بخصوص الدورة الشهرية !

[misS DiamoND]

أنا الله يسلمكم صارلي تقريبا 7 أشهر والدورة متلخبطة عندي خير شر.

يعني أول ما اتييني 3 أو 4 أيام بس ينزل أدعم وشوية وعقب اليوم الخامس أو السادس ينزل علي الأحمر لمدة 4 أو 5 أيام، يعني لو تحسبون الأيام كلها تصير 10 أيام !

راجعت دكتورة قبل 4 أشهر وعطتني علاج حبوب لمدة 3 أشهر تضبطها، وضبطت شهر واحد وردت تلخبطت مثل أول.

وتخيلوا اليوم سابع وبس ينزل أدعم ( مثل وسخ ) ومافي أحمر كلش !

أحد مر بهالمشكلة !؟

لأني حدي قاعدة أحاتي شالسافة

 

[ام حنونة]

ما سوتلك تحليل هرمونات وغدد ..اذا انتي سمينه يصير من السمنه ...

 

[*دبدوووبه*]

حبيبتي
اذا ماتنزل وايد
شوفي المبايض
يمكن عليها تكيس خفيف
او مثل ماقالت اختي ام حنونه
اذا انتي وزنج زايد
وقاعده تضعفين
تتغير عليج الدوره

واذا لآ
لازم تراجعينها
وتشوفين العلاج مره ثانيه

 

[misS DiamoND]

أم حنونة
امبلا سويت تحاليل وطلع فيني هرمون التبويض نازل وعطتني الحبوب العلاج، وأنا وزني زين مو متينة وزني 63 .

دبدوووبة
شنو بعد تكيس على المبايض ! لا تخرعيني
وبالنسبة للرجيم فأنا من زمان يعني مو رجيم بس أخفف من الأكل يعني يوم رجيم يوم لأ.

 

[*دبدوووبه*]

حبيبتي لا تخافين
تكيس مو شي خطيرر
شي عادي
مثل خربطه تصير
او غشاء صوب المبيض
مايخلي الدوره تنزل
او ينزلها بصعوبه
شنو اهيا الحبوب الي عطتج اياهم دكتورتج ؟
غلاف مدور فيه نص حبوب ابيض ونص الثاني بني ؟ 21 حبه ؟
سوتلج سونار ولآ؟لآ

 

[supermarket]

عند منو تعالجين؟

 

[الدانه77]

شوفي فيه وحده عيوز تبيع دوا تاكلينه ايام الدوره ايييييييييييييينن اناماخذه منها ينزل الدم كله وينظف صج ممتاز وترا انا مالي علاقه فيها والله العظيم بس حبيت انصحج اذاتبين دزيلي على الخاص

 

[ميس الورد والشوق]

انا حبيبتي مثل حالتج صارلي سنه

بس حسبالي انه شي عادي لان اسمع الكل يقول ماتنتظم الدوره الا بعدالزواج وانا كلش متلخبطه مره تجي اول الشهر ومره نص الشهر ومره اخرالشهر

لا يكون في شي ترى انا اقرا كلامج وردود البنات وخايفه حييييييل

شنو تنصحوني فيه؟؟؟؟؟؟؟؟؟

 

[شندوخه]

انا صارت فيني نفسج مانزلت 6 شهور
بس لان انا نزلت نزول مفاجئ بالوزن قطيت 10 كيلو فجأأه لان كنت تعبانه
ولم سألت دكتورتي قالتلي عادي بس تسترجعين وزنج راح تردلج

 

[*دبدوووبه*]

بنات لازم ماتهملون اذا الدوره تخربطت عليكم
معناته الهرمونات او الرحم او المبايض
واحنا بنات
يعني لازم نهتم في عمرنا من الحين
وان شاءالله ماكو الا كل العافيه

 

[elygant]

ana ba3ad nafs al7alh mtl5b6a ma3ai