بخور حنان من عبد المحسن والمعاريس من امل الكويت

[خفوق المشاعر]

السلام عليكم شحالكم بنات
موضوعي عن البخور صراحة من كثر ماتمدحون بخور حنان والمعاريس تشوقت خاطري اشم ريحته :eh_s(2): وانا من قطر ماتعرفون اذا فيه له فرع او وكيل يبيعه عندنا ومشكورين او اغامر على مسؤوليتكم اطلب وانا مغمضة من تاجرة توفره لي ومشكورين:tek:

 

[OM-TURKY]

هلا حبيبتي انا مجربته حنان مو حلو جدا جدا عاااادي اخذي منهم بخور هندي التوله ب ١٥ دينار بسسس رااااقي والله كل ماحط منه يسألوني عنه. او عندج اذا تبين حق البيت قوطي كبييير من الرصاصي بعشر دنانير حق البيت او الدوام وايد حلووووو .​

 

[خفوق المشاعر]

مشكورة حبيبتي ام تركي تقصدين الراقية الي من الرصاصي

 

[a-a-alrajhe]

بالعكس حنان رووووعه والمعاريس اخذيهم عن تجربه وماراح تندمين والله

 

[do0ora]

حلوين بس في الي احلى وارقى منهم

 

[Lourdez]

حنان حلوو بس عادي يعني مو واااااو يعني حق البيت و الايام العادية بس المعاريس مادري عنه و متشوقة نفسج ودي اشمه

 

[أم البناات]

معاريس على ضمانتي وااايد حلو انا على طول آخذ منه ..طلبييه وانتي مغمضه حبيبتي

 

[bobo lover]

هم حلوين بس مو لدرجة يهببلووووون عاد؟
لا عاديين بس هم حلوين
ليش ما تتواصلين مع التاجرات اللي بالمنتدى وتطلبين منهم وشوفي اذا يقدرون او لا؟
ترا معمول حنان في منه 3 احجام: واحد صغير حيل بدينارين ونص وواحد ب 5 وواحد ب10 وبخور المعاريس جنه ب 10

 

[خفايا البحر]

المعاريس جربته حلووو

 

[AVE.NJ]

حلو حنان بس اذا دخلت بيت اميزه
بس حبوبة مايسوى تغامرين علشانه يعتبر عادي

 

[&موناليزا&]

عزيزتي رفع لعيووووووووونج

 

[اصايل كويت]

حبوبه انا عندي المعاريس حلو للبيت بس نفس ماقالوا البنات مو التب و12 اعتقد


نصيحتي اخذي المهاجرين من ابن الوليد شوفي اذا في فرع عندكم ما ادري وادعيلي