنة عشر ..
فقير الدين ..
فقيد الأهل ..
منبوذ المجتمع ..


..........................................



تركي وهو يصارخ بأعلى صوته : أحمااااااااااااااااااااااااد
يرد أحمد عليه : نعم يبا نعم اشتبي بطيت اذوني والله اسمعك قالولك اصمخ
تركي وهو يبتسم :لا والله بس توقعتك كالمعتاده مجابل الكمبيوتر خبرك انت اذا جابلته تروح لعالم ثاني ابد ما تحس لو نناديك للمره المليون
- انزين مناديني حق هالمحاضره خلصني شتبي
- ابد سلامتك احم احم يعني أنت تخرج و تخرجت شغل و اشتغلت و انا اليوم صرت خريج يلا عاد انت طيب و انا استاهل
- لاوالله احلف اكد على عميان انا اخاف بس يبتك و نسيتك
- لا والله ادري من ورى قلبك هالحجي و انا واحد ابد صريح اقطها بالويه كاش ابي هدية التخرج و عزيمه معتبره حق ربعي يلا حدد عشان اقولهم
- ما شاء الله عليك خططت بعد لا وبعد اشرايك تقولهم المطعم و روحو مره وحده و انا ادفع ما بقى شي بعد
- و الله تسلم يا احلى اخو و رفيج بهالدنيا
أحمد ابتسم وقال: الحمدلله والشكر ابد صدق
تركي اعتفس ويهه و رد عليه : لا تكفى لا تكشت
- لا افا عليك والله ما تهون اصلا انا مخطط بس انت الله يهداك كل شي عندك على طول اركد يبا ما يصير لعيله الركاده زينه استلم انت الشهاده و مايصير خاطرك الا طيب اشتبي بعد
تركي وهو مستانس والضحكه شاقه الحلج شق : بعد جبدي انت والله عسى الله لا يغير علينا قول امين
- آمين و المسلمين اجمعين يلا عاد خلني اجابل شغلي
تركي و هو يطقله سلام عسكري : امرك سيدي
- ما يامر عليك عدو روح قعد الشباب ما بقى شي على صلاة المغرب
- ان شاء الله طيران و بتشوفهم طابور جدامك و راح
ابتسم احمد و حط راسه على الكرسي و قال :عسى الله يخليهم لي ولا يغير علينا

========

الساعه 8 بالليل

الشباب كلهم قاعدين على البحر واحمد الوحيد الي قاعد ببلكونة الطابق الفوقي مجابل لاب توبه ومشغل نشيدة ( يا صديقا حائرا يبغي من التيه رشادا ) .. صج إنها قديمه بس يحب يسمعها .. و قاعد يحط اللمسات الأخيره على تصميمه الاخير و كان عنوان التصميم خربشات فجريه كتب فيه كلمات بسيطه كان كاتبها وقت الفير ..

رحيــــل

رحلوا وتركوا الآلام تلثم جراحها النديه
رحلوا و انمحى عطرهم من زوايا ذاكرتي
رحلوا و انسكب حنين شوقهم في ثنايا فؤادي
رحلوا وقد تركوا الأيام تبكي وداع لحظة مازال نزف دمعها يحرق وجنتي
رحلوا كغروب الشمس تعشقه النفس و يكرهه القلب
كان رحيلهم يغرس في الحشى ألف طعنة وطعنه
تلفها بقايا الأمس و ينحتها نحيب الوهم

(( عذرا فحروفي نصل قلم لم يجد غمدا يحتويه ))

وكانت هذي آخر كلمات خربشاته ........


و فجأه يقطع عليه صوت عميق وهادي
عذبي : بصراحه ما غلطو يوم سموك ملك التصميم
أحمد : تسلم والله من ذوقك
- لا والله من جد عيني عليك بارده تصاميمك عجيبه و يحس الواحد لمن يشوفها فيها شي يجذب شنو الله اعلم
- ابتسم وقال : فعلا كذا واحد قالي هالكلام
- انزين ما قتلي اشصار عليك طالبينك طلبه حق اشراف قسم الخواطر والقصيد
- رديت عليهم و رفضت
- لييييييييييييييييييييش

 

[Marinz Mary]

مشاركة: بدايتي ( روايه كويتيه بقلمي )



- شوف بصراحه وايد فيه قصايد و خواطر غزل و حب و خرابيط اذا يبوني شروطي واضحه وضوح الشمس
نبي مواضيع ثانيه في اشياء وايد تستاهل انه الواحد يعطيها نصيب من قلمه وهم قالو ما نقدر الاغلب هذي كتاباتهم صج ان مستواهم ما اقول اي شي بالعكس مستواهم حلو بس شالفايده ابي مواضيع غير ابي يصير القسم احلى بس قالو ما نقدر نتحكم بكتاباتهم و يمكن نخسرهم ومن هالحجي
- اها عالعموم على راحتك بس ترى للحين متأملين فيك
- لي وافقو على شروطي خل يبشرون بالخير
- اي تعال ما قلتلي متى التدشين الرسمي حق موقعك؟
أحمد و هو يبتسم : احم احم يوم26 . 9 . 2005
- الله وي تو الناس بعد يمكن شهرين و جم يوم ليش عاد مو تقول ما بقى شي
- اي بس ابيه باليوم الي اكمل فيه 24 سنه
- اها يعني ذكرى يوم ميلادك اي زين والله يلا عاد ذكرنا لا تنسى
- افا عليك بس ما يصير خاطرك الا طيب

==========

بعد اسبوع استلم تركي الشهاده كانت ما شاء الله حدها تبيض الويه امتياز مع مرتبة الشرف مو شي غريب عليه الشباب كلهم ما يتعاملون الا بالامتياز و كاهو تركي اخر واحد فيهم تخرج و كمل الشهادات سبع شهادات تحمل الامتياز و مرتبة الشرف
احمد : هندسه ميكانيكيه
عذبي : حقوق
بندر : علوم اداريه
راكان : طب
ضاري : صيدله
نواف : شريعه
تركي : اداب انقليزي
و بجذيه نفد احمد وعده و عزم الشباب بهالمناسبه الحلوه و قدم الهديه و الي كانت عباره عن بوك و مداليه من ت.اس.ديبون
ذاك اليوم حدهم كانو مستانسين من فرحتهم عقب ما تعشو مارجعو البيت و كان الجو حلو راحو مسنة شميمري و قعدو ليمن اذن الفير صلو بالمسيد و رجعو البيت طبعا الجو على البحر هادي اول شي قعدو يسولفون و ينا قشون تركي بالاماكن الي تصلحله و عقبها عطاهم نواف درس صغير و حلو عن ان المسلم كل ما زاد قربه و طاعته لربه كل ما وفقه الله بحياته كلها

