بخصوص الميزانية :_(

[Brora ~]

السلام عليكم

.........










بنات انا مو أبوي يعطيني كل شهر 50 دينار
وبين فتره وفتره احصل فلوس 100 او اقل جذي.. مثلا عيد او حق التفوق
او عيد ميلادي .. الخ


بس احس مايكفي ..
يعني مثلا انا اسوي عبي .. كل وحده 20 دك .. بين كل شهر وشهر اصرف 60 او 40 دينار عليهم

و ساعات + جناط + جواتي
انا الحين ناويه اشتري جنطه + ساعة
وطبعا انتو عارفين الاسعار .. بس انا ما اشتري غالين يعني مو فوق 80 او 90 دك

وهذا غير العشا ( لانه احنا مانسوي عشا في بيتنا ) او نادرا ما نسوي
فـ بالاسبوع اصرف 7 دنانير على جذي ..

وهذا غير اني بيمع عشان اشتري بلاك بيري ..

بس انا نادرا اني اشتري ملابس لانه اغلب شي البس عبي


سؤالي الحين شلون اقدر ايمع ؟
لانه عندي وايد اشياء بشتريهم مو قادره
وشلون انظم فلوسي واخلي جزء حق الصرف وجزء حق وجزء حق .. الخ
وخصوصا بالشهر 50 دينار شويه


يمكن الموضوع مكانه غلط بس احترت وين احطه ..

ياريت كل وحده تساعدني وتحطلي افكارها

مره 2 سوري اذا الموضوع مكانه غلط
..

 

[Brora ~]

اب وينكم

 

[*ريما*]

سبحان الله

 

[غاده]

انا برد واتمنى اني افيدج.......بس ترا يبيلها شويه صبر
1-حصاله البيت الحديد انا اشتريهم من دايسو كل شهر حطي الي تقدرين عليه 30 او 20 بس بشرط ما اتبطلينها الا عقب عشر تشهر
2- اتدشين جمعيه ب30 دينار او 20 وهذا احسن حل
3- سويلج جدول (مصروف الشهري/قيمه الاكل/قيمه العباه/قيمه النثريات طلعات خرابيط/الباجي) وتكتبين تحت كل عامود المبلغ الي انصرف والباجي واتيمعين

طبعا اتسوين الاتي:عبي لا تشترين الا كل شهرين وحده
تقتصدين اكل بره كثر ما تقدرين يعني ما كل اسبوع صرفي 3 دنانير بالشهر هذي 9دنانير وبين وقت والثاني سوي عشاج بالبيت اوفر وانظف
كرت تلفون مو اكثر من 10 دنانير
وان شاءالله اني فدتج

 

[*المــــلكة*]

انا موظفه ومعاشي يخللللص قبل نهايه الشهر بأسبوعين !!!
لو اعرف اجمّع فلوس جان ساعدتج حبيبتي ​

 

[ياغفور اغفر لي]

العبايه فصلي كل شهرين

والشهر اللي ماتفصلين فيه خمس دنانير كرت تليفون لشهر خصوصا انتي ماعندج بلاك بيري يعني ماكو خدمة والله يعافي تليفون البيت للاحتياط

يبقا ٤٥

٣٠ انسيها حطيها بحصاله
١٥ طقطقي عليها لمطعم او اغراض جمعية خفيفة

اذا جمعتي ٣٠ بثلاث شهور مع الشهر الرابع اللي يعطيج اياه ابوج ٥٠ صار ١٤٠ تقدرين تشترين جنطة وساعه والاشيا اللي ناقصتج وبس

 

[LoLaTi]

شوفي بما انج طالبه للحين والمصروف 50 ماراح تقدرين تيمعين منهم شي لانهم بالغصب يكفون
اول شي كلمي ابوج اذا يقدر يزيدج واذا ماقدر قولي حق امج تعطيج كل شهر 20 او 30 الي تقدر عليه يعني قولي حق ابوج انج تبين تشترين بلاك بيري واذا بقيتي شي حق ملابس هم قولي لهم يعطونج حق عبايه او ملابس لان الخمسين بس تكفي حق مصروف المدرسه والجمعيه والمطاعم بس حق ملابس ماتكفي

 

[Brora ~]

بنات مشكورين اللي ساعدوني ..

وانا قررت أني ااجل فكره البلاك بيري عشآن مو وقته ..

و انا حاليا عندي بالتيميع 55 دينار ..

وفلوس الصرف تقريبا 25 .. امم

الحين راح اسوي جدول على حسب كلامكم

وان شاء الله بحاول اكلم امي او ابوي يزيدون المبلغ شويه ..

وثانكس لكم وانتظر مشاركات البنات

 

[FeShinGoOo]

شوفي لازم اتيمعين اول جم شهر بتحسين ان صعب وشوي بتتأزمين مادياً بس تالي بترتاحين وبيكون عندج مبلغ تقدرين تصرفين منه متى ماحتجتي ..

