بخصووووص ؟ الكل يدش

[ريري-14]

السلام عليكم

انا نظامي الحين

الصبح الساعه 6 نسكافيه
الساعهه 10:15 صمونه جبن وعصير برتقال . لانه مدرسه

الغدا : سلطه + عيش بس اق كميه

العشا : خياره او شوربه او مااتعشي

وامشي ساعه
وانام بعد الاكل بساعتين او ساعه ونص
نظامي فيه شي غلط لانه اليوم اول يوم واحس اني ماشيه غلط ؟؟

انا محتاجه انزل 6 كيلو خلال شهر

ناطره ردوودكم **

 

[كتكوته غنوجه]

لانظامج حلو لعمرج بس العشا اول شي وقته قليل لان اذا تبين تضعفين بسرعه لازم اقل شي ماتاكلين قبل النوم باربع ساعات
ولو تخلينه بس سلطه او حليب خالي الدسم مع بيضه مسلوقه احسن والرياضه زينه بس كثري الماي بس مو مع الاكل لانه يسوي كرشه
وان شاء الله تضعفين بصحه وعافية

 

[عز الخويه]

اكلي بدال العيش سلطه او دجاج مشوي لان العييش يمتن حييل

 

[الأميرة كيرارا]

أمس قريت شوي نصايح بموقع أجنبي عجبتني عشان تقللين السعرات و بنفس الوقت تشبعين
1. بدال لا تشربين قلاص عصير - حطي نص كمية العصير و الباجي ضيفي ماي
2. كثري زيت زيتون و زيتون لأن يحرق الدهون خصوصا في منطقة الكرش
3. خلي معاج وجبات صغيرة مكسرات ( مو محمصة ) عشان اذا يعتي تصبرين نفسج
4. ضيفي نعناع عالجاي أو العصير لأن يحسس بالشبع
5. قللي الملح لأن يرد الماي بالجسم
6. خلي الخبز و العيش و أسمر
7. استبدلي الزبدة بزيت الزيتون بالأكل
8. تركي المشروبات الغازية
9. لما تتكلمين بالتلفون إمشي تحرقين سعرات
10. كثري روب لأن ينمي الباكتيريا النافعة بالمعدة الي تساعد عالهضم

 

[سارووونـه]

برنامجج حلو ..

بس ملاحظات الصمونه خليه اسمر والبرتقال بدون سكر

الغدا اتركي العيش خلج عالسلطة ودجاج وواحد توست اخف من العيش

العشاء خليه الساعه 6او7 واكلي زبادي مع خيار او تفاح اخضر لانه يساعد عالهضم ويخفف الكرش

وصح اهم شي الماء اشربي وايد

وبالتووفيق يارب
واذا جعتي بين الوجبات خس او خيار تجنبي الفواكه لانه السكر يطلع الانسلين فالجسم فالافضل خضار

وان شاء الله فالقريب العاجل توصلين للوزن اللي تبينه

 

[ريري-14]

مشكورين كلكم عالردوود :**
انا اتريق صمون الفيصل جبن مو انا اسويه وعصير برتقال اللي بالعلبه ,اشتري من المقصف
والعيش اللي امي تسويه بس ساعات لما ادرس احسن اني يوعااننه مادري شاكل

 

[صبرت ومل الصبر]

انا انصحج برجيم التمر والحليب صراحه يهبل تقطين 6كيلو اللي تقولين تبينهم بشهر خلال اسبوعين
انا مسويه تجمع اذا حابه تشتركين معي وخميس وجمعه يوم مفتوح
واذا ماتقدرين على الوجبات كلها اتكون تمر وحليب
راح تكون وجبتين والوجبه الثالثه بكيفج سوي تخفيف اي سوال انا تحت امرج حبيبتي

 

[om.googi]

قبل لا تمشين أو تسوين أي تمرين اكلي أناناسة كاملة وبعدها اب نص ساعة ابدي تمارينج
راح تطيحين أكثر من 6كيلـو..​

 

[صبرت ومل الصبر]

اب اب

 

[الفدنه]

حبيبتي ريجيمج حيل قاسي وانتي صغيره
جم عمرج 14؟؟
ترى الجسم بهالعمر يحتاج طاقه للنمو ولا ترى باثر عليج
خل اقولج جم شغله تضعفين من غير ضرر ان شاء الله
بدال النسكافيه اشربي حليب خالي الدسم
واذا تقدرين سوي لج بالبيت توست اسمراو خبز اسمر
+جبن خالي الدسم وخيار او طماط
وخس اللي تبين من الخضره عموما وعصير اناناس كي دي دي او برتقال
واخذ معاج للمدرسه بعد تفاحه او برتقاله
او خيارسناك للفرصه الثانيه
اذا ماتقدرين مو مشكله خلج ع الفطيره والعصير
غداج اوكي بس لازم تزيدين بروتين
صدر دجاج او قطعة لحم لاااااااااازم
عشان جسمج يبني عضل ويرمم نفسه
ولاتخافين من البروتين مايمتن
بالعكس يضعف
بعد الغدا بساعتين اخذي سناك فاكهه حبه وحده
او خضره اللي تبين
والعشا عندج
خيار وروب اوسلطه وروب خالي الدسم طبعا
او حليب خالي الدسم وكورن فلكس رشاقه فتنس
اوكورن فلكس اول بران
اوهمبرغر مشوي وسلطه
او بيض مفيوح 2 او3 مع 2توست اسمر
ويارب تضعفين بصحه وعافيه​

 

[Miss McDonald]

• وعليكم السلآم والرحمه ,
• نظامج زين بس مو زين لعمرج
• اذا يعتي اكلي تفاحة خضرة + روب اكتيفيا , عصير اناناس + كيوي ,
• وخففي من العيش , اكلي بداله همبرجر مشوي ,
• موفقه حبي :*

 

[كويت الاناقه]

بالتووووووووووووفيق حبووبه

 

[Q8stylle]

مووووووفقه حبيبتي