بخصوص زيادة ديوان الخدمه

[Shasawi]

مرحبا بنات
بغيت اسالكم بخصوص زياده ديوان الخدمه
حاطين كانو بجريده الانباء القرار التالي
ثالثا: زيادة المزايا المالية المقررة للموظفين الكويتيين الشاغلين لعدد 104 أنواع عمل أو مهنة وتحدد الزيادة لكل من هؤلاء الموظفين حسب الدرجة والوظيفة، وفيما يلي بيان بأنواع العمل أو المهن التي سيمنح شاغلوها تلك الزيادة: وتحته جدول وكا الصفحه
http://www.alanba.com.kw/AbsoluteNMNEW/templates/oula2010.aspx?articleid=276533&zoneid=12

شنويعني فوق الزياده ال25% اللي يشتغلون بهالوظايف لهم زياده ثانيه؟؟ يعني مثل كادر تخصص جذي؟؟ وماشوف احد تكلم عن هالمووضع الضجه كلها كانت عن ال25% وزيادة البدلات

 

[sunshine22]

اااااااااااااااااااااااااااااب

 

[عزاااه]

حبيبتي هذي زياده للخاص لانه حكومه كذا مره يزيدونهم غير ٢٥/ بميه

 

[Shasawi]

لاموالخااص

 

[بنت الكويت 25]

اي نعم هذي الزيادة غير زيادة 25% لان في ناس ما حاشتهم الزيادة لذلك 25% زيادة عامة لكل الموظفين بالاضافة الى الزيادة المدرجة لبعض الفئات مثل الي امبين معاك بالجدول

 

[Shasawi]

غريبه محد تكلم عنها ولا احد قال عنها شي عاد انا احد الوظائف المدرجه

 

[اشتاق الى ربي]

زياده مبهمه
ولا وترا بدل الشاشة على ما هو عليه مافي اي مضاعفة ! طيب ليش حاله حال البدلات الثانيه !! غريبه
وانزين الحين بدل طبيعة عمل اشلون هل لها زياده والا ؟؟

 

[sunshine22]

انا اتوقع بس قالوها بيسكتون الاداريين بالمدارس لما قامو يتظاهرون


والا 1000%

اذا مانزلت بمعاشات شهر 5


ماراح تنزل الا لما ينشفون ريجكم

 

[قرنبيطوو]

بنات يعني الحين المحاسبين زيادتهم 25% ولااا 320 دينار؟؟؟

 

[Shasawi]

اشتاق لربي والله مادري ولا زياده بدل طبيعه عمل ماتوقع فييييه

سنشاين اييه على قولتج والخاااص زايدينهم هالكثر
قرنبيطو الاثنين

 

[Q8ytya]

شهادة الراتب غير مدرجه الزياده والغريب انه مصرحين انها بتنزل من شهر 4 باثر راجعي وحاليا شهر 5 بصراحه شي يحير هي كلها 25 يعني بحدود 60 دينار مادري متى بتندرج بالشهاده

 

[اشتاق الى ربي]

قالوا شهر 6 خلاص حكومة وخاص ومتقاعدين كلهم مع رواتب شهر 6 بأثر رجعي

 

[% مرت زوجها %]

انزين انا متوظفه نص 4 تنزل لي من اي شهر ؟

 

[Shasawi]

اهااا يالله الله كريم مع انها شويههم نعمه الف الحمدالله انا مانبطت جبدي يوم زادونه شوي انبطت جبدي يوم زادز الخاص هالكثر لسبب واحد انه الاسعار بترتفع مرتين الحييييين زين احنا شذنبنا انا جامعيه راح يزيد معاشي 50 وبالخاص الجامعي 230 شلون انا بتحمل زياده الاسعار المصاحبة؟؟

 

[atoooty]

زيادة الخاص مشاءالله قوويه

بس مساكين الأداريين مضلوومين

ومتى تنزل هالزياده ؟

 

[Shasawi]

والله مادري انا مستغربه تره الديوان قاعدين يستعبطون علينا الزياده المكتوبه بالدد اللي ذكرته فوق غير واللي انذكرت بعدد امس غير

 

[kuwaitya-frawla]

اللي حاب زياده القطاع الخاص و حاسدنا عليها على فكره

1-دوام من 8 لي 3 او 4 او 5 العصر
2-ماكو اجازات مثل الحكومه
3-ماكو زياده دوريه السنويه مثل الحكومه
4-اي غلطه بالشغل انتي تدفعينه من حسابج الشخصي
5-بصمه و العين عليج ماكو استذان ولا مرضيات مثلكم
6-كراف وشغل حتى الحمام عزكم الله ما نوصله



فاتمنى الكل يحمد ربه و يدعي حق الثاني ان الله يبارك له و يزيده خير بلا حقد !!!



