بخصوووص الهدايا ،، ترا فلسنااااا تعاالو بنات نبي حل

[هواجيس الفجر]

بسم الله الرحمن الرحيم

السسسسلام عليكم و رحمة الله و بركااااااااته

صلووو على النبي <<< اللهم صل و سلم عليه

طبعاااا احنا بحكم بيئتنااا الكويتيه ماشاالله تبارك الرحمن عرووووووس و حفلااات و نفاااس و مناااااسبااات عسسسسا الله يديم علينا الافراااااح

و المطلووووب التوجييييب لازم هدايا << الرسول صلى الله عليه و سلم قال تهادوا تحاااابوا

لاااا بد من الهداااااايا وبصراااحه انا رفيجاااتي و معاارفي واجد و تعبت حييييل من الهدايا اقط قط

قلت انزل هالموضووووع و كل وحده تقترح شغله حلوووووه و كويسسسه بشررررط ما تكووون غاليه رخييييييصه و الاهم انها مو اي شي يعني شي يشششرف

مثلا عرررس زميلتي او بنت بنت عم جد وووو <<<< يعني مو رفيجتي حيييييل بس معرفه شنوو ممكن اعطيها

اقترررحووو هدااااايا + سعرهااا + محلهااا + و لو في صوووره

بسسسس هاااا مابي تقووولووون لي سله عطورات الفاايز و ماشابه لانه كلنا نعرررف مصير هالهدايا تنقط و لا للخدم

الماااايك لكم انقدووووووني

 

[شيخه_البيض]

اب اب
والله كلنا متلعوزين

 

[*السكب*]

الهدية بمعناها مو بقيمتها .. وللاسف هدايان تقليدية علب ككاوعطور ساعات طقوم ذهب ... الخ بس حلو تبدعين بالهدايا وحسب قرابة الشخص وإذا كانت توجّب و لا لا .
اذكر كنت مجمعة مبلغ وشريت فيه مصاحف االتجويد لحجم الوسط لان الحجم الصغير للأسف زينة محد يقرا فية ووزعته اخر يوم دراسة على البنات والمدرسات . وبعد شريت كتاب منال العالم الجديد ريعة لمرضى السرطان ووزعتة على الاقارب ..
لاترهقين نفسك وميزانيتك واللي تحبك بتحبك لنفسك مو على الهدايا اللي تجيبينها وسلامتك وتعيشين :ggdw:

 

[هواجيس الفجر]

الهدية بمعناها مو بقيمتها .. وللاسف هدايان تقليدية علب ككاوعطور ساعات طقوم ذهب ... الخ بس حلو تبدعين بالهدايا وحسب قرابة الشخص وإذا كانت توجّب و لا لا .
اذكر كنت مجمعة مبلغ وشريت فيه مصاحف االتجويد لحجم الوسط لان الحجم الصغير للأسف زينة محد يقرا فية ووزعته اخر يوم دراسة على البنات والمدرسات . وبعد شريت كتاب منال العالم الجديد ريعة لمرضى السرطان ووزعتة على الاقارب ..
لاترهقين نفسك وميزانيتك واللي تحبك بتحبك لنفسك مو على الهدايا اللي تجيبينها وسلامتك وتعيشين :ggdw:

اي والله خووووش فكره جزااااج الله خيييير

مشكوووره حبيبتي

 

[om MaRyooM]

انا فاكة عمري وهداياي فلوس


عشان لاقعد افكر وايد شنو اييب
والفلوس انسب هدية حتى لو مبلغ بسيط واقدمها بطريقة حلوة وعلبة من بوابة الهدايا والسلام

 

[بــــدره]

نبي افكار اقتصاديه لهدايا المناسبات : ولاده زواج

 

[KOKO_284I]

الموضوع رائع وفعلا الهدايا مو بقيمتها ححدي ميزانيه اللي تقدرين عليها واذا ما عجب اللي جدامج بكيفه

شوفو الاجانب لو يعطون بعض مملحه يستانسون

واحنا نعطي ذهب وانقول فشله

مفهومنا عن الهدايا غلط

تدرين ريلي كل مناسبه لمه بيبلي هديه يحتار شلون ويبيب شي غالي لمه قعدت عطيته محاضره عن مفهوم الهديه

صار يعرف اشون يقدر ييب واهو مرتاح نفسايا ان ما قصر معاي

 