=========

احمد بالكراج يشتغل و يضبط الملفات و الفواتير ليمن سمع صوت واحد قاعد يصارخ رفع راسه و هد الي بيده طلع يشوف شالسالفه شاف واحد عمره 16 ويهه منقلب احمر من كثر ما اهو معصب و يهاوش العامل
أحمد : خير اخوي اشصاير؟
سلمان : بط جبدي اقوله خلصها اليوم يقول ما اقدر ليش و الكراج فاضي اصلا اشعنده
أحمد و هو يلف على سامر : شسالفة السياره ؟
سامر : سلامتك بس فيها كمن حاجه محتاجه تبديل و حتوصل بكره ان شاء الله
أحمد : حصل خير اخوي السالفه مثل ما سمعت و اذا ما تقدر تنطر انا مستعد ادورك كراج يخلصها لك اليوم
هدا شوي سلمان و قال : تسلم اخوي غثيتك والله
و قبل لا يرد احمد عالولد دخلت بنت و هي تنادي سلمان و لا اراديا افتر احمد صوب الصوت بس الصدمه خلته يلف ويهه عنها و يستغفر ربه و هو رايح صوب المكتب قال حق الولد دقايق اييبلك رقم الكراج
رد سلمان بسرعه : لا خلاص انا باجر ايي اخذها رقمي عندكم سلمان ال
أحمد و هو منزل راسه و ويهه معتفس : خير ان شاء الله اول ما تخلص بندق عليك
طبعا ميار ما طلعت ظلت واقفه تشوف اخوها و الي معاه و ماشالت عينها عنه ابد رجع سلمان لي اخته و طلع معاها
و احمد طول ما اهو يشوف علة السياره قاعد يستغفر و لا قدر يركز لاعت جبده البنت يمكن متسبحه بغرشة العطر كلها و طالعه و لي الحين ريحتها لاصقه بالكراج مو راضيه تروح معنها ما دخلت داخل حدها البوابه
اخر شي و قبل لا يؤذن المغرب طلع حق البيت و نفسيته زفت و هو مستغرب شلون الناس يخلون بناتهم يطلعون جذيه اعنبوهم عميان ما يخافون على بناتهم صج لي قالو ثيــ.... استغفر الله
الله يهديهم و يصلح حالهم ..... اللهم آمين

==========

سلمان و هو معصب على اخته : انتي شلون تنزلين ها ما تقوليلي طول وعرض ريال مو تارس عينج
ميار و لا على البال و ترد ببرودها المعتاد : و يعني نزلت شصار تراهم هنود و مصاروه
- لا والله و هذول مو رياييل و من قالج هنود و مصاروه يكون بعلمج الي تمساع واقف معاي كويتي اشبقول ما عرفو يربون بناتهم
- اي شي كويتي اكيد بدون مو معقوله كويتي يشتغل بنجرجي
- و اذا بدون مو ادمي مثلي و مثلج وبعدين ليش الكويتي حاله حال غيره تشوفين حالج مليونيريه تحسبين كل لكويتيين مثلج لا حبيبتي في ناس اصلا مو لاقيه تاكل يكون بعلمج و ازيدج من الشعر بيت هذا الي مو تارس عينج خريج جامعة الكويت هندسه و امتياز مو اي شي
- و اشدراك انت بكل هالمعلومات عنه
- ابوي يعرفه و قايلي عنه و احنا ما نتعامل إلا معاه
- اها
- انزين سمعتيني يا ويلج ان عدتيها مره ثانيه ولا ما تلومين الا نفسج
- ان شاء الله عمي ... و هذي كانت طريقة ميار اذا بغت اتصك المواضيع تساير الي معاها
و ظلت تفكر بكلام اخوها معقوله كويتي و هالزمن و يشتغل هالشغله غريبه و الله

========

بعد صلاة لعشا الكل موجود بالصاله الرئيسيه الي تطل على البحر
نواف قاعد يفكر بفكره طرحها عليه واحد من طلبته و بغمرت أفكاره فز على ضحكه من كثر ماهي عاليه حس شوي و يطير قلبه بسبتها لف وهو معصب وده يذبح هلي طيره من سرحانه : تريك ويعه تويع العدو انت ما تيوز من ضحكك الاهبل
تركي و هو طايح على الارض و ماسك بطنه و عينه تدمع من كثر ماهو ميت قشي : تبي الصج مجرد ما شفتك و لاحظت سرحانك طارت بعقلي فكره تقدر تقول هبلا مينونه حايشها انفصام في الشخصيه وبمجرد ما طرت على بالي ضحكت لانها كلش مو لايقه عليك
يقوم نواف و ياخذ نفس عميق و هو يقول : محد بصير اهبل غير الي بجابلك ما ادري متى بتعقل اقوم لا ارتكب فيك جريمه الحين تصبحون على خير
عذبي : تو الناس
نواف وهو يحك راسه : لا متليش و مافيني حيل هاذي فزعتي من الفير
الكل : و انت من اهله
احمد : تروك بالله عليك انت ما تيوز كلا دوبك دوب هالنواف
- من حبي له بس والله ما ادري الفكره من ضربت براسي و هي مضحكتني حدي ما اتخيله
راكان : شنو هالفكره ؟
- لا لا حبيبي انسا سر لا يمكن افشاءه
ضاري : حلوه هذي انت عندك اسرار اشك
بندر:انزين ما قلتولي اشصار على الدوره
احمد:ان شاء الله انا بعطيكم اياها
راكان : شنو الكتاب الي استقريتو عليه ؟
ضاري و عذبي بنفس الوقت يقولون : صحيح البخاري كتاب الايمان باذن الواحد الاحد
اهني التفتو على بعض و ضحكوا
تركي : خلاص صار باذنه تعالى بس اي يوم عشان اقول حق الربع
احمد : كل اربعا بعد صلاة لعشا و شوفوهم اذا الوقت ما يناسب نحاول نغيره عشان يناسب الجميع
بندر : صار ويلا قومو كل واحد يساعدني لاني ناوي اعشيكم اليوم و اطبخ لكم طباخ ماكو مثله
تركي بصوت واطي: الله يستر بستره
بندر: تريك تراني سمعتك خايف على عمرك التلفون يمك و لستة المطاعم حافظها اطلب و تطمن على عمرك
تركي: لا نجازف محد ميت الا بيومه
و يضحكون الشباب على تركي الي كان بالنسبه لهم ملح حياتهم الي من غيرها ما يدرون شلون بسايرونها

========

جوري و هي قاعده على القنفه بدارها و مندمجه اخر اندماج برواية الارجوحه حق حمد الحمد يتبطل الباب عليها بقوه لدرجه انها فزت من مكانها : بسم الله الرحمن الرحيم وانتي ما تعرفين تدقين الباب حالج حال الاوادم
سدن : بصراحه و الصراحه راحه لا
- اشتبين الحين
- ابيج
- استغفر الله العلي العظيم انا الحين شايفتني فاضيه
- مو مشكله تفضيلي عمرج لاني اختج و حبيبتج صح
- صح بس لمن اكون فاضيه مو مشغوله يلا قلبي ويهج
- اشدعوى جوررررررررررري
- الدعوى عند القاضي روحي يلا خليني اكمل
- ما ادري شلون تتحملين القعده بالساعات عشان روايه
- محد شكالج الحال طلعي و صكي الباب وراج
- حاضر عمتي
- الله وياج
- اجمعين
تطلع من هنيه سدن و توصل حق جوري مسج من هنيه مكتوب فيها (( لهالدرجه كنتي تحبيني تحاتيني و انتي ما تدرين شنو بكون بالنسبه لج ... أحبج )) ابتسمت جوري و قالت بصوت ينسمع : واثق الاخ


.....


أنتظر آراءكم ..

 

[Marinz Mary]

مشاركة: بدايتي ( روايه كويتيه بقلمي )

السلام عليكم

مساء الطاعه

: (
: (
: (

معقوووووووووووله محد قراها و اعجبته ..