انا قبل مثلج اول الشهر معاشي خالص وتبقالي 40 دينار لي اخر الشهر وانا موظفه يعني كليوم بانزين وريوق وسوالف فلانه ولدت وفلانه عيدميلادها ونبي حطه حق الدوام وتوجيب كل اسبوع حلو ومعجنات حق الضيوف
ماكان يبقالي شي ..!!

شسويت ..؟؟
قررت اني ايمع ..
المعاش الياي شلت مبلغ وخشيته عند زوجي قتله لو شنو اقولك لاتعطيني ..
وخليتلي مبلغ بس يكفي مصرفي اليومي ريوقي بالدوام وبانزيني .. طبعا حاولت اني ماروح السوق واكتفي بالاشياء المهمه والظروريه بس ..
اول شهرين كنت حيل مستصعبه ومو قادره بس مسكت روحي وعقب الشهرين الحمدالله صار عندي مبلغ راهي وقمت ايمع واشيل مبلغ خفيف ..
والاشياء الي ودي فيها ما اشتريها بوقت واحد ..
شهر اشتري عبايات
شهر اشتري جواتي
شهر اشتري مكياج
شهر اشتري ملابس بيت
يعني كل شهر احطلي مبلغ معين حق الشغلات الظروريه الي احتاجها
مو اكون محتاجه واقول بشتري جنطه ماركه لا كنت انطر
والحمدالله تالي يمعت مبلغ محترم وصرفت شويه وخشيت نص المبلغ وبعد جم شهر رديت يمعت وحطيت فوق المبلغ ورديت المبلغ الاولاني لان ماكان عندي التززامات وايد ..

 

[FeShinGoOo]

وعلى طاري المطاعم حاولي توفرين شويه يعني سوي بروحج عشى بالبيت مولازم كل يوم مطعم خلي المطاعم يومين بالاسبوع بس

 

[Brora ~]

مشكوره حبيبتي

اذا مطعم 3 مرات بالاسبوع راح يصير بالشهر كله من 20 لي 28 دينار حق الأكل بس

يعني كل شي صاير غالي .. ولازم اول جم شهر اضغط ع نفسي

والحمد لله على كل حال

 

[طموحه بزياده]

ههههههههه

ذكرتيني بنفسي

انا الحين حاطتلي دفتر تخيلي بس اخطط عالاعانه شلون اقسمها وابوي يعطينا 50 مصروف يومي للشهر كله فيضير مصروفي ككل 150

واسوي جداول ومخططات واسهم و بورصه هههههههههههههههههههههه والله صج دفتر للتخطيط واشيل دينار وانقص دينار واقول هذا حق جذي وهذاك حق جذي لين يصير المبلغ النهائي 150 لوووول


حطيلج دفتر وسوي جدول وقسمي الفلوس وامشي عالخطه نصييييحه لازم تخطيط

 

[Brora ~]

لووووووووووول اي مسويه دفتر بس مو بورصة
مسويه مخطط سهمي 20 ايمعهم و 8 رصيد و 22 صرف

لما ايمع اشتري عبي ,, جناط ,, جواتي ,, عطور ,, ساعات

و8 حق الخدمه ايفون .. 5 خدمه و 3 رصيد

 

[عادت ذكرياتي]

التخطيط حلو مثل ما قالوا البنات

 

[بنت حظوظ]

خففي العبي والمشتريات اشتريهم على حسب اذا عندج مناسبة او لا

 

[Brora ~]

اب اب اب

 

[جروح ودموع]

البنااات ما قصروا وبصراحه افكارهم حلووه

 

[غمزه وإبتسامه]

شدعوه عبايه كل شهر انا لما كنت بالجامعه افصل ثنتين او ثلاث والبسهم لمدة ثلاث اربع خمس شهووور والله مرت علي سنه عباياتي اربع ابدل بينهم شدعوووه مو طول اليوم برااا اناااا والعبااايه اذا كانت زينه وخامتها زينه تقعد وانتي بسابع يعني اداومين بلبس المدرسه مو بعبايه يعني ماتستغلينها حيل فصلي عبايتين مافيهم شغل واجد للجمعيه والطلعات العاديه وعباتين للمسايير كشخه ولسوق يعني مرتبه وووحلوه بس وجنطتين كشخه تلبسينهم لست شهور جدام وبس

 

[Brora ~]

اب اب

 

[أو عبوش]

استغفري وقولي دايم

اللهم اغنني بحلالك عن حرامك





لا تستهينين فيها ترى هالاستغفار فك عني اقساط بالالااااااااف





وانتي عاد صيري شطوره مع ابوج خذيه شويه للسوق وخلي ياخذ لج جنطه

البنت تعرف تسحب من ابوها