بخلص الاربعين وخيوطي ماطاحت

[عيون زوجها]

مرحبا بنات
بنات بغيت اقولكم انا صارلي شهر من ولدت وفي خيط داخلي ماطاح
شسوس الحين
انا عندي موعد بس عقب الاربعين معناته ان مفروض الخيط يطيح بروحه
بس ماطاح ولونه ازرق والكل يقول الخيط اسود بس انا كحلي لونه
وبصراحه مابي اروح افحص الحين اولا مليت من الفحوصات تحت وثانيه انا بنطر قبل الاربعين وبنظف تحت تكرمون شيره ما شيره وهالسوالف فما اقدر اروح افحص الحين وانا مو منظفه ولا ابي انظف من الحين وما اكون فريش بالاربعين
الحين ابيكم تساعدوني طبيعي 30 يوم وماطاح الخيط وشنو اهو الخيط الكحلي
""]وابي اخد يعطيني اسم تحاميل قويه تكون حق تنشيف الرحم من الماي والهوا وتنشف عدل

 

[مسك وطيب]

اول شيء الحمدلله على سلامتج

وفي بعض الخيوط نوعيتها ماتطيح لازم تشيلها الدكتوره والمفروض تراجعين دكتورتج بعد اسبوعين عالاقل بعد ولادتج تشيك على الخياط وتقولج اذا طاح او بعد

وغسلي بماي وملح ومره ... المره تنشف الخيوط وتطيحها

 

[رهـوم]

حبيبتي انا لي يوم 35 ماطاحت خيوطي رحت الدكتورة شالتهم لي مع اني كنت كل يوم اتنقع بس في بعض الخيوط لازم الدكتورة تشيلهم

 

[ام الحلوااات]

انــا صــار مــعـي فــي ولادتـــي الــثانيـــة
الخيـــط طـــــول مــاطـــاح وجـــربت اجــلـــس
بــمـــاي دافــــــيء فيــه مـــــره ومــلــح
وطــاح بــعــــد 37 يــوم ​

 

[Diva-Q8]

المره زينه لانها تعقم وتنشف بس المشكله اخاف تتنقعين بمره ويشد عليج الخياط ويعورج زياده في كريمات اطيح الخيط سألي الصيدليه او دكتورتج احسن

 

[مضيعة برقعها]

بقولج شغله وانتي بكيفج
الخيط ان ماطاح اول عشرة ايام روحي لدكتورج يشيله لج
اساسا مايطول فيج والا تلتهبين وحكه وحراراه تتوهقيين

 

[كيك وتوفي]

الله يعينج

 

[cupcack]

هلا حبيبتي انا بعد ولادتي دكتورتي عطتني كريم علشان الين الخيوط وكنت احط مرة وعطتني موعد بعد اسبوعين لما رحت لها كل الخيوط طاحت الحمدلله بس العقدة كانت موجودة وهذي اذتني بس الحمدلله
ساليها على الكريم لان ترا الين الخيوط وادي واهوا مثل مضاد حيوي استخدمته لي الموعد

 

[cherry tree]

راجعي دكتورتج لان موعد المراجعة معروف بعد اسبوعين من الولادة

 

[عبث طفله]

حبيبتي الخيوط تنقعي بمره وجفت وارطا .. تلقينهم بالحواج يطيحون الخيط ان شاء الله

وعن التحاميل عندج البوثيل حييل حيل زينه تلقينها بصيدليه عاليه الفضلي ادا ما حصلتيها البيتادين زينه استعمليها اخر عشر ايام يوميا حطيها بالليل ونامي .. راح تنشفج عدل عدل

وطالعه من الشر

 

[أم حمودي**MALL**]

راجعي دكتورتج

 

[عيون زوجها]

مشكورين كلكم ماقصرتو
الله كريم خل اشوف شسوي المشكله ان حتى تحاميل ماقدر احط لان الخيوط من داخل صايره
انشالله اروح الدكتوره بس ادعولي الخيوط تطيح قبل

 

[ام دليار]

راجعي دكتورة يمكن تعطيكي شي يساعدك

 

[q8 knosha]

مادري براي روحي احسن خل يفحصون عليج
لان في خيط يطيح بروحه
وفي خيط تروحين اهما يشيلونه لج

 

[Roo7y lk]

حبيبتي لا تخاافي انا مريت بهالحاله خلصت الاربعين ومانزلت الخيوط نهائيا
وراجعت دكتورتي وقطعت لي الخيوط قالت لي انا الجرح خلاص التأم بس في حريم ماتنزل الخيوط
وهذا راجع لطبيعه جلدهم واعطتني مراهم وغسول وتحاميل استخدمتهم لمده 3 ايام وبعدين كل شي رجع تماام التمااام