 

[رنين]

مشاركة: بدايتي ( روايه كويتيه بقلمي )

قريت مقتطفات منها علسريع...
عجبني في البدايه استخدامك للغه العربيه.........
بس كأنك بعدين همونتي ...يمكن عشان تدخلينا في الجو

ماقريتها بتأمل بعد و انشالله اذا الله ييسر لي راح ارجع اقراها

الله يوفقج

 

[رنين]

مشاركة: بدايتي ( روايه كويتيه بقلمي )

كملت قرايتها الحين.....مشروع حلو و بانتظار التكمله
لا تبطين علينا بس لي طلب صغير....

الحين منو اخو منو؟
الشباب ربع و الا خوان
و وين امهم و ابوهم اذا اخوان و باجي اهلهم ماعندهم خوات؟

 

[Marinz Mary]

مشاركة: بدايتي ( روايه كويتيه بقلمي )

السلام عليكم و الرحمه

مساء الطاعه

أختي رنين

أسعدني مرورج الطيب و بالنسبه حق اسئلتج شوي شوي علينا كل شي بيتضح يالأجزاء اليايه : )

الحمدلله في أحد عبرني

و انتظري الجزء الياي بعد جم يوم ..
و ان شاء تكون الروايه عند حسن ظنج ..

 

[Marinz Mary]

مشاركة: بدايتي ( روايه كويتيه بقلمي )

السلاااااااااااااااااام عليكم

متابعه ممتعه

الجزء الثالث

و رن تلفونها ردت على طول وقالت : منو قال احاتيك خلصو الناس عشان احاتيك و ما ادري حتى منو انت
- ما كو سلام يعني
- اسفه السلام عليكم لانك تقهر حضرت الدكتور
- و عليكم السلام والرحمه حرام يعني الواحد يحاول يحلل الامور انا حللت تساؤلج و كان هذا الجواب
- شلون ؟ فهمني
- شوفي انتي سألتيني .. جربت انك تحاتي شي ما تدري شنو اهو؟ و رديت عليج و قتلج اي و بعدين وضحتلج اني كنت احاتي دراستي و يوم تخرجت ارتحت و عرفت ان الي احاتيه كان دراستي صح
- صح
و سألتج جربتي قلتي اي بس ما تدرين شنو و الحين عادي ما قمتي تحاتين و هالراحه من عرفنا بعض صح
- صح
بصريح العباره كنتي تحاتيني و يوم صرت معاج وجدام عينج صار الوضع آمن وما قمتي تحاتين
- منو قال ؟؟
- انا اقول
- لا مو شرط يمكن شغله ثانيه تزامنت مع معرفتي فيك
- لا انا واثق من كلامي لانج يوم ذكرتي الايام الي كنتي تحاتين فيها كنت انا امر بحال الله العالم فيه و صرت بين الحياة و الموت وسكت فتره و كمل : صارلي حادث طلعت منه بشكل محد يصدقه والحمدلله على نعمته بنجاتي
فهمتي الحين ليش اقول انج تحاتيني كنتي
- .......
- جووووووووووووووري معاي
- معاك
- شفيج
- لا ابد سلامتك
- اسف اذا كلامي ظايقج او حتى حسيتي اني افرض نفسي عليج بس هذا احساسي و عمره احساسي ما خاب
- ممكن اطلب منك طلب
- تفضلي
- ماراح تزعل
- لا عادي
- ممكن ماتدق و تخليني انا الي اتصل
- بعد شهر
- يمكن سنه
- و يمكن بعد العمر ما يروح
- كل شي جايز
- منج ماكو شي استغربه و طلبج مجاب و صدقيني ماراح اخلف بوعدي و ان كان على قص رقبتي بس اذكرج مو انا الي يذل عمره و تراني شاري و اذا بعت عمري ماارجع مع السلامه
جوري بصوتها الهادي : الله يسلمك
تحط التلفون على الطاوله لصغيره تصك الروايه و تطلع من الغرفه الحين بس فهمت معنى الكلمات الي كتبتها من فتره قصيره كانت تحس بغربه روحها بين اهلها تحس بغربة جرح ينزف بقلبها ما تدري شنو هالجرح؟

اغتراب

عندما تحتاج لمن يفهم غربتك
وأنت وسط انتمائك و جذورك
عندما تحتل مساحات الألم زوايا قلبك
و ترزح الروح تحت وطأت الاحزان
تتقاطر الدموع على جدرانه بلون الدم القاني

معلنة قصة اغتراب روح

اهي مرتاحه صح اهلها مو مقصرين معاها و عندها اخوان كل اخت تتمناهم بس الي ماكانت متوقعته دخول هالشخص حياتها صارلها فوق الثلاث شهور معاه اهو الي كان يتصل فيها مسجاته تارسه تلفونها غير الصور الي مكتوب عليها كلام منه و الاشعار الي بصوته كان يدزها لها و مع هذا كله ولا مره اهي الي اتصلت دوم يكون اهو المتصل حتى المسجات و لا مره دزت له ما تدري ليش معنها حاطه بتلفونها ملف خاص بمسجات عجبتها يمعتهم حقه بس متى اليوم الي بشوف اسمها منور شاشته ..
يمكن بعد شهر
او
سنه
او
بعد العمر ما يروح
كل شي جايز ..

=========

يوم الخميس الصبح

قام احمد و البيت صخه شالسالفه الساعه 10 وماكو حس ابد غريبه و الله هذول من تصير الساعه 9 تسمع البيباب تترقع ابد يطيرون النوم منك و اليوم مالهم حس الله يستر ليكون صاير شي اقوم اشوفهم و طلع من داره عقب ما بدل خاصه انه عنده شغل بخلصه نزل الطابق التحتي ابد ماكو احد و الغرف خاليه طل على الحوش السيايير موجوده طلع راح الديوانيه يمكن عندهم احد و فعلا شاف الحوسه من دريشت الديوانيه الي تطل على البحر خاصه انها ماخذه الواجهه كلها فالي داخل يبين واضح وقف يشوف منو داخل شاف كذا واحد من طلبة نواف و ربع نواف و الشباب كلهم ما عدى تركي دخل عليهم و سلم و رد الكل السلام
احمد : شلونك احمد ؟
احمد: هلا والله بسميي شخبارك و شخبار الوالد ؟
- هلا فيك زود بخير دامكم بخير يسلم عليك
- الله يسلمه من الشر و المسلمين اجمعين
- بصراحه كنت بييلك ابيك بجم شغله بالنت و حوسته بس انشغلنا
- اشوفكم محتاسين اشعندكم؟
- ابد سلامتك قاعدين نسوي برنامج حق شباب ثنويتنا تعرف عطله و فراغ لا شغله ولا مشغله قلنا نستفيد و نفيد قلنا بنبدي بيوم بعدين اذا عجبهم نكمل بالي نحسهم محتاجينه و ودهم فيه
- حلو الله يوفقكم بس متى ؟
- ان شاء الله يوم الخميس الياي
- ترى حاضرين للطيبين ما يردكم الا لسانكم
- ما تقصر من طيب اصلك الحمدلله كل شي تمام اليوم مجرد تشطيباب و بدر مو مقصر بالبوسترات حدها اطلعت حلوه و عجيبه
- الحمدلله يلا عيل اشوفكم على خير على العموم اذا بغيتني انا على الوحده ان شاء الله راجع
- تسلم والله معاك
- الله يسلمك من الشر
طلع احمد يخلص شغله عقب ما سلم الشباب و شافهم اذا يبون شي بس كانو فعلا مو محتاجين شي و هو بالسياره رن تلفونه
احمد: الو
جراح : السلام عليكم
-و عليكم السلام والرحمه هلا والله بهالحس
- هلا فيك شخبارك؟
- بخير دامك بخير
- الحمدلله شلون الربع؟
- يزقحون الحمدلله انت شلونك ابد ما لك حس؟
- بهالدنيا عايشين
- افا يذا العلم لا السالفه فيها انه
- خلها على الله
- ونعم بالله خلنا نشوفك اليوم
- خير ان الله اراد مو اليوم عندكم
- اي
- خلاص يايكم مع السلامه
- الله يسلمك سلم على الاهل
- يوصل
خلص احمد المكالمه و هو يحاتي رفيج العمر جراح اهو صارله فتره فيه شي بس مو راضي يتكلم و هذي طبيعته الله يعينه شكل السالفه جايده الله يستر و طلع لشغله بالكراج ضبط اموره بعد ما تأكد ان سيارة سلمان خلصت و استلموها اصحابها ومافيها شي و الشغل ماشي تمام و صلى الظهر وعلى الوحده رجع البيت ...