[حلوه بس مملوحه]

هههههههههههههاااااااي من جددد فلسنااا
وكل وحده جايبه بزر ومااايمديك تفكرين لهاا بهديه الا جايبه بزر ثااني وثالث ورابع :eh_s(14):
ولا بنتها بتزوج ولا ساكنه فله جديده:eh_s(11):

واماا سالفة مجموعه لوشنات وشامبو ت الهديه هي الوحيده اللي متعااارف عليهااا
ويعرفوون انهاااا يقطونهااا او يهدونها لغيرهم:cxxxp:

ههههههههههههههااااااااااي

بس الحل عندي وانا ابوو هندي_03BA:

ادا قرب ولادة وحده من ربعك او زواجها اختفي عن الانظاااار لماا تخلص الاربعين ولا تكمل سنه على زواااجهااا خخخخخخ :eh_s(9):


لالالا امززززح بس تبين الصراحه الواحد يدووخ وهو يفكر وش يهدي ويروح وقته عليه
واخر شي الهديه يمقن ماتستفيد منها او تعطيها الخدم:eh_s(14):

الحل انك تهدين فلوس بقيمة هالهديه والمتعارف عليه 200 او 500 عااد على حسب
وعني هي اللي بتستفيييييد كثييير لانه هالوقت كل الاشياااء غااليه
وتريحين بااااااالك صدقيني فكررررررره حلووووه:eh_s(15):

 

[Righterette]

الخوات ما قصروا ...

اذا وحدة جرريبة منج وبتهدينها شي عليه القيمة ... احسن شي برايي الذهب ...
لو عجبها لبسته .. ولو ما عجبها باعته واستفادت من سعره

المشكلة الذهب هاليومين شاب ضو :/
يعني الذهب ينفع للقراب والغاليين بس ..

بالنسبة للي مو ميانة وايد ...
- ممكن مثلا أكسسوار ناعم أو ساعة من ماركة متوسطة .. مو لازم طقم كامل ... اسوارة حلوة وناعمة وكلاسيك وعملية تكفي ترى ...
- ممكن مجموعة DVDs لبرنامج وثائقي أو سلسلة دينية مفيدة...
- ممكن مجموعة كتب في مجال تهتم اهيا في (مثلا لو وحدة والدة خذي لج فرة بجرير واشتري لها موسوعة وكتابين ثلاثة عن الاطفال ) ... محد اتوقع راح يهديها نفسج

يعني ب 20 دينار تقريبا تقدرين تدبرين هدية حلوة ... وما تنقط لانه مو وايد اييبون مثلها :eh_s(15):


اما عطورات ولوشن ... فالكل اييب جذي ... وراح تضيعين بالطوشة

وتمنى اني اكون أفدتج :eh_s(22):

 

[كلنا عشاق لكن]

