بخصووص غداكم او اكلكم وطلعتك للنادي

[اميره بكلمتي]

مساااء الخير للكل

مادري شلون حطيت عنواان ،،، المهم

بنات انا الحين مسويه رجيم وداشه نادي صحي اووكي ،،، وقتي لروحه النادي ع الساعه 12 ونص او 1 بس اللي افكر واللي احسه غلط اني اروح النادي واحرق واجي البيت اتغدى اي احسن برايكم اتغدى قبل لا اروح النادي ولا بعد ماارجع من النادي ابي الطريقة العدله بناات

 

[Sparkle]

أكيد تاكلين قبل ما تروحين النادي علشان يمدج اب طاقه وتحرقين كل الي كليتيه

 

[Mona Lisa]

مساء النور حبيبتي
يفضل من وجهة نظري عقب الغدا او تسوين رياضه قبل الغدا بس خلي الغدا متاخر ع الساعه 5 هو غدا وبنفس الوقت عشاء

واذا حسيتي بالجوع بليل اكلي خس او خيار او روب وان شاء الله البنات بيفيدونج بعد وتقبلي مروري

 

[اميره بكلمتي]

مشكووووري حبااايب قلبي ماقصرتووووووووا

 

[~ كرز ~]

الاكل بعد النادي لان مايصير تلعبين رياضة بعد الاكل المدربة تقول لازم يمر اربع ساعات عالاكل بعدين تسوين رياضة

 

[brat]

طريقتج ما فيها شي

تريقي ولازم عقب الريوق بساعتين أو أكثر تلعبين رياضة عشان جسمج يمديه يهضم الأكل

وما فيها شي إذا تغديتي عقب الرياضة لأن الجسم يظل يحرق

فيه ناس يتمرنون الفير، يعني ما يحرقون شي؟

آنا دايماً أروح النادي قبل لا أتغدا وقاعده أضعف الحمدلله

وسالفة الحرق ترى على قولتهم calories in & calories out يعني السعرات اللي قاعده تدش جسمج باليوم والسعرات اللي تفقدينها، فماله علاقة

 

[اميره بكلمتي]

الاكل بعد النادي لان مايصير تلعبين رياضة بعد الاكل المدربة تقول لازم يمر اربع ساعات عالاكل بعدين تسوين رياضة

اهاا مشكووره حبي بس انا سمعت غير عنج يقولون بعد ساعتين يفضل لانه جذي الجسم راح يستفيد من الاكل كله

 

[اميره بكلمتي]

طريقتج ما فيها شي

تريقي ولازم عقب الريوق بساعتين أو أكثر تلعبين رياضة عشان جسمج يمديه يهضم الأكل

وما فيها شي إذا تغديتي عقب الرياضة لأن الجسم يظل يحرق

فيه ناس يتمرنون الفير، يعني ما يحرقون شي؟

آنا دايماً أروح النادي قبل لا أتغدا وقاعده أضعف الحمدلله

وسالفة الحرق ترى على قولتهم calories in & calories out يعني السعرات اللي قاعده تدش جسمج باليوم والسعرات اللي تفقدينها، فماله علاقة

مشكوووره

 

[نهايات الوله ~]

الاكل ي/ قبل الرياضه بساعه .. او بعده بساعتين
موفقه

 

[اميره بكلمتي]

مشكوره نهايات

 

[حساسة مصر]

اعرف انه الجيم بليل في المغرب

بعد الغدا

يعني لو تتغدي 1 الضهر روحي 5 و كملي خفايفك بالعشا بليل

 

[اميره بكلمتي]

اعرف انه الجيم بليل في المغرب

بعد الغدا

يعني لو تتغدي 1 الضهر روحي 5 و كملي خفايفك بالعشا بليل

ثنكس

 

[sanyoretaQ8]

انا عن نفسي احب اروح النادي خفيفه
وخلي غداي اهوة عشاي وبجذي بشوف نتيجه حلوه

 

[روح شقيانه]

حسب الي اعرفه الاكل بعد الرياضة مايفرق ماكو ضرر وعاادي جدا .. عكس تاثير الماء بعد الرياضة مضر ويعيق الحرق .. لان يبرد الجسم فجأة .. وقد يتسبب بالوفاة !!

هالكلام قريته من موقع دكتور مختص ..

اما الاكل قبل الرياضة على حسب الكمية وسعراتها اذا وايد يبيلج تنتظرين علاقل من (3-4 ساعات) اذا متوسط من (ساعتين -ساعه ونص ) واذا قليل جدا (ساعه ولا نص ساعه كافي ) .. اتمنى اكون افدتج

 

[QuEeN MeMe]

المدربه قالت لي اكلي قبل لاتجين بساعتين
وبعد ماتخلصين رياضه نطري عالاقل ساعتين

بس لو بتاكلين اشياء خفيفه فهالساعتين عادي
يعني تفاحه خيار يعني السناك الصحي

 

[محاميه مجتهده]

اكلي بعدها بساعتين روحي النادي