======

سدن : واي اليوم لزواره مو شي اف حدها تضيق الخلق
لولو : اي والله كل وحده تزوجت ابد ما لها حس هذا وهم توهم مالجين الله يعين اذا راحو بيوت رياييلهم
ريم : رقدي وامني لانج راح تنسين اشكالهم من كثر يياتهم لنا
جوري الي اسمعت كلامهم و هي داخله عليهم بالصاله الفوقيه : اشدعوى عادي تراهم توهم متزوجين هذي فترة الطلعات و المطاعم خل يستقرون ما راح تشوفون خواتكم الا 24 ساعه مجابلينكم جنهم ما تزوجو و بتقولون جوري قالت
ريم : ظنج
جوري : اي كاهم بنات خالاتي قبلهم و الحين ابد زوارتنا مقدسه عندهم استحاله يطوفونها
لولو : الله يسمع منج تدرين اشرايج تطلعينا
و على كلام لولو و صلت مسج حق جوري بطلتها وهي عارفه مصدرها ابتسمت
ريم : اقول قوموا خل نقول حق يدي ترى اختج مامنها فايده لاحقتهم لاحقتهم و قاموا وطلعو عنها و خلوها مع المسج قلبها معاه وعقلها معاهم

ثواني و سدن ولولو وريم مجابلين يدهم تكفى يدي و الله يعافيك و من هالحجي عل و عسى يرأف بحالهم و يطلعهم معنهم عارفين ان هالطلعه مستحيله خاصه ان اليوم خميس و زواره و اذا طلعهم بخم اليهال كلهم وياهم و تصير الطلعه لهم بلعبهم و هم بتطقهم لغلقه و ردون البيت و لا كأنهم طلعو آخر شي رضى يدهم ورأف بحالهم بعد حانه و مانه بس بشرط اليهال معاهم قالوله انهم مجابلين الفيديو و الي يلعب بلي ستيشن وعقب ما شاف ان اليهال فعلا لاهين وافق يطلعهم بروحهم وقالهم خمس زاهبين طيران البنات يبدلون دراريعهم و يلبسون عبيهم و حوستهم هني دخلت جوري:
وين على الله ؟
ريم و هي تبتسم : فرجت بنطلع يلا لبسي جان بتيين معانا
جوري: وين بتطلعون ؟
لولو: مبدئيا لكواريوم؟
جوري: حلو بدخل السينما
سدن: السينما من المحرمات عند يدي نسيتي
جوري: شدعوى عاد احنا مقطعينها اسمع فيها و لا اشوفها وان شاء الله ما اشوفها بس هذي غير افلام علميه انتو خلو يدي علي و لكم مني انكم تدخلون
لولو و سدن : يلا ورينا شطارتج وخلصينا لا نتاخر و يهون علينا
جوري: ثوان

و فعلا راحو و ماصارت الساعه خمس و ربع إلا و هم داخلين المركز العلمي و بدى تحايل جوري عشان تخلي يدها يدخلهم السينما Imaxو بينت له انها مو افلام عاديه هذي علميه و ثلاثية الابعاد و الفلم المعروض يتكلم عن الفراعنه و الكل يمدحه ليمن وافق ودشو و البنات مو مصدقين شلون يدهم وافق ..

=======

تركي و ربعه توهم داخلين المركز العلمي و هو جنه اول مره يدخل له قاعد يتمنظر و يشوف التصاميم و لستايل دش عرض عليه
علي: انت شسالفتك تتمقل بالمركز ليكون بس منهم
تركي: من منو يعني ؟
علي : ما ادري عنك جنك تشوف المكان و تجيك المداخل شنو بتفجر؟
تركي : ماكو شغل اي شي بصراحه عاجبني التصميم و أفكر اشوف الشركه الى مصممته لهم
علي:ليش؟؟
تركي : كل شي بوقته حلو
ريان : يلا يبا خلصونا ساعه وين بتدخلون ؟
على : تبون تدخلون مكان؟ عن نفسي ودي اتمشى عالبحر الجو حلو و نطلب من كوستا ها شرايكم؟
ريان: ماشي ماعندي مانع
تركي: معاكم بس خل اكلم بروك واقوله ان احنا بره
ريان : يلا و اهني يرن تلفون ريان و يرد و كان مبارك على الخط كلمه و قاله عن مكانهم و يطلعون على البحر

بعد ما خلصو البنات عقب ساعه وزود طلعو وما كان باقي شي على صلاة المغرب اطلعو عشان يدورون لهم مسيد قريب و ابطلعتهم كان يدهم متجدمهم اهني لولو اقترحت عليهم شي و راحت بتقول حق يدها اقضبتها ريم : وين على الله؟
لولو: بقول حق يدي
ريم:ما تشوفينه يسلم على الرياييل
لولو: وين؟ او و الله ما شفتهم اشونج نبهتيني
جوري: زين يلا خل ننطره عند السياره
سدن : يحليله يدي اغلب ربعه شباب
ريم:شفيج يدي توه شباب و حبيبتي الشباب شباب القلب مو الشكل
جوري: درر و الله درر ما ادري وين خاشين هالدرر محد عارف قيمتكم
ريم: احم احم شكرا شكرا اخجلتم تواضعنا
لولو: اقول فكرو معاي شلون افتح الموضوع مع يدي
سدن : عادي الله يخلي جوري
جوري: و بس قطيتوها براسي
لولو: اشمهنتج بنت عمنا لازم نستفيد منج
جوري: افكر
سدن : اصلا انتي الربحانه مو تبين هديه حق ابوي
جوري: اي صح خلاص عقب الصلاة اقول حق يدي
اليد بوفهد وايد يعز حفيدته جوري صج انه عنده وايد حفيدات بس جوري غير بالنسبه له تعجبه بهدوءها و تكانتها و عقلها الكبير كل شي فيها غير عن الباجي حتى اختها سبحان من خلق و فرق
و عقب الصلاة كلمت يدها وقالت له انهم يبون الصالحيه وافق و وداهم و شرت أول هديه لابوها بمناسبة انها اشتغلت من ت.س.ديبون بوك و قلم و قالولها مره وحده امج بس ردت عليهم بشتريلها من داماس خاتم ..

