بخصوص النفاس

[الدميره ..]

السلام عليكم
شلون الكويتيات

ودي اعرف وين تايد فترة النفاس بشقتها والا ببيت اهلها
ومنو فيكم تأيد بشقتها وابتدا من اي بيبي تقعدين بشقتك


أبي همتكم كويتيات

:eh_s(8):

 

[للحين ناطره]

حبيبتي كل وحده وظروفها
اللي تلاقي راحتها فبيت امها
واللي تلاقي راحتها فبيتها
وعلى حسب الضروف من عدد اليهال ودواماتهم
في عوامل واااااااايد تتحكم بالموضوع

 

[للحين ناطره]

حبيبتي كل وحده وظروفها
اللي تلاقي راحتها فبيت امها
واللي تلاقي راحتها فبيتها
وعلى حسب الضروف من عدد اليهال ودواماتهم
في عوامل واااااااايد تتحكم بالموضوع

 

[الدميره ..]

اكيد للظروف احكام لكن على حسب الوحده واهلها وزوجها ورايهم فالموضوع

 

[ام ريماس خوخه]

رد : رد: بخصوص النفاس

بالنسبه لي عند الماما اكيد لانها بتهتم فيني اكثر من نفسي وكثره العيال تلعب دور يعني ممكن الوحده اذا عندها اكثر من 2 تتنفس بشقتها بحكم عيالها ولويتهم ومدارسهم وجذي وكل واحد علي حسب ظروفه وبث

 

[نونه الزعفرانه]

انا افضل ببيتي
ماحب بيت اعلي ازعااااج
ماشالله عليهم اروح لهم ازوهم ساعتين راسي يصدع

 

[دمثة]

في بيتي اريح واحسن اغراضج جنبج وشغلج عندج

 

[أنفاسي دخون]

اكيد عند اهلي امي بتضبطني وتهتم فيني لو بتكل على نفسي اصير سمردحه خخخخخ

بس يتغير الوضع اذا عيالي صاروا بالمدارس حزتها اتنفس في بيتي الشكوى لله

 

[قوية الباس]

والله انه ساكنه مع حمولتي وين اتنفس عندهم حدها صعبه


لو ساكنه بروحي اكيد فبيتي بس طالما انه معاهم نفاسي يكون عند اهلي

 

[ام شووووق]

رد : بخصوص النفاس

للحين ماجربت

 

[SOKAR MALE7♥]

كل شخص وظروفه
يعني اذا عندج اكثر من 3 وقادره تقومين بنفسج ومعلمه خداامج كل شيء خليج في بيتج >>>> اذا عيالج يدرسون

اما اذا عيالج شويه 1 او 2 لا خليج عند امج تنفسج عدل وبنفس الوقت تعرفين حالات الحريم بالنفاس وريحه الادويه والاكل فنصيحه خليج عند اهلج

دمتي بود .. ♥

 

[DooLy88]

عند اهلي طبعا

مع اميمتي فديتها وفديت قلبها

انا اختي بنفاسها

تركت بيت زوجها خارج البحرين
وسافرت بس عشان تقعد عند امي
انا اللي يم امي اكيد عندها
اريح واحلى وتهتم فينا
واي احد يزورنا اييني فبيت اهلنا

الله يطول لنا بعمرها يارب

 

[سارووه الاموره]

اكيد الاهل ولا الريال شذنبه يشم ريحت حلبه ورشاد وماتتسبحين يبا ببيت اهلج عفني محد بشامج خخخخخخ

 

[كميثره]

تم التصويت

 

[ام دليار]

رد : بخصوص النفاس

أكيد بيتي لأنو تعودة عليه
أغراضي كلهم عندي

 

[@البتووول@]

تم التصويت

 

[Peony]

رد : رد: بخصوص النفاس

عند اهلج
لكن اذا ظروفج ماتسمح يعني انتي بدولة واهما دولة
او عيالج وايد ومدارس واذية
وايد اقصد ٥ مو تقولون ٢ و ٣
او اذا كان زوجج مسافر روحي عند اهلج
واذا على ريحة النفاس لااااااااااا طبعاً بيت اهلج احسن من الشماته والمعاير والريحة بكل مكان
ليش تسمعون هالكلام ههههه
يعني ٩٠ بالمئة فبيت اهلج اما الظروف القهرية ١٠ بالمئة ابيتج
طبعاً اقصد بيتج مملكتج الخاصة حتى لو شقة بروحج مو مع حمولتج كلش كلش حتى لو زينين
حلاة النفاس اصلاً المرة بعيده عن زوجها عشان يشتاقلها زيادة
وبعيدة عن حمولتها عشان تاخذ راحتها بادوية النفاس والحركة والطبيب والمشترى قبل لا ترد لزوجها

 

[حلوه ولمآحه]

آكيد عن مآآمي،،
بنفآسي رحت عندهآ الله يطول بعمرهآ ،،

 

[الدميره ..]

شكرا للتصويت

 

[أم عايض]

رد : بخصوص النفاس

كيد عند أهلي
وحسب الظروف بعد اهي تحكم