بخصوص عروس البحر والمنصور فيدوني

[حواء الكون]

بنات آنا بصراحه غشيمه وبروح للمنصور وعروس البحر وابي اعرف منكم احلى شي عندهم خصوصا كريم الأساس والكونسلير والبودره المضغوطه

شنو احسن شي عندهم وشنو يناسب البشره البيضا منهم ؟؟

آنا ابي اسمائهم عشان اطلبها منهم وماكون رايحه عمياني وماعندي ادنى فكره

لاتبخلون على وياريت

ياريت الاقي الخنساء وترد علي لان دايما ماتبخل علينا بردودها ودايما عندها خلفيه واسعه عن المكياج وهالسوالف

 

[حواء الكون]

مشاركة: بخصوص عروس البحر والمنصور فيدوني

اي بنات حبيت اعرف ماركة فور ايفر وين احصلها ؟؟ حددو لي مو تقولون كل مكان

 

[حواء الكون]

مشاركة: بخصوص عروس البحر والمنصور فيدوني

كالعاده تطنيش

 

[رفرف]

مشاركة: بخصوص عروس البحر والمنصور فيدوني

المنصور في موضوع كامل عنه الا وهو موصوع مكياج الهنود (بوطقه ) اخذي فره بالموضوع وتمقلي بالصور عدل واختاري اشتبين ...

ميكب فوريفر موجود بجمعية مشرف واغلب فروع التجميل اللي بالجمعيات بس مشرف اكيييد ... وموجود بالبستان ...

عروس البحر ماعمري دشيته انشالله الخنساء والبنات ايفيدونج

 

[حواء الكون]

مشاركة: بخصوص عروس البحر والمنصور فيدوني

مشكوره رفرف ماقصرتي

 

[غموض الصمت]

مشاركة: بخصوص عروس البحر والمنصور فيدوني

هلا حواء الكون

بالنسبة لمكياج ميك أب فور افر

لهم فرع في جمعية القرين رقم واحد بالعدان

و دمتي سالمة

 

[أميرة الورد]

مشاركة: بخصوص عروس البحر والمنصور فيدوني

ميك فور افر موجود بجمعيه الروضه وعروس البحر بالفروانيه جنج رايحه الهربيد مال الدراريع بس مو ادشين عنده لا خلي المرا مول على يمينج وفيه سكه يمين لفيها وروحي علي الرمل من ورا لما اخر مجمع اعتقد راح تلاقين عروس البحر بس مو متأكده اتمنى الوصف صح بنات صححوا لي.

 

[شادية]

مشاركة: بخصوص عروس البحر والمنصور فيدوني

فور ايفر بسوق شرق

عروس البحر بالفروانيه

يمدحون البنات كريم نوبا من عروس البحر وبعد فيه ماركت مكياجي يقولون موجود فيه

 

[بدون اسم]

مشاركة: بخصوص عروس البحر والمنصور فيدوني

انا آخذ اللمعات و البودرات منهم مثل سمايلنغ و نيبو بس حق مناسبات مو استعمال يومي


بس انصدمت ان سهير تبيع ديرماكول بسته واهو بينار انا ماخذته وحده من رفيجاتي تقول لي ... مادري من ز مان ما شريت منها لان الشدو مال بي ان كان يلوع الجبد وما يطلع خرطي فقمت اخذ من شارمل اضمن لي


عروس البحر ورى مجمع الامتياز عالبراحه .. هالمجمع يجي بين الحمرامول والكترونيات الغانم

 

[حواء الكون]

مشاركة: بخصوص عروس البحر والمنصور فيدوني

بعد بنات محتاجه لردودكم

ومشكورين

 

[رضاب]

مشاركة: بخصوص عروس البحر والمنصور فيدوني

شوفي المنصور أنا أشتري منهم ماركه اركنسل (الروج ) مالنهم حلوه خصوصا رقم 610 وردي وبعد رقم 400 بني فاتح
اشتريت منهم شدو اسمه رد ستار علبه طويله بدينار ونص
انا اشتري من المنصور اللي بسوق الجمله . وفي فرع بمجمع العربيد بلازا

اما عروس البحر :_ تحصلين ماركه مكياجي وشدو شارمل ارخص منه شوي واللي تبيع فيه سهير وايد حلو وتفيدج

بنات ماسمعتوا عن الكريم الالماني اللي عندهم رفيجتي مستخدمته مع مرطب hrشحلاته ماشاء الله
مكانه نفس ماقالوا البنات

 

[الأميرة]

مشاركة: بخصوص عروس البحر والمنصور فيدوني

حتى كريم سوبر كلر من عروس البحر خوش كريم ينفع للمناسبات والعروس

 

[بدون اسم]

مشاركة: بخصوص عروس البحر والمنصور فيدوني

شيطلعون هالركيمات اول مره اسمع فيهم


يعني احسن من كريم شارمل ؟؟

 

[:: عائشه بقلبي ::]

مشاركة: بخصوص عروس البحر والمنصور فيدوني

هلا يا قلبي

عروس البحر عندهم

ماركة نوبا من مكياجي
عندهم الشدو الاسود والاصفر المضغوط روعه والمحددات تهبل وثابته من نوبا
وكريم اساس نوبا

وانا اشتري منهم ديرماكول روعه وصج بسته ويمكن اللحين رخص

وعندها حمر تهبل الوانها ذوق جدا خلي سهير تنقى لك ذوقها بالحمر حلو

واذا تذكرت برد اقولك

 

[بدون اسم]

مشاركة: بخصوص عروس البحر والمنصور فيدوني

بنات ترى نوبــــــــــا موجوده بصالون لمسة فن الرقعي الستاند حقها كله موجود

 

[حواء الكون]

مشاركة: بخصوص عروس البحر والمنصور فيدوني

مشكورييييييين وااااااااااااايد

مشكوره الخنساء وماقصرتي ياعسل

واللي جربت من عندهم اشياء حلوه تقولنا بعد

وشنو هالكريمات هذي؟

 

[BaiTotia]

مشاركة: بخصوص عروس البحر والمنصور فيدوني

المنصور موجود بمجمع الزبن بعد بالسالمية
بس خوش والله كنت أدور ماركة نوبا

 

[حواء الكون]

مشاركة: بخصوص عروس البحر والمنصور فيدوني

مشكورين واييييييد

 

[جوري الكويت]

مشاركة: بخصوص عروس البحر والمنصور فيدوني

ميك اب فور ايفر موجود بجمعيه الشاميه و جمعيه القرين و جمعيه الرميثيه و فافافووم مارينا موول و فرعهم الرئيسي في مجمع البستان فوق

 

[مواســم]

مشاركة: بخصوص عروس البحر والمنصور فيدوني

المنصور

انا اخذ منه اللمعات وماسكارا نيفيا للايام العادية حلوة

عروس البحر

اخذي سوالف كريولاين وانتي مغمضة
الشدوات - الكونسيلر

الفرش عندها ارخص

العطورات ارخص بعد حتى لو تبين طلبية منها توفرها لج

الاضاءات عندها حلوه واحمر الخدود

كحل ريفلون ( هذا ما افرط فيه سواده قوي)

سائل محمود سعيد ( اسووووووود فضيع بس يحرق اذا طاح بالعين )

منتجات بوبا خصوصا الروج والشدو