---------------

رايكم

 

[Dancing^Queen]

مشاركة: بدايتي ( روايه كويتيه بقلمي )

يه يه يه يه يعطيج العافيه شنو هالابداع شنو هالابدااااااااااااااااااااااااااااااااع


انشالله انشوفها منشوره حبيبتي
يالله استلمي اسالتي لو سمحتي
منو او منو؟
تركي عنده اتخو اسمه احمد؟ ورفيج اسمه احمد عدل؟
واحمد العود اخو تركي مهندس ويشتغ ل بقراج
وتخصصات الصبيان الربع مخلصينها والا بيدشونها انا علي بالي مخلصين بس وقفتيني يوم قلتي جراح يسوي بوسترات
لوسمحتي نبي الاعماره

ومنو رفيج جوري

 

[Marinz Mary]

مشاركة: بدايتي ( روايه كويتيه بقلمي )

السلام عليكم و رجمة الله و بركاته
صباح الطاعه

هلا و غلا

ما تتصورين شكر ونسني مرورج و لي رجعه حق استفساراتج ان شاء الله ..

تحياتي ممزوجه بالورد

 

[Dancing^Queen]

مشاركة: بدايتي ( روايه كويتيه بقلمي )

ناطرينج ياماريناز

 

[Marinz Mary]

مشاركة: بدايتي ( روايه كويتيه بقلمي )


السلام عليكم و رحمه الله و بركاته
هلا والله بكوين

بالنسبه حق طبيعة العلاقه إلي بين أحمد و تركي
ما راح أقول بس لو تلاحظين بالأجزاء اليايه راح تعرفين طبيعتها ..
و اهو أحمد واحد إلى تكلمت عنه إلي يشتغل بالقراج و الي كلمه ..
و التخصصات أهم مخلصين آخر واحد تركي إلي توه متخرج ..
وين قلت أنه جراح يسوي بوسترات ؟؟
أول مره تمر علي خليني أشيك عشان أفهم قصدج
و الأعمار طبعا ما حطيتها لأن الروايه طويله و بالتالي راح تتغير أعمارهم
و يكبرون وهم بالعشرينات ..
و هذا الجزء و ان شاء الله يعجبج ..

تحياتي ممزوجه بالورد
MarinzMary

 

[Marinz Mary]

مشاركة: بدايتي ( روايه كويتيه بقلمي )


الجزء الرابع

---------------

احمد : جراح عسى ما شر فيك
جراح : ابد بهالدنيا
- اسألك سؤال و تجاوبني بصراحه
- اسأل
- زواجك برغبتك ولا بضغط من اهلك
- لا انا الي قتلهم بتزوج
- عيل شفيك ما احسك واحد توه متزوج
- شلون يعني؟
- ما ادري بس جنك لي الحين مو متزوج ما احس بفرق بحياتك يعني اليوم الخميس المفروض تكون طالع معاها عدل كلامي خاصه انك بفترة تعارف
- تدري انا اخترت و لازم اتحمل
- ما فهمت شنو اخترت؟
- الي تزوجتها
- يعني غلطت بختيارك
جراح و هو يبتسم :لا ابد بس انا صعب و لقيت الي اصعب مني
- مو فاهم كلامك وضح
- يكفي انها فاهمتني
- انت بتذبحني فسر الغازك
- مو شرط تفهم اهيا تكفيني سكت اشوي و رد كمل : تدري لي الحين ما شفتها بس اكلمها
- صارلك فوق الثلاث شهور ليش يعني و قبل لا يكمل قاطعه جراح : احنا متفقين ليمن نحس انا ما نقدر نستغني عن بعض
- عجيب و الله امركم
- لا عجيب ولاشي
- على قولتك انت صعب و لقيت الي اصعب منك الله يوفقكم
- اجمعين نحن السابقون و انتم اللاحقون
احمد و هو مبتسم : لاحقين كل شي بوقته
جراح وهو يشوف احمد: اقول توكل على الله
- ان الله كتب تزوجت

و يالهم صوت ضاري يناديهم حق العشا

=====
بالليل

تركي قاعد بغرفته يقرى قرآن كان صوته حلو و يخلي الواحد يحس براحه ما لها حدود و بنفس الوقت كل واحد من الشباب بغرفته يصلي قيام ليل بخشوع
ما عدا شخص كانت هموم الدنيا فوق راسه قاعد على سيادته و ماسك مصحفه و واقف على آيه مو راضي يتخطاها ابد دموعه كانت مثل النهر من شدتها بدون مبالغه الالم الي بقلبه و الي توقع ان سنين عمره كفيله انها تنهيه كلمالها و تزيده بقصد او بدون قصد حاس انه لازم ينهي الي بداه كان متوقع الايام والاشهر و السنين عطته حياة يديده و عالم يديد ما يدري ان روحه لي الحين تحن للماضي بقساوته و المه و كل شي فيه ...

--------------------

أحمد في الكراج مشتط و حالته حاله اليوم ما كان طبيعي أبد مليون ألف سياره دخلت عنده و كلهم مستعدين ينطرون لو بعد اسبوع مومشكله عندهم .. صج انه اتضايق لانه راح يضطر يتأخر و الشغل راح يزيد بس هذا ما امنعه انه يستانس من ان الناس صارت تثق فيه و ما ترضى الا انها تصلح عنده و بو سلمان مو مقصر ابد لانه له الفضل بعد الله سبحانه و تعالى في انه يمتلك هالكراج و تصير له السمعه الطيبه بين الناس الي ايوله من آخر الكويت و أغلبهم من طرف بوسلمان الي يعتبر أحمد اكثرمن ولده ..
أحمد من كثر ماهو مشغول ما انتبه حق التلفون الي تكسر من ربعه من كثر ما دقدقو عليه لدرجه انهم خافو انه صار فيه شي طلع راكان و راحله عشان يتطمن عليه و بمجرد ما وصل و شاف الحوسه دق على ربعه و طمنهم ان احمد ما فيه شي بس مشغول و مزحوم للآخر و هذا الي مأخره عليهم ..
دخل راكان : السلام عليكم
احمد وهو يرفع راسه: و عليكم السلام و الرحمه هلا فيك
- و بالمهلي اليوم عالمي عندكم
- شفت و انا اخوك لويه
-يلا انت تستاهل من سمعتك الطيبه
- من طيبك عسى ما شر ياي
- ابد سلامتك ييت اتطمن شغلت بالنا و كسرنا التلفون و ما رديت قلت اشوف شالسالفه
احمد و هو عاقد نونته: ليش جم الساعه؟
- صباح الخير أذان العصر حروته
احمد وهو مستغرب خبره وهو ياي من المسيد مسرع الوقت طار : ما شاء الله ابد ما حسيت بالوقت و قعد يطالع السيايير و لاحظ انه خلص بالوقت القصير و ايد منهم
احمد : اتصدق والله الوقت فيه بركه انا احاتي متى بخلص بس الحمدلله
- زين منت مراد البيت شكلك هالك عمرك ارجع ريح و بعدين كمل الشغل
- لا فيني حيل لي شفت عمري كلش رجعت سلم عليهم و طمنهم لا يحاتون
- صار دير بالك على عمرك
احمد و هو يبتسم - ان شاء الله عمي
رد عليه بابتسامه و هو يقوله : عفيه وليدي و ضحك

