بخصوص التشري ؟؟ شلون أبدي طريجي للتسوق الصح .أكسبي أجر فيني ووفهميني

[الأنسة ناعمة MA]

بسم الله الرحمن الرحيم
السلام عليكم ورحمة الله وبركاتة
يمكن موضوع عادي عند البنات بس أنا هالشي يضايقني لما أروح سوق وأبي أشتري خصوص عندي ميزانية معينة بس ملبس ومكياج وعطور الحمدالله موظفة
أقعد أخربط بالسوق ولما أرد البيت أتضايق وخصوص تدمر نفسيتي لما تمر علي مناسبة لمة رفايج ولمة أهل ولا زوارة لما كانت فلوسي بيد مومحصلة شي يناسبني ولما تروح مني الفلوس أو أحتد وأفتح كبت أحصل كلة كاجول وبنطايل ماحصل سواريهات ؟؟أنا الحمدالله لبسي ماركة وهذا سبب القلة بملابسي ....سؤال للي فاهمات نظااااااااااااااام التسوق
أنتم لما تروحون السوق تفكرون بشي موموجود ولا شي ظروري كتغير مثل مايصير وحدة تضل على ملابس دوام كل مرة ؟؟وهمن بالبيت ؟ وهمن أنا ألبس عباية وأحبها تكون راقية فلم أدش دوامي أعلقها مدرسة عباية مورخيصة
بامكاني أشتري عباية رخيصة وأشتري هدوم رخيصة بس والله من أول جم غسلة يطلع الخراب وهالحجي ماخذة درس منة
شنو جدولكم
ناقصتني أشياء موشوية وأنا حاليا ماعندي مناسبة تنصحوني أشتري ؟؟ سواريهات جديدة ولا شوز للكشخة لانة عندي كلها فلوت
همن انا محتاجة أماكن تغيني عن اللفة يمين ويسار ؟
مفروض اكتب قائمة ؟؟ للي أبية ولا ؟؟
وكل شهر تنصحوني أشتري شنووو ؟؟
شنهي الاماكن اللي تخدمني ؟؟؟ غير المجمعات اللي حفظتهم
وجزاكم الله خير مقدم

 

[ام الدرر]

حبوبة
انا عن نفسي عندي نظام امشي عليه
للعيد اشتري بدل غاليه ومن محلات معروفة تصلح تنلبس لاستقبالات وعزومات (الراية - زهرة-360)
وما تنلبس للدوام لانها بتكون اوفر شوي
للدوام والطلعات اعتمد المحلات المعروفة و الكاجوال بحكم سني وتكون اسعارها فوق الوسط (العثمان-المهلب)
واحرص احيان اذا سوو تنزيلات آخذ كذا قطعة
ومايمنع اذا شفت شي يناسبني من المحلات العادية اخذه
والعبايات البسها للطلعات السريعه فما اشتريها غاليه
انتي المفروض تكون عندك نظرة مستقبليه
فلانه حامل بتولد بتسوي استقبال تحتاجين تايور مناسب
فلانه مخطوبه بتسوي حفله تحتاجين فستان سهرة
واحرصي اذا عندك ميزانية تشترين شي ينلبس وقت الزنقات
مثل بدله سهرة بلون محايد ودارج ومش ممكن يكون موضه قديمه مثل الاسود
تايور من ماركة يكون بسيط وناعم
وبهالطريقه ترتاحين وما تحتاسين ​

 

[وحيدة امى]

رفع للاستفاده

 

[قمر وخدودها عسل]

موضوعج حلووو ، وبضيف شغله وإذا تقدرين تروحين معارض واتشوفين كم شغله راقيه تكون أقل من 70 دينار تخيطينها

عشان لا صارت عندج مناسبه مفاجئة تقدرين تلبسينها ، وترا البدله أو الدراعه يطلعها الميك اب والتسريحه0

 

[بحر الرمال]

