بخيرات ماليزيا طاااااالبتكم

[زهور المحبة]

السلام عليكم
شلونكم يالغاليات


بنات انا خاطري أروح ماليزيا مع عيالي صغار

بس للحين ما حجزت شي
المشكلة ماعرف فيها أي شي

أبي جدول حلو وممتع لمدة 10 أيام
أبي اختصر على أحلى الأماكن فيها

وكل منطقه جم اقعد فيها مع الفندق

وشلون الطيران السيلاني


تكفون بنات اللي خبيره اتفيدني لأكتب خلون علي بالمعلومات

 

[ام رينـاد]

هلا حبيبتي

مادامج مقررة حجزي الحين ترا الاسعاار كل يوم ترتفع حييييييل

أنا سويتلج جدول أنشالله يعجبج

أول يومين في سيلانجور

الفنادق اللي فيه

- فندق صنواي لاقوون تحته فيه العاااب مائية وانشطة راح يستانسون عليها عيالج

-أو اذا ماتبين عندج فندق الخيول الذهبية فندق فخم وحلو وقدامه بحيرة فيها قارب يوديج مجمع الماينز عجييييب

- او فندق بيراميد تاور حلوووووو

الاماكن في سيلانجور

- صنواي لاقون ((مدينة الالعاب المائية ))

-مجمع البيراميد

-منتزه وملاهي ماينز ويندر لاندز

-بحيرة بوتراجايا عجيبة

-حديقة الحيوانات أسمها زوو نيجارا

- المسجد الازرق (مسجد صلاح الدين ))

- حديقة الفراشات المضيئة

بعدين اخذي طيران داخلي الى جزيرة بينانج عجيبة

واقعدي فيها اربع أيام كافي

فندق بارك رويال حلوو وقريب من السوق الليلي الصيني

الاماكن في بينانج

- السوق الليلي الصيني حلووو اذ تبين تشترن صوايغ حق الاهل

-النشاطات البحرية

- حدائق ( التوابل - الفواكة - الزهور - الفراشات )

- هضبة بينانج

-رحلة بحرية الي جزيرة القرود

- شلالات بينانج

- مصنع القهوة والشوكولاتة

وفي وااايد أماكن سوي سيرج عنها

وأخر اربع اياام خليها في العاااااااااااااصمة كوالالمبور

وخلي يوم حق منطقة جنتنج حلوه لاااتطوفج بس روحيلها من الصبح الى المغرب منطقة جبلية وباردة وكلها العاب وملاهي واسوقة راح تستانسين عليها وأنتي راده منها روحي القرية الفرنسية واليابانية اهما يم بعض فيها مباني وكافيهات فرنسية وهم اليابانية

وبكوالا لمبور عندج فناااااااااااااااادق وااااااااايد

في فندق بشارع العرب حلو ويمدحونه اسمه فهرنهايت سوي سيرج عنه

والاماااااااااااكن طبعا وايد

-البرجين التوأم

- الاكواريوم

-مجمع البافليون

- مجمع سوريا

- مجمع بي بي بلازا

- حديقة الحيوانات

- الشلالات

- المنارة

- منتجع افاموسا حلو فيه انشطة وايد وعروض الكاوبوي عيالج بيستانسون عليه

-مجمع ميجا مول

- السوق الصيني بس أغلبهم نصااااااااابين ومايمشون الا بالمكااااااسر

 

[زهور المحبة]

الله يعطيك ألف عافيه

أن شاء الله إذا عزمنا بحجز عن طريق النت ما عرف بس بحاول
إذا أنا الحين وصلت مطار كوالالمبور أقوالهم يودوني حق سيلانجور ؟

وجم تبعد عن كوالالمبور

وبالنسبة للطيران الداخلي والفنادق والرحلات من وين احجزها

أم ريناد مخالف اذيتج بس اول مره أروح لها وأول مره أحجز بالنت

مادري ليش خايفه يمكن لان الاعتماد راح يكون علي ماليزيا صعبه السياحة فيها لازم احد يعرفها عدل لانها من طيران لي طيران

 

[ام رينـاد]

حبيبتي افا عليج بس أسئلي أنا برسم الخدمة لوول

حجوزات النت أحسن من السفريات لان ألسفريات نصابين وسعرهم دبلاات
حبيبتي أول ماتوصلين مطار كوالالمبور أخذي تاكسي الى سيلانجور ( سيلانجور تبعد عن كوالالمبور بساعة أو أقل )

الطيران الداخلي والفنادق تحجزينها من النت طبعا ..انا ماعرف شي عن حجوزات النت ..ريلي مضبطلي كل شي

ههههه لا بالعكس سهلة وديرة حلوه وناسها طيبين ومسالمين حبيتها واصلا اول ماتركبين التاكسي راح يوديج كل الاماكن من غير ماتتكلمين انا السنة اللي طافت رحتلها بس ماخذيت بنتي كانت اكبر غلطة

لان ماليزيا معروفه لليهال كلها ألعاب مهتمين بالطفل حيل ..بس أنشالله رآح أخذ بنتي فديتها هالسنة

 

[زهور المحبة]

والله مادري للحين متردد بالروحه


ماقصرتي يالغاليه بس ياقلبي عطيني مواقع اللي حجزتي منها الطيران الداخلي و الفنادق

 

[زهور المحبة]

وبيننج وجنتنج شلون اروح لهم تكسي او طيران داخلي

اذا طلعت من سيلانجور شلون توجهاتي طيران او تكاسي

 

[ام رينـاد]

الفنادق أحسن شي موقع بوكنق Booking.com: 318,134 hotels worldwide. 21+ million hotel reviews. او تقدرين تتصلين ع رقم الفندق وتحجزين

والطيران الداخلي
موقع air asia
تنقين الوقت اللي تبين باليوم اللي تبينه
وتدفعين شوي زيادة تاخذين شي اسمه اكسبرس بوردنق
يخليج تصفين بطابور مافيه زحمة وبسررعة يخلصونج
وتركبين الطيارة اول شي تختارين أماكن لأن مافيه ارقام من سبق لبق
والله وايد يريحج خصوصا مع زحمة الاجانب

او تقدرين تحجزين من هناك اول ماتوصلين مطار كوالالمبور صعدي فوق الدور الخامس مكتب اير اسيا وحجزي عادي كل ساعه في رحله ماراح توهقين



بينانج طيارة او سفينة

جنتنج سيارة


أذا طلعتي من سيلانجور الى بينانج بالطيارة طبعا لانها جزيرة

 

[Canon~]

ماشاءالله ام ريناد كفت ووفت ،،الله يعطيها العافيه

وبالعكس اختي السياحه بماليزيا مو صعبه ابد


بس اذا حسيتي انك مو عارفه تحجزين خلي احد عارف يحجز لك او روحي مكتب مضمون

 

[نـعـومـه]

بغيت اكتبلح بس ام ريناد ماقصرت

بختصرلج

الاماكن اللي لاطوفينها

ملاهي جنتق

رحله ماعرف اسمها تصعدين جبل فيه كله شواذي يمشون تشترين اكل توكلينهم

رحله تركبين القارب تروحين تشوفين الفراشات المضيئه جنه عليها ليت بس سبحان الله صجيه بس اهم شي حطو دوا الباعوض عشان لايقرصكم

حدايق الحيوان وايد راح يستانسون اليهال

حديقه الطيور تونس حديقه زهور ميته شوي حديقه الفراشات هم حلوه

كل هذا بالعاصمة



منطقه ثانية جزيره لنكاوي مارحتلها بس مدحوها حيل

 

[نـعـومـه]

فندق الاحصنه الذهبيه فخممممم بس حق معاريس احلى


روحي فندق تايم سكوير فيه سوق والعاب حلو لليهال

 

[قوس قزح]

يعطيج العافيه

 

[كوكا كولا]

الله يوفقكم ان شاء الله
بس احجزوا مبجر لأن ترا الأسعار نااااااااااااااااااااار
كل يوم ترتفع التذاكر وكل شي

اذا معاج عيالج انصحج في صنواي لاجون فندق حلو وفيه ألعاب مائية
اسكني فيه 3 ايام وفيه مجمع عجيب شكبره
وبعدها انتقلوا للسكن في كوالالمبور وروحوا يوم كامل حق مرتفعات جنتنق بارده وكلها ألعاب وملاهي داخليه وخارجيه
راح يستانسون حيل
وباقي الأيام شوفي تقارير البنات المصورة واخذي فكره عن الأماكن السياحية الي تحبونها

 

[N.o.d]

البنات كفو ووفو بسسس نصيحة الطيران السيلاني لووووعه ومعاج يهال كلش ما يصلح نفسيتج بتتعب والله
اخذي الخليج او القطرية او الاتحاد


وبالنسبه حق الاماكن

بكوالالمبور ( كراون بلازا ) حلو ويمج محطة ال سكاي ترين ، و شارع العرب

جينتنق يوم واحد تكفي
افاموسا حلوه نظام فلل برايفت ،،

بينانق حلوه بس ماتذكر اسم الفندق جنه فيه sun !
سوري بس ما يحظرني اسمه بس فظيع وبالليل حوله سوق ليلي يونس

و لانكاوي هاديه اجواءها نوعا ما حق معاريس بس فيها انشطه غريبه يستانسون عليها اليهال ،،


انتي سوي سيرج وشوفي كل شي بالصور واخذي فكره اكبر عشان ما تنصدمين بشي هناك وتكونين حاسبه حسابج

وسسسلامتج وتعيشين

 

[زهور المحبة]

جزاكم الله خير وماقصرتوا


فديتكم ياكويتيات ماتقصرون