---------------

مبارك يكلم تركي عالتلفون
تركي : شوف انا فكرت بالموضوع وماعندي مانع بس بقعد مع ابوك
مبارك : خير ان شاء الله اقوله و اعطيك خبر
- تعال لا تنسى يوم الخميس
-شنو؟ اشعندنا؟
- مسرع نسيت ييب اعيال اخوانك الشباب عندنا برنامج لهم
- اي زين والله ذكرتني كنت ناسي لا ومواعدهم بنروح المزرعه خلاص ااجلها
- و نعم العم والخال
- يا ربي شسوي طاحو بجبدي ما عندهم اخواني إلا انت الكبير و لازم تصادقهم و محتاجين صداقتك و عشان نرتاح وما نحاتيهم ابد يبتهم و نسيتهم والله بلشه
- يلا ميخالف كله بأجره
- على قولتك كله بأجره خلاص صار باذن الله تعالى

عقبها دق مبارك على عيال خوانه و خواته و قالهم انه طلعت المزرعه تأجلت و بدالها بروحون بيت تركي بالبدع طبعا اهو كان متخوف انهم يتضايقون خاصه ان المزرعه مواعدهم فيها من زمان بس كل مره واحد منهم تطلعله شغله و يكنسلونها بس ارتاح يوم قالهم سبب الروحه حق البدع و استانسو يوم عرفو ان الطلعه فيها شباب من عمرهم و كل واحد فيهم دق بنفسه على تركي لان علاقتهم حلوه معاه و يعتبرونه من ربعهم و استأذنو منه انهم يعزمون ربعهم الي وايد معاهم و وافق و ما كان عنده مانع ..

-----------------
الأحد العصر

بيت بو سلمان

في الصاله

ميار قاعده مع أمها تسولف معاها و تسألها متى عرس بنت خالها ؟ عاد الأم تستانس لي صار عندهم عرس ودها تكشخ بنتها و ترزها عشان الكل يسأل عنهاو يخطبها و أم سلمان قاعده تكلم بنتها عن شنو راح تلبس و من وين تشتري بدلتها و انها ودها لي راحت مع ريلها الاسبوع الياي تييبلها كتلوجات من فرنسا و مر وحده بتشتريلها طقم الماس تكشخها فيه و غيره من لوازم العرس و الكشخه
و ميار و لا على بالها حدها من النوع الي يحب البساطه بس الي تلفت بنعومتها و حلاتها و هي اصلا شاريه و خالصه بس ما ودها تقول حق أمها يمكن الي بتشتريه لها حلو خاصه انها معروفه بذوقها
..
عقبها ظلت بروحها لان امها طلعت مع ابوها عندهم شغل و ما وعت الا و سلمان داش عليها و جنه احد كات عليه ماي و يلهث من التعب
ميار: بسم الله شفيك ؟ مطر بره
سلمان : لا اي مطر الله يهداج توني ياي من الملعب
- و ليش متسبح عاد جذيه
- حر جان اصب على عمري ماي
- الحمدلله و الشكر عاد ما تصبر ارجع و اتسبح
- كاني راجع و بتسبح بس غريبه مو طالعه و وين امي ؟
- لا غريبه ولا شي مالي خلق طلعه و ابوي مع امي طالعين
- انزين يلا بروح اتسبح تبين شي
- لا ابد سلامتك

و عقب ما خلص سلمان و هو نازل من الدري دق تلفونه
سلمان من شاف الرقم ابتسم و على طووووووووووووول رد : هلا والله بخلي
اهني ضحك مشعل : هلا فيك مليون السلام عليكم
- و عليكم السلام و الرحمه يا ربي يني جنك تدري قاعد افكر و اقول بدق عليك
- سبحان الله القلوب عند بعضها شخباركم ؟
- بخير نزقح
- الحمدلله وينك انت؟
- بالبيت
- خلاص امرك الحين عشان نلحق على الصلاة بمسيدكم و عقب نروح نزور حمد تدري انه بالمستشفى
- اي قالي ابوي وقلت ادق عليك جان بتخاويني
- صار ابشر تدري لحظه جان اختج عندك مر أنت علي و ييبها معاك تبيها جوري
- اشوفها و اسألها ماشي
- ماشي سلم
- يوصل فمان الله
- بحفظه

صك التلفون سلمان و قال لاخته قالت زين ثواني ببدل و عقب طلعو على بيت خالتهم أم حمد
بعد ما وصلو نزلت ميار و طلع سلمان مع مشعل

-------

وصل سلمان و مشعل بعد ما صلو المغرب بالمسيد لقريب من مستشفى الأميري وعلى طول راحو الطابق الرابع قسم الرياييل
سلمان - جم رقم غرفته؟
مشعل- 114
سلمان و هو قاعد يشوف ارقام الغرف لقى الغرفه و قال: كاهي الي جدام اخر وحده
مشعل - لا زين يلا لا ننزف
- ليش ؟
- لاني ما رحتله ابد
- اخوك والله بايعها
- شسوي اليوم دخلوه و كل شي فوق راسي و ابوي مجابله و امي ود و ييب
- يلا هذول اهلك اكيد حمد ما راح يلومك يدري انك مشغول فيهم مو بغيرهم

سلمان و مشعل دقو الباب و دخلو.. حمد كان قاعد يصلي السنه و ثواني و خلص سلمو عليه
سلمان و هو يسلم عليه : الحمد لله على السلامه طهور لاباس
حمد- الله يسلمك و غاليك يزاك الله خير ما تقصر
و عقبه سلم مشعل على اخوه و حبه على راسه بعد ما تحمدله بالسلامه
مشعل- صخه وين ربعك توقعك الحين الغرفه ما تندش
سلمان و هو يضحك - اشدعوى عاد
مشعل - لا ما ادري مجرد توقع
حمد وهو يبتسم : توهم كانو موجودين راحو يصلون و بعدين بيرجعون
مشعل : لا زين
وعلى كلامه اندق الباب و دخل احمد و نواف و راكان و سلمو عليه و تحمدو له بالسلامه
حمد: الله يسلمكم
احمد : عيل وين تركي و عذبي؟
حمد: راحو يصلون
و قعدو يسولفون بالشغل و برنامجهم يوم الخميس و الدرس الي بسوونه كل اربعا بعد ما الكل قالهم انه وقت مناسب و ما عندهم ارتباطات
مشعل لاحظ ان سلمان قاعد يطالع أحمد جنه يعرفه قاله: شفيك على الريال كليته
سلمان : لا بس ويهه مو غريب جني شايفه من قبل
- شفيك هذا احمد الي انودي سياييرنا عنده
- اي صح وانا اقول وين شايفه شنو انتو تعرفونه
- كان ويا حمد من ايام الثانويه بس قوة علاقتهم بالجامعه
-أها
احمد لاحظ نظرات سلمان له ابتسم و يوم شاف مشعل قام بيطلع بعد ما استأذن من اخوه و قاله شوي و راجع قام و قعد يم سلمان
سلمان يوم جاف احمد استحى شوي خاصه انه لاحظ نظراته له
أحمد - انت سلمان أل صح ؟
سلمان - اي اعذرني على نظراتي بس كنت مشبه عليك
- لا عادي بس عسى عرفتني
- اي انت احمد الي شفته بالكراج صح ؟
- صح شلونك و شخبار الوالد ؟
- بخير دامك بخير
- الحمدلله
و قعدو ساكتين مو عارفين بشنو يسولفون عقب تجرأ أحمد و سأل: انت مشغول الخميس الياي
سلمان و هو يفكر: لا والله فاضي
أحمد : انت بالثانويه صح؟
- اي
- خلاص انا عازمك يوم الخميس مع مشعل بالبيت عندنا برنامج حق الشباب الي كنا نسولف فيه و بتستانس لانهم من عمرك
- خير ان شاء الله

( طبعا كان دخول حمد المستشفى بسبة تحاليل روتينيه لأنه يعاني من مشاكل في القلب فلازم بين جم شهر يروح يراجع ويسووله تحاليل يطمنون على صحته )

 

[bambena]

مشاركة: بدايتي ( روايه كويتيه بقلمي )

وبعديييييييييين؟؟؟؟؟؟ كملي مارينز ماريييييييي

 

[Marinz Mary]

مشاركة: بدايتي ( روايه كويتيه بقلمي )

السلام عليكم
عيدكم مبارك

أهلين بمبينا

شكرا لمرورج ..