احسن شي تشترين جم دبله و قميص زينين و غالين بس مو وايد و تخشينهم
ترا احسن من التشري وقت السيل و الا الاشياء العاديه لان الغالي احسن سعره فيه

 

[<miss botamba>]

مو شرط الماركه يكون حلو ومو شرط الرخيص يكون Cheap

انا عن نفسي اشتري الرخيص و المتوسط

الغالي نادر ما اشتري شي حق كل كل يوم غالي بس اذا سهره وهم اشتري رخيص اذا اصحاب المناسبه مو قراب

عموما اذا تبين توفرين او تشترين صح

اشتري اشياء تكون الوانها محايده وكلاسيك ماتروح موضتها

وانا عن نفسي اشتري من بره او اطلب من النت

لان تلاقين اسعار مناسبه و جوده اعلى من المتوفر ومحد يصير نفسج الا نادرا

 

[الأنسة ناعمة MA]

يعطيج العافية ...... حبيت فكرة لون محايد

 

[الأنسة ناعمة MA]

صج ماعندي نظرة مستقبلية ولما أدش أي سوق أحوووس وأضيع وأشوف كل شي مهم
فأمشي وألقط تسلمين يالغالية أم الدرر هالعيب لاحظتة فيني
يعطيح العافية رفعت الموضوع وحيدة أمي
قمر وخدودها قمر سبحان الله جسمي مايناسبة الخياط أو الدراريع بس يمكن القمصان أجرب اخيطها

 

[الأنسة ناعمة MA]

مو شرط الماركه يكون حلو ومو شرط الرخيص يكون cheap

انا عن نفسي اشتري الرخيص و المتوسط

الغالي نادر ما اشتري شي حق كل كل يوم غالي بس اذا سهره وهم اشتري رخيص اذا اصحاب المناسبه مو قراب

عموما اذا تبين توفرين او تشترين صح

اشتري اشياء تكون الوانها محايده وكلاسيك ماتروح موضتها

وانا عن نفسي اشتري من بره او اطلب من النت

لان تلاقين اسعار مناسبه و جوده اعلى من المتوفر ومحد يصير نفسج الا نادرا

فكرة حلوة أجرب النت بس مدري بهالطريقة أقدر أوفر ؟؟؟ ويكون شي يستاهل ؟؟

 

[Killer^Girl]

غيري اسلوبج .. في شغلات ينقط عليها وفي شغلات لا
مثلا ملابس الدوام او الطلعه اليوميه ماتكون ماركات او كشخه اوفر
تكون من المحلات العاديه وانتي بشطارتج ركبي على بعض
وشرط الساعه والجنطه والشوز ماركة
يطلع شكلج ستايل
وبنفس الوقت قسمي شغلج
كل شهر اشتري شي سعره فيه
مثلا كل شهرين جنطه ماركة او كل شهرين بدلة سهرة بسعر مناسب او غالي عشان المناسبات الطارئة
وركبي لج بدلتين او 3 يكونون اكشخ شويه حق استقبالات المستشفى
واستغلي فترة تنزيلات محلات الشوزات خصوصا واخذي لج الوان وشغلات تكون ماعندج منها

 

[manoooram]

مو شرط الماركه يكون حلو ومو شرط الرخيص يكون Cheap

انا عن نفسي اشتري الرخيص و المتوسط

الغالي نادر ما اشتري شي حق كل كل يوم غالي بس اذا سهره وهم اشتري رخيص اذا اصحاب المناسبه مو قراب

عموما اذا تبين توفرين او تشترين صح

اشتري اشياء تكون الوانها محايده وكلاسيك ماتروح موضتها

وانا عن نفسي اشتري من بره او اطلب من النت

لان تلاقين اسعار مناسبه و جوده اعلى من المتوفر ومحد يصير نفسج الا نادرا

كفت ووفت الله يعطيها العافية :rerrerek: