بخصوص شحن الارامكس صارلكم اللي صار معاي ولا لأ؟؟؟

[MiSs_PiNkOz]

السلام عليكم بنات

انا صارلي سنه تقريبا اتعامل مع شركة ارامكس المهم قبل 6 شهور طلبت اشياء من الامازون وصلت معاي 200 وشي غير

الشحن المهم وصلولي نص الاغراض وباجي الاغراض ماوصلت المهم رحت فتحت الامازون عشان اجيك علي الاغراض

اللي طلبتهم وماوصلوو وطلعوا مشحونين من امريكا بس ارامكس ماوصلتلي ياهم قلت اكييد ضاعوا وولا سئلت عنهم

عند ارامكس المهم طوفت ونسيت السالفه وبعدها طلبت حق بنتي بدلتين للعيد من موقعين وبنفس اليوم طلبتهن واحد

من هالموقعhttp://www.aladyandherbaby.com ووصلتني البدله بس مونفس الصوره ولوو كواليتي والثاني من

هالموقعhttp://lovebabyj.com ومن اول رمضان لي يومكم ماوصلتني البدله وانا دافعه تقريبا 50 عليها وبعدها ابجم

يوم طلبت هم من موقع بور بلنس 4 اساور وولا وصلني شي وبديت اشك بشركه ارامكس لان مومعقوله هالسالفه!!

يعني الطلب يوصل امريكا للشركه ومايوصلني !!!! فمادري في احد صارله اللي صارلي!؟؟؟

 

[MiSs_PiNkOz]

١٢ وحدة دشت ولا كتبت رد!!!!!

 

[قطوووة]

يمكن حاطه العنوان غلط

ارامكس اي شي يووصللهم يحطووووننه بالشوووب اند شيب

 

[krkooora]

دقي عليهم و قولي لهم سالفتج احسن يمكن انتي غلطانه بالعنوان على قولة قطوووة

 

[MiSs_PiNkOz]

لاجيكت ع العنوان نفس الشي مو اقولكم اوصلتني شحناات من نفس الموقع وشحنات ثانيه راااحت

وباجي المواقع ماوصلني شي منهم مع انه سحبوا فلوس

 

[-MaYa-]

انا ماصارت معاي
بس لما طلبتي ماعطوج تراك نمبر عشان تشوفين اذا الطلبيه وصلت ارامكس او لأ

و جيكي على الفيزا يمكن يكونون ردولج الفلوس اذا اللي طلبتيه مقلا ماكان موجود

 

[&موناليزا&]

عزيزتي رفع لعيووووووووونج

 

[AD G!RL]

مرحباً

حبيبتي تطمني أنا صارت لي كم مره

انتي تأكدي اول شي ان الغرض وصل ارامكس

بعدين طرشي إيميل لارامكس وكتبيلهم التراكينق نمبر اللي كان طالع للشحنه من المحل لارامكس

لان اللي يصير بعض المحلات الامريكيه ما تضيف الرقم اللي محددتنه شركة ارامكس لكل مشترك

اللي هو 3 حروف و 3 أرقام (يمكن اقل لمشتركين الكويت)

وعشان جيه اللي في ارامكس ما يعرفون صاحب هالغرض

أنا مره لي غرض وصلت قطر واستلمها شخص لان الأرقام معكوسه وطرشت لهم إيميل ورجعولي اغراضي
​

 

[حجيه هيونه]

انا هم مره طولت شغله علي ولما كلمتهم طلعوا مودينه من صندوقي الي بامريكا الى صندوقي الى ببريطانيا!!! وردو ردوه لي بعد ما كلمتهم



بس هم احيان الي شريت منه اهو يتأخر فارسل له رسالة اطلب تراكنغ نمبر لما يعطيني اياه هني اكون متاكده انه ارسله خلاص واتابعه