بالنسبة للتجهيزات .. كنت قبل افكر شنو لازم اييب ؟
لا تييبين ولا شي حبوبة
نوت صغير كبر ايدج .. بالنسبة لاول محاضرة
وعلى حسب الكلية والمواد ...
في دكاترة مايعترفون بالكتاب ف لهم مذكرة خاصة فيهم .
ترووحين تصورينها بالتصوير .. او يقولج ابي الكتاب الفلاني من مكتبة الطالب بشويخ
وتشترينه عاد + قلم بو اربع الوان
في دكاترة نوعهم لازم اتنوتين وياهم و في دكاترة لا امتحاناتهم من الكتاب و في دكاترة الاثنين مع بعض
من ناحية اللبس كل وحدة و كيفها
انا عن نفسي ما اتعبني الكشخة او السبورت كل شي البس نفس الشي
في بنات بالنسبة لهم متعبة الكشخة يلبسون عباية
وفي بنات لا جنز و قميص و فلات
امممم شي مااستغني عنه التسوس ^_^ مااحب ايدي غير عن لون جسمي
:$
اذا كنتي تسوقين ,, هالله هالله بالمسفط
ونصيحة مني من قللللللللللللب
محاضراتج لا تخلينها 11 الى 1 ....... لان هالحزة موووووووووووووووووووت الشارع
شارع فيصل مسكر + كيفان و الخالدية ماتندش
يعني انا بكيفان عند الاشارة نص ساعة المشكلة مابي امشي فيها ... ابي الف فرعي يمين
يعني اخذي 11 بس خلي محاضرتج اللي قبلها 8 او 9 ا
المهم ما تكونين بالشارع وطالعة من بيتكم .. حتى المسافط فللللللللل
وبالنسبة للشمس والحماية . انا من استخدمت الحماية و انا صايرة جلحة ملحة ورمادية
من ابعد عنها اصير طبيعية
وجربت كل الانواع نفس الشي
ف حماية ما يحتاج ..
وانتي ادرى بنفسج
الكتب .. اذا كانو وايد و ثقال و عندج بريكات
في كذا طريقة لحفظهم
ممكن لوكر
ممكن اذا محاضرتين ورا بعض و بينهم بريك ساعة تخلينهم وياج و تحطينهم بفايل مع قلمج
او بالسيارة اذا عادي تروحين و تردين ^_^
انا مااحب اللوكرات ..
اممممممممم
اي ساعات يكون عندي بريك ساعة بين محاضرتين اقعد انطر بالسيارة
ولما تيي محاضرتي الثانية اروح الكلاس ولا انصدم ان معتذر الدكتور ...
فنصيحة مني اذا عندج بريك . طلعي من كلاسج روحي للكلاس الثاني جيكي اذا في اعتذار او لا
لان كل انقرص وما اتعلم ...
* انا ما افضل البرريكات حلوة محاضراتج طقة وحدة وتفتكين
الا وقت الامتحانات تحتاجين بريك ودج تراجعين .. فتقعدين بالمكتبة تراجعين شوي
او بريك للصلاة او للاكل
وانتي على راحتج حسب مواد و ثقلها و صعوبتها و الدكتور و يختلف من بنت الى ثانية
اذا عندج سؤال حبيتبي من عيوني ..
الجامعة سهلة ...
والف مبروك القبول و كل شي خيرة
وفالج التفوق ان شالله :**
