بخصوص راس السنه

[tooooma]

السلام عليكم اول شي بمناسبة حلول العام الجديد احب اهني الجميع من الاداره والخوات الكريمات

واقولكم كل عام وانتم بألف خير ربي يجعلها علينا وعليكم سنة خير وفرح ياااارب


موضوعي اللي بتكلم فيه عن استعداداتكم حق راس السنه من هدايا او مخططات معينه

او حتى حق ازواجكم

خلونا نتبادل الأفكار يمكن وحده فينا اطبق ا الفكره اللي قرتها وشافت انها ايجابيه على حياتها

بانتظاركم :eh_s(8):

 

[tooooma]

ولا مشااااركه بالموضوووووع مع العلم المشاهدات وصلت 65

شنو صاير بالدنيا اظاااااهر الناس بطلت تبحث عن السعاااده

 

[ميسم]

خلي كل شئ احمر بأحمر للاسف زوجي مسافر دراسه فماراح احتفل

 

[tooooma]

شكرا لكم على المشاركة الفعالة

ارجو من الإدارة حذف الموضوع وذلك لعدم الاقبال الشديد او بمعنى آخر فشل الموضوع المطروح

 

[maha26]

ليش تحذفين

انا نفاس ماراح احتفل
بس ممكن تترسين غرفه النوم بالونات هيليوم
وورد وشغلات حلوه حمراا
والليتات اللي يعلقونها على شجره الكريسمس بعد حلوه
وجيبي كيكه صغيره وضبطي شغلج وبس


او اذا بتطلعين عن المألوف سويلج انتي وياه بارتي بلاك لايت
واستانسوو بس لازم تكون شكل الغرفه غير بالمناسبات
راس سنه ذكرى زواج ميلاد اي شي

 

[keka89]

وين ياحسره مارح نحتفل ولا شي كلعاده راس سنه بلبيت نطالع تلفزيون

 

[Ranoon]

الحمدلله ماعندي هال سوالف احتفال حق راس سنة مع زوجي !!!


خرابيط الغرب الحمدلله

 

[اميره بكلمتي]

تبين احلى مناسبه احجزولكم تذكرتين العمره جم يوم ع الاقل تبدون سنتكم الجديده بالهدايه والصلاح

 

[سور المدينه]

مانحتفل بعيد السنه

 

[Om..soso]

حتى انا مثلج قاعدته أفكر

 

[sharshora80]

اشتري قميص بابا نويل ناعم ومكياج وزهبي طاوله حلوه وكيكه راس السنه بكل محﻻت اختاري لج وحده مع عصير وليتات وﻻتسوين احمر اوفر ﻻن يايج بعد اربعين يوم عيد الحب هم راح تحطين احمر


وبنات عفيه ﻻتدورون ضقت الخلق ماتبين تحتفلين انتي حره واحنا ترا عقلنا براسنا مويهال مافيها شيء
محد ماخذ ذنب احد ان شاء الله

 

[tooooma]

مشكوره اختي sharshora80

على تفهمج للفكره

ياخوات انا مو القصد من الموضوع مثل ما الأغلبية يقول انه حرام

القصد تبادل الأفكار وارجو منكم تفهم الموضوع وشكرا

 

[baa6aa]

الفنادق مسوين عروض على اسعار الغرف و اسعارهم حلوة
حق اللي يبي يعني شي برا البيت
هذا غير المطاعم المفروض حاجزين مبجر عشان الاغلب يسوون اجواء حلوة
انا ليلحين ما استقريت على شي بس مفكره اسوي اجواء احتفاليه بالبيت بالونات و جذي بدون هديه

 

[نجمه السيد]

بسً حبيت اوضح شيء مهم ياجماعه الخير على فكره ماحد حرم الاحتفال براس السنه الميلاديه الي هو ميلاد النبي عيسى ابن مريم المسيح عليه وعلى نبيه واله السلام اختفلو بكيفكم بس هم احنا بعد نحتفل بميلاد اللنبي الاكرم صلى الله عليه واله وسلم وتقوولو ن لينا هذا شرك وحرام ومايجوز اعقلو بس فتحو عقولكم

 

[taioba]

انا زوجي مسافر فماراح اسوي شي
بس لو كان موجود جان سهرنا بره وعقب ما نرد اكون حاطه ورد او بالونات جذيه يعني

 

[taioba]

بسً حبيت اوضح شيء مهم ياجماعه الخير على فكره ماحد حرم الاحتفال براس السنه الميلاديه الي هو ميلاد النبي عيسى ابن مريم المسيح عليه وعلى نبيه واله السلام اختفلو بكيفكم بس هم احنا بعد نحتفل بميلاد اللنبي الاكرم صلى الله عليه واله وسلم وتقوولو ن لينا هذا شرك وحرام ومايجوز اعقلو بس فتحو عقولكم

تاريخ ميلاد سيدنا عيسي مو صحيح بالصيف مو بالشتاء
وبعدين الناس ما يحتفلون بتاريخ ميلاد سيدنا محمد بس عطله الناس تغيب وتصل عالرسول واله وصحبه :eh_s(7):