 

[الوفـا]

مشاركة: بدايتي ( روايه كويتيه بقلمي )

بسم اللة الرحمن الرحيم:
ماشاء اللة القصة واايـــــــــــــــــــد حلوة

 

[شاهة]

مشاركة: بدايتي ( روايه كويتيه بقلمي )

مارينز ماري مبين قصة متميزة لا تشوقينا اكثر من جذي ناطرينج

 

[شاهة]

مشاركة: بدايتي ( روايه كويتيه بقلمي )

ليش ماكملتي القصة مارينز ماري ؟

 

[Marinz Mary]

مشاركة: بدايتي ( روايه كويتيه بقلمي )


السلام عليكم
مساء الطاعه ..

الوفا
شاهه

تسلمون لمروركم الطيب و ان شاء الله قريب أنزل الأجزاء اليايه ..

تحاياي
MarinzMary

 

[بنت القبيلة]

مشاركة: بدايتي ( روايه كويتيه بقلمي )

MarinzMary


بدايـة موفقـة عزيزتي =)

قريت لحد ألحيـن جزأيـن إن شاء الله بقرا

الباقي عقـب =)

أتمنى لـج التوفيق عزيزتي =)

 

[Marinz Mary]

مشاركة: بدايتي ( روايه كويتيه بقلمي )

السلام عليكم ..

آسفين على التأخير
وهذ ا جزء ان شاء الله يعجبكم ..


الجزء الخامس


"""""""""""""""""""""""""""

