بخصوص صلاة الاستخارة

[Sara988]

بنات ليش تسكر موضوعي بخصوص الاستخارة تكفون ابي حل


الاخت بقايادمعه منسيه مشكورة ردت بس ماجاوبتني شنو علامات القبول!!!!!

والاخت : اشتاق الى ربي
مشكورة جاوبتني بس ابي تساعدوني لاني سويت استخارة بموضوع وابي اعرف النتيجة تكفون ساعدوني شلون اعرف مقبولة او لأ!!

 

[uae_2009]

ياريت البنات يفيدونا

 

[ذات الهمة العالية]

شنو كان موضوعك ما شفته

 

[Sara988]

مشاركتي كانت:

السلام عليكم بنات

سويت استخاره على موضوع ونمت وصحيت ماشفت حلم ولاشي ومادري شسوي ؟؟؟
شنو دلائل الاستخاره دلوني
مادري امشي بموضوعي ولا لأ !! تكفوووون ساعدوني​

 

[Queenleo]

شوفي حبيبتي
سبحانه الله الاستخاره ماشفت للحين اقوى منها سبحانه
ماخاب من استخار
والاستخاره مالهااا علاقه بالاحلااااااام
لان ممكن تعتبر مدخل للشيطان
مثلا انتي استخرتي بشخص متقدم لج
وهالشخص ززين بس الشيطان ماراح يرتاح فممكن يدشلج بالاحلام ويبين لج انه مو زين
والعكس صحيح
الاستخااره انج تصلين اكثر من مره وتقولين الدعاء
وتكونين قبلها مقرره وخالصه
يعني ااذا محتاره بين وظيفتين 1 او 2
قرري بالاول شنو الاقرب لج ومثلا اخترتي الوظيفه 1 تقومين تصلين وتقولين الدعاء اذا كانت الوظيفه الفلانيه 1 خير لي ووكذا ووكذا وكذا
فاذا حسيتي انج خلاااص استخرتي وتبين الوظيفه 1 وقررتي تروحين تقدمين اوراقج والموووضوع تعطل
وطلعت لج مشاكل ووعراقيل فهذا معناته ان نتيجة الاستخاره ان هالوظيفه مو زينه
والعكس صحيح
استخرتي ووبعد محتاره بس قررتي تروحين وتقدمين اوراقج ولقيتي سبحانه الله الامور مشت مثل المااي فهذا معناته ان خيره لج
يعني اهم شيء تقررين وعقبها تستخرين بقرارج وبعدها تتوكلين على الله وتقبلين على الشيء الاقرب الى قلبج
فاذا تسهلت الامور والله بارك فالحمدالله
واذا الله حط عراقيل وتعطل الموووضوع فالحمدالله

 

[iLLuMinaTion]

جزاج الله خير

 

[sanyoretaQ8]

جزاج الله خير

 

[Sara988]

جزاج الله خير حبيبتي Queenleo

يعني مثلا قررت اروح مكان واستخرت وركبت السيارة وبعدين لقيت الطريج زحمة وايد وايد وتوهجت وايد ولكن بالاخر وصلت وبالموعد المحدد بعد!! شنو معناها!!؟

افيدوني والله محتاره

 

[Queenleo]

دام صار يعني خيره

 

[Sara988]

يعني بنات افهم من كلامكم ان لو كان الموضوع فيه شر ماراح يمشي الموضوع أبد حتى ان حاولت فيه؟

ولو فيه خير راح يمشي الموضوع حتى لو واجهتني عقبات؟؟

 

[معزوفة عشق&]

شوفي حبيبتي اي شي استخرتي فيه وحسيتيه مشي بخير وتم يعني خلاص ربي كتب لك الخيرة
زي مثلا تبين تنقلين لوظيفه ثانيه واستخرتي وشوي يجيك المدير يقولك راح نعطيك ترقيه > فهمتي
مثلا تقدم لك واحد وتم موضوعكم وملكتو وبكرة زواجك > هذا معناه ربي كتب لك الخيرة
...الخ مو لازم تحلمين بشي
موفقه

 

[Sara988]

بنات والله محتارة ساعدوني!! ابي كلام شافي تكفون

 

[حبابة]

باختصار اذا الله سهلج بالموضع ومشا خيره لج

واذا وقف موضوعج وتعطل هذا من رب العالمين

انتي ماعليج الا تصلين وتدعين من كل قلبج

وخلي الامور تمشي بروحها

 

[Sara988]

الحمدلله رب العالمين
ومشكورين بنات جزاكم ربي كل خير

 

[((غلاي))]

باختصار اذا الله سهلج بالموضع ومشا خيره لج

واذا وقف موضوعج وتعطل هذا من رب العالمين

انتي ماعليج الا تصلين وتدعين من كل قلبج

وخلي الامور تمشي بروحها

:eh_s(15)::eh_s(15)::eh_s(15):

الله يسهل عليج و على كل المسلمين
ماخاب من استخار
الامور بروحها تمشي سبحان الله