بخاطري اعرف شي متى العب رياضه ؟ متى احسن وقت لها ؟ وهل قبل او عقب الاكل ؟

[g6awi]

مسا الخير

حدي محتاره


بخاطري اعرف شي متى العب رياضه ؟ متى احسن وقت لها ؟ وهل قبل او عقب الاكل ؟

وشاكرتلكم

 

[g6awi]

بصراحه انا ادري انكم ماتقصروون بالردود بس ما توقعتكم لي هالدرجه على العموم مشكوورين

وان شاء الله اللي ترد علي تضعف على عافيه وصحه ويتحقق لها كل اللي في بالها

 

[دااانوه]

مايصير تاكلين وتلعبين رياضه على طول أقل شيء بينهم ساعتين

ونفس الشيء بعد الرياضه مو زين تاكلين بعدها على طول عالأقل ساعتين او ساعه ونص

هذا كلام مدربه رياضيه لي

والله ينول لج اللي ببالج ويحقق لج كل اللي بتوقيعج

 

[دااانوه]

وصح نسيت أقولج

ان الرياضه الصباحيه قبل الريوق اهي أفضل بوااايد

لأنها تساعد على حرق الدهون والسعرات الجراريه أسرع

 

[أسبرة الماضي]

احسن وقت للرياضة هو في الصباح الباكر لانه الجسم بيحرق كالوري اكتر ويصير يحرق طول اليوم
....
اما خلال اليوم فالرياضة بتكون قبل الاكل بساعتين او بعد الاكل بساعتين ولا تفضل بعد الاكل ابدا"
وما تنسي تشربي ماء وانتِ تلعبي رياضة...وبعد الرياضة كثري من شرب الماء
.....
وبعد الرياضه لا تاكلين على طول .. انتظري على الاقل ساعتين حتى ما يتحول عضل
....
موفقة حبيبتي

 

[g6awi]

فديتكم عسى ربي يوفقكم دنيا واخررررررررره

 

[ام سعود ديكسون]

تاكلين وتنطرين ساعتين ع الاكل علي ما ينهضم اذا نوعج تروحين النادي العصر او المغرب او تلعبين علي معدة خالية نفس الاجانب اللي يتريضون الصبح اللهم من فطور خفيف جدا جاي او خفايف ما تملي المعدة كلش ملش لان راح تتثاقلين وتكون معدتج متروسه واخف الحركات بتكون صعبة عليج وتنغثين بحركات المعدة والانثناء الي يدام وورا والضغط

 

[Bnt.Azmer]

شفي انا قريت بكتاب مدرب كمال اجسام ان موزين تسوين رياضة قبل ماتاكلين لأن بجذي راح تحرقين عضلات جسمج م الشحم!!!

لازم تسوين رياضة بعد الاكل بساعتين واذا تبين تضعفين عدل صح لازم تنوعين بكل انواع الرياضة مو بس المشي ويقولون احسن وقت للرياضة الصبح لان بغير مزاجج للاحسن طول اليوم بس اذا سويت بهالفترة وياريت اكون فدتج وادعيلي اضعف

 

[g6awi]

تسلموون حياتي وان شاء الله تضعفوون على صحه وعافيه يااااااااااااااااااااااااارب