عند جوري و ميار
ميار منسدحه على لفراش و تقلب روايات أجاثا كريستي محتاره شنو تاخذ منهم : ورده أي وحده تستاهل و حلوه ؟
جوري و هي مبتسمه : انتي مصممه على ورده بدام عاجبج و لا يهمج بسمي أول بنت لي ورده شرايج ؟
ميار – حلو واذا تزوجت و يبت ولد بسميه ورد
- -هذا صار بباي اليهال تذكرييييينه الشبل إلي اسمه ورد
- - وييييييييييييييييييييي زمان ليته يرجع
- - على قولتج زمان ليته يرجع تذكرين كل خميس لمن نروح الفرع و كله نينن الي يبيع و يشتكي حق يدي و يزفنا جدامه و بعدين يراضينا وعقب نلعب بالحديقه
- ميار و هي تتذكر ذيك الأيام – و ياكثر ما طحنا و تزلقت ركبنا و كيعانا و باسنا قوي نرد نلعب و على ما نرد البيت إلا الدم على هدومنا و تعالي شوفي أمهاتنا أبد جنه قايليلهم مذبوحين من كثر خوفهم علينا
- و الله أيام حلوه و عجيبه مو الحين و الله اليهال ما فيهم ذرة براءه ولا يلعبون مثلنا يا مجابلين لبلي ستيشن ولا الفيديو هذا إلي فالحين فيه و التلفونات بيد كل واحد فيهم و احنا ما فتحناهم إلا لما دخلنا الجامعه
- وين زمانا عن زمانهم
- على قولتج أياااااااااام ما عادت ترجع امممممممم عندج البيت المائل و ساعة الصفر و جريمه في بغداد و وايد حلوين بس هذول إلي أتذكرهم الحلوين
بعد هالكلام الهدوء عم المكان
جوري – ميار اتحسين إني تسرعت بزواجي
ميار و هي ترفع راسها – لا بالعكس عمرج مناسب و خاصه إنه ريلج ماشاء الله الكل يمدحه ليش إنتي مو مرتاحه ؟
- لا الحمدلله على قولتهم الامن مستتب بس
- بس شنو ؟
- الصراحه
- أي
جوري و هي تلف ويها عن بنت خالها و تطالع أي شي غيرها – أنا نفذت إلي قتلج اياه
- - ما فهمت شقصدج ؟
- - تذكرين كلامي قبل الزواج يوم تقوليلي مستحيل ألقى واحد يوافق على فكرتي
- -ميار و هي تعصر مخها ليمن تذكرت و اهني بطلت عيونها على وسعها من الصدمه – حلفي
- - و الله عادي وافق الحين احنا في المرحله الثانيه من الفكره
- ميار من الصدمه مو قادره تستوعب قعدت على حيلها عشان تستوعب أكثر – بصراحه مو عارفه شقولج بس غريبه انتي من صجج ؟
- - أي والله من صجي و ألحين صارلنا ثلاث شهور حدنا بالتلفون و الحين صارلي اسبوع من بدينا اتفاقنا
- - يعني المرحله الثانيه انه ما يدق إلا لمن تتشرفين و تدقين عليه و على قولتج راح تدقين يوم تحسين انج ما تقدرين تستغنين عنه و فعلا حسيتي إنه منج و انتي منه بصراحه هذي اول مره اشوف ناس تفكيرهم جذيه خاصه ان اهلكم عادي عندهم تطلعون و تروحون مع بعض و بعدين بنات هالوقت من تتزوج تشوفينها طلعات مع الريل ابد مالها شغل باهلها بس انتو صراحه ضربتوا الرقم القياسي بس تعالي قوليلي تذكرين شكله
- - اممممم صج اني ما شفته عدل قبل الملجه عيني بالأرض من الحيا و عقب الملجه زين رفعت راسي بس اهو ما قصر تلفوني مترووووووس صوره
- - يحليله ريلج لا رحميه لا طولين المرحله الثانيه ولا بيدعي عليج
- - تراني مطبقتها بالنص مو مقصر بالmsg وmsn
- - أي عاد التطور لازم يتدخل أي تعالي انتي مدمنة نت و تصاميم ان شاء الله بس اهو مثلج
- - لو إقولج بتضحكين
- - ليش ؟
- - الحين احنا متنافسين بالتصاميم إلي نصممها كل مسجاته من تصميمه لا و اكتشفت إنه شاعر
- - يا عيني و الله هذي امنيتج تحققت و تعالي مو اهو طيار حربي اظاهر دعوتي لج ربي اشتجابها
- - اصلا يوم قلت حق امي ضحكت علي و قالت بنات هالوقت ما ينعرف لكم بس تدرين كانت امنيته يصير دكتور بس يوم شاف ابوه وده يصير طيار ما حب يرد أبوه و دخل طيران حربي
- - أها يالله عسى الله يوفقكم و خلصووووووووووونا نبي عرس قبل لا تخلص العطله
- - ان شاء الله عمتي امي امس تكلمني و خبه اهي و خالاتي على قولت حمد انتي عروس الموسم
- - و هو الصاج محد تزوج هالسنه غيرج ماخذه الاجواء يلا عاد شيلي شلايلج و روحي بيت ريلج نبييييييييييي عرس ما صارت فترة ملجه ثلاث شهور وايد
- - تكفين الي على سنه وزود
- - سنه حرام مسكين الريل ليش متزوجين تقعد ببيت اهلها احسن ولا يملجون ليمن يخلصون كل شي و ما يطولون فترة الملجه .
- - على حسب كل ناس و طريقتهم
- انزين انتي ببالج موديل العرس ولا بتاخذين جاهر
- - لا شوفي هالكتلوجات
- و قعدت جوري توري ميار كتلوج من بريطانيا يا يبته عمتها لها وايد مديلاته حلوه و راقيه و الي عجبها فيها ان تصاميمه مستره مو مثل إلي شافتهم من قبل .
------------
على الساعه 9 الكل طلع من حمد عشان يرتاح وما بقى غير مشعل وسلمان إلي قعدوا وياه اونسونه على قولتهم و هم طايحيله تطفر لين شخلهم و غسل شراعهم بالزف و قالهم كل واحد يهزلي طوله و يوريني عرض كتافه و يفارج طبعا ما طلعوا إلا بطلعت الروح يننوه و طلعوله قرون طبعا حمد ما ينلام ليتيمعوا مشيعل و سلمانوا شوفوا خبالهم وين يوصل و فصلتهم إلا طبعا محد يصدق حمد لي قال حق ربعم لانهم ما يكونون جدامهم إلا انهم تكانه و العقل ابد لا تسال عنه و عمرهم ربعهم ماشافو ينونهم بس صبرهم و ان لناظرهم قريبببببببببببببببببببببببببببببببببببببب ..
-----------
الاثنين
بعد صلاة العشا
احمد قاعد بالمسيد يقرى ورده اليومي و يحس نفسه ضايعه في شي يحاتيه و مو عارف يريح عمره منه ..
عقب ما خلص طلع و رجع البيت إلي اول ما دخل لقى تركي و راكان قاعدين يقرون كتاب و عذبي يتكلم بالتلفون و ضاري يسولف مع نواف سلم عليهم و ركب و بصعدته شاف بندر إلي ابتسمله و قال- القمييييييل زعلان مااااااااااااااااااااله؟
أحمد ماله مزاج يضحك بس غصب طيب ضحك عالطاير لأن بندر يتكلم مصري بطريقه تضحك و هو يتعمد إذا شاف أحد متضايق خاصه ان الشباب مسمينه أمل عمر من كثر ماهو انسان متفائل مهما مر بأحداث صعبه و مريره تظل ابتسامته ابد ما تغيب و حتى وهو بأحلك ظرووووفه ..
احمد – ابد سلامتك
لا زعلان و لا شي
- أي شايفني ياهل جدامك يبا أنا خابزكككككككك و عاينك و بغيت احطك بالفرن بس رحمتك
- احد و هو يبتسم بالغصب – ابد انت ما تيوز
- - هيااااااا بيتزوج بالبركه
- -بنيدر عن لخبال منو ياب طاري الزواج
- - تيوززززززززز مو اختصار يتزوج ؟
- - منو قال بالله عليك ؟
- - لا بس الناس عصر السرعه و الاختصار توقعت جذيه
- - لا لا اختصار ولا شي
- - انزين
- - نعم
- - سلامتك جد شفيك ؟
- - دايخ شكلي ارهقت عمري وايد اليوم
- - خلاص ريح و على العشا ننادينك
- - لا مالي نفس بنام
- - نوم العوافي
- - الله يعافيك و غاليك
- راح احمد غرفته بدل و كوك ساعته على قبل أذان الفير بنص ساعه عشان يصليله جم ركعه و الشفع و الوتر وعقبها حط راسه و ماصارت دقايق الا و هو بسابع نومه من التعب ..
الطابق الأرضي
نواف يكلم الشباب : عندكم اقتراحات ثانيه
تركي – جدولكم حق يوم الخميس كامل ولا اقتراحاتنا بتسد النقص
- - لا كامل باذن الواحد الاحد بس حبيت اشوف اذا عندكم شي يمكن يفيدنا اكثر
- - تشاورو الشباب و عقب تكلم عذبي : في شي غيرتوه عقب آخر مره
- - نواف لأ
- -عذبي – خلاص ما عندنا اقتراحات و برنامجكم بعون الله ناجح
- الكل – ان شاء الله
-------------
مرت الأيام هاديه على ابطالنا ما غير ترتيباتهم و تجهيزهم حق برنامج يوم الخميس طبعا يوم الاربعا كان اول يوم تبدي فيه دورة الشباب الكبار و هي قراءه و تحليل احاديث كتاب الايمان من صحيح البخاري طبعا احمد اهو الي بالبدايه قال بيعطيهم الدوره وكان الحضور حلو معنهم خايفين ان يوم الاربعا و الناس طلعات و شاليهات خاصه ان الوقت عطله و صيف بس ربي عطاهم على قدر نيتهم و كان الحضور فوق 15 بالبدايه و انتهى الدرس على 30 و هذا الشي فرحهم و اكثرهم احمد الي سجد لربه سجدة شكر انه يسر له امور الدوره الي كانت اول دروه يقترحها و يكون المحاضر فيها ..
-----
الخميس
من الفير و الشباب هذي فزعتهم و النشاط و الطاقه الي فيهم عجيبه و اكثرهم طلاب نواف الي عطوه هالفكره و ساعدهم و تكفل فيها و الي خلاهم يستانس اكثر ان من الفير اشتغلت الرسايل القصيره و عقبها التلفونات بينه و بين طلبته لدرجه انهم كان ودهم ايوله من الفير من حماسهم بس اهو قالهم لأ لاباجر اعصبون اهلهم و يمنعونهم كل شي باعتداااااااااال حلو بدون مبالغه
طبعا بمدرسة الكويت الثانويه للبنين الكل مستغرب من علاقة نواف بالطلبه شلون كانت مبنيه على المحبه و الاحترام و التقدير معنه الطلبه بالبدايه ماكانوا متقبلين نواف يوم شافون متدين قالوا الله يعين هذا الحين ما عنده غير ليش ماتصلون و صلوا و هذا حرام و هذا حلال و بيعطينا دروس تبيب الهم و القم لناااا الله يعينا عليه بس ..
و هذا كان اعتقاد الطلبه في نواف بس اهو قدر يكسبهم باسلوبه و يدعوهم حق الصح باسلوب الداعيه النصوح و كان حاط نصب عينه قول الرسول الكريم صلى الله عليه و سلم " الدين النصيحه " و قوله تعالى " و لو كنت فظا غليظ القلب لانفظوا من حولك "
فكان اسلوب نواف الحلو و كلامه الطيب بعد توفيق الله سبحانه و تعالى اهوا البوابه الي كسب فيها طلبة مدرسته سواء الي يدرسهم او ما يدرسهم لدرجه انه وصل حق ربعم و اهلهم ..
طبعا البدايه كانت ابتسامته الي يقابل فيها كل طالب و هذا الي خلاهم يألفونه و يحسون إنهم يعرفونه من زمان و بحكم عمره المقارب لعمرهم هذا بحد ذاته خلاه يقرب منهم و يفهمهم بسهوله غير اسلوبه المميز في ادارة حصصه و تعامله مع طلبته باسلوب الأخ مو المدرس و طريقته الحلوه في النصح حق الشباب الي يلاحظ ميلهم لهالدنيا و نسيانهم الآخره و إلي فعلا وضح لهم انه غير كلش عن اعتقادهم الغلط فيه يوم عزم بعض طلبه الي صارت علاقته قويه معاهم على طلعة قنص مع ابهاتهم حق الصمان ببر السعوديه بعطلة الربيع وكانت فاتحة خير عليه و على طلبته ..


يتبع ...​