هدايا الفلوس اهي اللي إتكلف إذا عندج 6 -7 مناسبات بوقت واحد ولادة زواج بيت
بس إنها حلوة لوصادفت مناسبة مناسبتين تمام
لأنة أقلها بتعطينها 50 دينار * 7 = 350 د كل إسبوع أو كل إسبوعين
وإذا علاقتج فيها من بعيد لبعيد والمناسبة عادية
فية محلات اتسوي لج تشكيلة بسكويتات ومكسرات مغلفة بالعدد مع صندوق زعفران حلو وتغليف بيكون بحدود 20 د أو 15 إنتي إتحددين
أما إذا عروس أو نفاس الفلوس أحسن وأنسب لأنها إتكون صارفة اللي بيدها كلة على تجهيز أو مستشفى فتكون الهدية بمحلها
أو إتسوين لها إشتراك بصالون أو معهد تجميل هذي إنتي اللي إتحددين أي سعر بببالج :eh_s(15):
أو تدفعين لمحل تجميل دفع مسبق وتعطينها الكرت امغلف بصندوق حليو واهي تختار بكيفها بأي وقت ونفسة الصالونات وكل المحلات من إلى
وممكن إتوزعينة على محلين عادي فهي حلوة كتوفير وكغيير
بس الصج ينقال اللي تهادي دايما إمفلسة ههههه لأن اللي بيدها كلة هدايا ومواجيب وهذا من طيبها مافيها شك :eh_s(15):
بس أشوف نوعيات حتى هدايا الذهب تحتقرها تخيلي ماتعجبها :eh_s(1):
وإهي جعصة حشاكم ومحد شاف منها أيت هدية هههه وكل هدية معطيتها حقها من التحقير حتى لو الهدية مولها بس شتقولين ههههه
فخلي الهدية فلوس أو إشتراك أحسن
أما هدايا بنات الجامعة والثانوية عادي لو إشتراك مجلة مثل سيدتي إتهبل ويعطون وياها مجلة الجميلة أو جميلتي بس فيها أزياء وإكـ سسوارات قمة :eh_s(15):
ومن أولها ياطويلة العمر حددي لج مبلغ شهري للهدايا ووزعية براحتج :ggdw:
وإذا ماأحتجتية خلية بمكانة حتى لو زاد بيلقى له مناسبة بوقت ثاني
هالشي بيوفر عليج بدال الصرف العشوائي
وبدال لا تصرفينة على هدية وحدة وتطلع لج مناسبة فجأة لاع البال ولا ع الخاطر
وحدة شتقول هدايا الفلوس احطهم بمكان وتكتب هذا من منو وهذا من منو وإذا صارت مناسبة توجبهم بالمبلغ اللي جابوة وإذا مزاجها رايق زادتة حبتين
تقول لو أصرفهم أخاف أتوهق ومايكون عندي شي وقتها
لأن مناسبات رفايجها بالدوام يومية ماشالله مع مناسبات أهاليهم والبطايق اللي من كل صوب والأ تحضرين
ودامت الأفراح في ديارنا العامرة
​

 

[أم نواف غير]

صج دوخه الهدايا بس احسن شي الفلوس بس كل وحده ميزانيته
والتستاهل والله هديه وفلوس بعد

 

[&موناليزا&]

موضوع حلوووووووووو ومفيد

وفعلا الهدايا غير طلب الحلو او الكاكاو ميزااااااانيه

و
عزيزتي رفع لعيوووووووووونج

 

[بحر الرمال]

الهدايا حسب المناسبة و حسب الشخص
بس عموما حق الوالده: اغراض بيبي, ست عطور, ملابس نوم حقها كشخه
العروس: ست عطور , او اذا بالدوام القسم كله يحط على 5 و يصير مبلغ حلو اهي تصرفه

 

[سحر الشرق@]

اي والله جبتيها
زين مؤ بس أنا احاتي ههه
خاصة الي نفسي أخذ مصروفي من زوجي وما عندي معاش
الصراحة سالفة الهدايا شكثر تسببلي أزمات
الحمد الله على كل حال وانا عادتي هدايا فلوس احس احسن

 

[@ام يوسف@]

الفلوس احسن شئ واليوم انا ابروح اوجب وحده والده وباجر الثانيه والله المستعان

 

[sosowaty]

اااااب

 

[قطوووة]

ميزانية الهدايا مصيبة صراحة

انا مع فكرة كوبونات وجذي احسن
او ساعه او عطر او اي شي حلو

 

[manoooram]

بالنسبة للوالدة والعروس أحسن شي الفلوس لأن أكيد مجهزة من مجاميعه
اللي نازلة ببيت يديد أحيانا على حسب الغرض اللي ناقصها من أجهزة البيت الخفيفه أشتريه لها مع أو بس الفلوس

 

[هواجيس الفجر]

السلام عليكم و رحمة الله و بركاااااته


اسسسسفه انشغلت اليووووم و تووني اشوووف الموووضوووع

و انصدمت من الردوووود الكل نفس المشكله العويييييصه 

و الاغلب اقترح الفلووووس // خووووش حل

بسسسس الهديه حلوووووووووه اذا دخلتي معاج هديه راح تفرررح البنت

ليشششس محد فيكم اقترحت هديه 

عاااااد انا ابي اقتراااااح شنووو اجيب حق رفيجتي بسسس مو حيييل معااااي و مابي اعطيها فلووووس لانها اهي نظام هداااايا

 

[بحر الرمال]

اذا كانت الهديه فلوس تخسر لان مو حلوه اعطي احد مبلغ صغير , يعني هدايا الفلوس اذا اقل من 50 دينار احس فشله
بس الهديه اذا كانت عطور و جذي و اغراض بيبي ممكن تتحكمين بالمبلغ