بختصار اغاااااار

[ليمووونه]

اشلونكم حبيباتي ان شاء الله تكونون بخير وصحه وعافيخه الان هاذي اهم شيء ... بنات حبيت تنصحوني اتعقلوني اتفهموني اتغيرووووووووووني. انا وحده اغاااااااااااار على زوجي ادري وايد بنات جذي مثلي بس انا ايبين علي وهل شيء مو حلو فحقي. ولافشكلي انا ماراح اذكر مواقف الانها معرووووفه وانتو اتشوفونها بعينكم طبعا اغار على زوجي من البنات الي برا مو احد ثاني طبعا.

 

[بتبوتااا]

حياتي سؤال ؟ منو ما تغار على ريلها /: بس ترى الشي اذا زاد عن حده ينقلب ضده

وانتي يبيلج تثقين بروحج اولاا وبريلج ثانياا عشان تخف الغيره عنج ياقلبي

 

[sosowaty]

الشي ان زاد عن حدة انقلب ضدة

االغيرة حلووة بس لو كانت بحدود المعقول

و مرات الغيرة اتنرفز الريال

اذا ريلج ما عنده خرابيط خلاص يعني اتنامين و انتي مرتاحه و ما تغارين عليه

ترا الغيرة اذا زادت عن حدها تقلب الي شك و الشك يقلب الي المشاكل و المشاكل تقلب الي النهايه ( الطلاق) اسمالله علينا

و اتمنا اني افدتج

 

[ابي اصير ممثلة]

لا تبنين له انج تغارين وايد عشان ما يجوف نفسه عليج

 

[Beyoncee]

الله يريح قلبج بس ترى الغيره الزايده مرض
عطي روحج ثقه وعطيه اهو الثقه
كل شي اذا زاد عن حده انقلب ضده
وخير الامور الوسط عشان ترتاحين هذا عمر كله بتقضينه غيره وشك ونكد
تتعبين وتنهار الصحه وما تستفيدين
حاولي تغيرين بنفسج وتتحكمين بمشاعرج

 

[د. فاطمة]

صح مافيه أنثى ماتغار على زوجها
بس كل شي وله حد عشان ماينقلب
وحلو تبينين للزوج انج تغارين بشكل بسيط
بالتوفيق

 

[برايا 2007]

حاولي انش ما تقصرين عليه
من كل النواحي واملي اعيونه
وما بيفكر في غيرش

 

[FDET NFSY]

ااااااااااااااب

 

[جوك احلى جو]

ترا هالششي ماراح يرفع قدرج عند ريلج والغيره محد بيتعب منها غيرج حرام تسوين بنفسج جذي

 

[جنوبية وأفتخر]

نصيحة لا تغارين علية وايد راح يطفش منك
الريال يتضايق من نار الغيرة ..

 

[!الجادل الصعب!]

اغار عليه ويغار علي .. بس مو معناته اشتغل له بودي قارد واخرب كل
طلعه لنا بحجة اغار والبنات موجودين بكل مكان في الزينه وفي الشينه ..



موفقه

 

[جوري 2007]

ديري بالج

ترى يا بيشوف نفسه عليج يا بيطفش

تحكمي بالغيره ادعي ربج

 

[ام كوثر2007]

ما قصروا البنات عسى الله يهديج ان شاءالله ..

كلنا نغار ومافي وحده ما تغار واللى تقولج ما اغار جذابه


لكن الغيره حلوه لو كانت علي سنع .. مو عشان بنات اللى بالشارع اقعد اغار وهذيل بنات بالشارع يعني وين بنوديهم مثلا ؟

واذا ما لقاهم برا . بيحصلهم بالدوام ..


احنا بمجتمع مختلط يا قلبي وهالشي اذا فكرتي فيه راح تستخفين . خليج واثقه من نفسج ومن ريلج بعد .


اذا انتي قايمه بكل واجبات الزوجه المؤمنه . ان شاءالله مهو صاير الا كل خير ..


وعسى الله يسخره لج ويسخرج له وما يشوف غيرج بالدنيا

 

[*درر*]

تعووذي. من إبليس قبل ميخررررب بيتك بيخرررب رأاسكة من القلق والتفاااااكير

 

[كربون امها]

الله يعينج الغيره0 بس فكرتي يعني لو بقى يطلع يسكر عيونها مثلا حبيبتي خلج
واقعيه الحريم بكل مكان ادعي ربج يحفظه لج ولاتبينين له الريال يصبر بس يمل
بالاخر لاتخسرينه

 

[ماني من الناس]

اهم شي اخلاقه زينه وماشي سيده ويحبج

جي تتطمنين ويرتاح بالج

 

[انثى عاشقة]

نصيحة لا تغارين علية وايد راح يطفش منك
الريال يتضايق من نار الغيرة ..

معاها:eh_s(7):​

 

[wajan]

حبيبتي صح انج تغاري وانا بعد اموت من الغيرة بس ع حسب الشي اللي يصير في بنات الله يستر عليهم يتحرشن بالريال حتى لو زوجته معاه فانتي خليج صاحية ومبققة عيونج مثلي هههه والله ما نعرف من وين نداري عليهم