وبالنهايه اللي يبي التعب والكراف يروح الخاص بس المقابل معاش قوي


واللي يبي ينام و يطلع و يستانس و لا كراف ولا شي يروح خاص والمقابل معاش قليل






ومشكوره صاحبه الموضوع و سوري ان كثرت حجي بس حبيت اوضح هل كلام لانه لاحظت وايد ردود مش ولا بد هههههه

 

[Shasawi]

تكفين فراولة كويت بليز ليش الخاص وااااااااايد عايشين دور الكراف؟؟
احنا بصمه ونداوم فرق بينه وبينكم ساعه وربع لاتامين صحي لا مكان نظيف لاعماة عين
واذا حاسدتنا عالاجازات ووالاستئذانات طالبو بحقوق انسانسيه موفلوس
مافي زياده دوريه كل سنه؟ تره اهي عشر دنانير انتو عندكم بونسات اكثر فرص للتطور اكثر بالاضافه الى تذاكر سفر وغيره دوامكم بالعقد 8 ساعات اللي يداوم دوامين له زياده انا اطلع من الدوام بعض الاحيان يشهد الله الساعه 6 مع العلم دوامي ينتهي الساعه 2 وحتى اوفر تايم مافيه! شغل وكراف اعتقد كلنا نشتغل اذا احنا نشتغل ساعتين ولا ثلاث باليوم تره باجي الوقت حاطين ايدنا على خدنا وقاعدين ابيج تجربينها وتشوفين شلون الوقت مايشمي واذا شافونه قاعدين يالج المدير ولا مادري منو اللي فوقج قط عليج شغل خاايس يلوع الجبد واصلا موشغلج ولا يطورج
مثال موظفة عندها ماستر وصارلها اكثر من 10 سنين تشتغل شنو احد مهماتها الوظيفيه؟؟ تشتغل بمركز مسؤول عن ابحاث واستبيانات تصلح أليا فلازم تكون الاجابات مظلله عدل حلو؟ شغلها اهي بس تعدل اللي مومظلل صح! ترضينها على نفسج؟

مختصر الكلام محد بهالديره يستحق الزيادات المهوله اللي زادتها بعض الاماكن الناس اللي تستحق زياده رواتب العمال اللي الفقاره المساكين اللي يشتغلون بالحر... ودام انه لابد من الزياده كان المفروض يكون فيها انصاف موناس تزيد 60 وناس تزيد 400 و 500 وفوق لايوجد انصا والقطاع الخاص لوانتو مومستانسين على وظايفيكم ماقعدتو فيها وبليز تره كل ما اسمع سالفه الحكومه وحاطين ريل على ريل وياكلون صمون فلافل اتنرفز صج لاني افتريت على مراكز حكوميه وماشفت الصمون والبطاط حمدو ربكم تداومون بمكان نظيف في هيئات حكوميه اثاثها وصبغها من قبل الغزو!!!!!!!! واذا بتردين علي نفس ماقتلج وتقوللينلي ناقده عالحكومه روحي الخاص لا ماروح الخاص لاني افضل ارد البيت ابجر وقت اقدر ارد في والفلوس والمعاش مايهمني افضل حقوقي الانسانيه اكثر

 

[قرنبيطوو]

والله محد راضي ولا مقتنع باللي عنده

الحمدالله خوووووووووووووووش زياده ابوس ايدي وي وظهر )))

 

[جنى q8]

الحين يعني خلاص بتنزل ان شالله شهر 6 ؟؟؟؟

وربي يبارك للجميع في فلوسه وهذي اول وتالي ارزاق من رب العباد