بحول من ثانوي متوسط وين اراجع

[حنين3]

السلام عليكم معلمات
مثل ماهو بالعنوان بحول من ثانوي الى متوسطه
انا اساسا ناقله نقل خارجي ونزل اسمي بالجريده
لكن المشكله انا ابي اغير المرحله
منو يفيدني وين اراجع حدي ضاااايعه

 

[jen2n]

تروحين الوزاره علي ما اعتقد
بس ليش تبين تحولين!؟؟

 

[ملآمح يوسفيه]

,
هلا حبيبتي
انا نفسج رحت قبل مده في منطقه التعلميه
وقدمت تحويل بورقه
اني ابي انقل من ثانوي الي ابتدائي
بسسسسسسسس ارفضوا
يبت واسطات واايد
ماكو فايده
بس يمكن متوسطه يصير

 

[مشغوله و محتاسه]

تروحين للمنطقة .. مكتب المراقب .. و تسالين عن الاجراءات و النموذج





ملامح يوسفيه ... اهم ما يصدقون على الله يلقون ابلات ثانوي .. تبين يقبلون تحويلج للابتدائي ؟؟ صعب .. انتو عمله ناادره بالبلد مو مثلنا الابتدائي شكثرنا لوول

 

[بنات حواء2]

ما عندي فكره بس حبيت ارفع موضوعج الله يسهل عليج الاجراءات
بس النقل من مرحله لي مرحله الي اعرفه انهم مصعبينها وايد
مادري شنو الحكمه من التصعيب
بس انا اشوف ان من حق المعلم يختار المرحله الي يبيها

 

[حنين3]

فديتكم بنات مشكورين على الردود
بصراحه حابه اغير مليت من المتوسطه

 

[Miss dreams]

اذا بتغيرين المرحله تروحين حق المنطقه التعليميه

بس ما فهمت انتى بتحولين للثانوى والا المتوسط؟؟

لانه العنوان غير و بردج الاخير تقولين مليتى من المتوسط‍‍ !!!

المهم اذا انتى ثانوي

تدخلين على مراقب الثانوى وتقولين له

بس ترى غالبا ما يرضون وخصوصا اذا كان تخصصج مطلوب بالثانوى

الا اذا حطيتى واسطه وتكون قويه بعد

انا صار لى نفسج

اول ما تعينت قطونى ثانوى وانا كنت حابه ادرس متوسط

ودخلت علي المراقب وماكو فايدة قالي فى نقص بتخصصج بالثانوي

تالي قطيتهم علي صخر وانقطعت عن العمل بعدين رديت تعيين يديد وغصبن عليهم حطونى متوسط

 

[ملآمح يوسفيه]

,
مسسسس انا نفسج قالوا لي تخصصج ونقص
شلون طريقة انقطاع
وووجم صار لج سنه تدريس
انا لالحين ماكملت سنه

 

[Miss dreams]

شلون طريقة انقطاع
وووجم صار لج سنه تدريس
انا لالحين ماكملت سنه

لااا لا تسوين نفسي بعدين تندمين لووول

لانى انا بالبدااايه ما كنت حابة التدريس

ولما حطونى ثانوى تأزمت اكثر لانى ماحب ادرس بنات كبار

فقلت خلاص ما راح اداوم وهذا اللى صار

وصرت اغيب ولا عطيت خبر للمدرسه يمكن اكثر من 3 اشهر

لا والمشكله انه محد يدرى عنى وينزل لى راتب بعد مادرى شلون

لحد ما انا بنفسي رحت المنطقه وقلت لهم ماتشوفونى ما اداوم ليش تنزلونى راتب

عقبها قلت لهم خلاص مابي التدريس ورديتلهم فلوسهم واستقاله

بس بعدين رديت للتدريس لانى تربويه وكان ايامها واايد فى تشدد مايصير الا اشتغل بالتربيه

ورديت بس قلتلهم على شرط متوسط وهذا اللى صار

 

[ملآمح يوسفيه]

,
انا مو تربويه
وهددت مراقبتي قلت لها ليش متمسكه فيني اذا خليتيني عندج بثانوي
راح اقدم استقالتي لووووووول
ماكو فايد
انا اذا لقيت وظيفه سنعه بنقل ان شاءالله
وافتك

 

[حنين3]

رفع

 

[أميرة طفولتي]

اااااخ بس اااااااااخ
انا نفسج ثانوي وابي احول متوسط
مثل ماقالوا البنات تروحين المنطقه التعليميه
وتكلمين مراقبج

انا صعبووووووووووووووووها علي وسووها من سابع المستحيلات
يقولولي لازم نكتب فيج كتاب ونشوف مستواج
وتوقعه الموجه الاولى
وطبعا اهيا باجازه وماراح تداوم الا نص 9
ويوقعها موجهج المباشر
ومراقب المرحله
دشيت على مديرة .........وقتلها السالفه
مااااااابي ثانويه انا احب متوسطه واحب ادرسهم
تقولي لالالالا وااايد صعبه @@
لان المرحله الثانويه تعتبر ترقيه جنه مرقينج من مرحله لي مرحله وصعب ننزلج

مالت عليهم وعلى وزارتهم الفاشله طيح الله حظهم
صدقوا عمرهم شكبرها بحلجها مثابة ترقيه!!!
بغيت اقولها خليها لج هالترقيه

مادري وين المشكله اذا نقلوني من مرحله لي مرحله
قتلها وقت الي تعينت العام قتلكم من البدايه مابي ثانويه
وغصب حطيتوني
قتلها انا ماصارلي 20 سنه ادرس وابتديت من الابتدائي
ووصلتوني لي ثانويه عشان تقوليلي ترقيه !!
انا صارلي سنه ومن يومها قاطيني ثانوي


وااااااي واااااااااي قهرتني
طلعت شااااااااااااابه ناااااااااااااار
ماظل مكتب مادشيته وكلمتهم
ماكو فايده

انا اساسا كنت كاتبه نقل خارجي وكنت بكنسله
بس قطيعه من عقب ماطلعت منهم رحت الوزاره
وقتلهم اسمي مانزل بالجريده وقعوا على نقلي
وقعوه
وطلعت

لابارك الله بهالوزاره ولا بالساعه الي توظفت فيها
يعلون القلب

 

[أميرة طفولتي]

اب



اب

 

[bottle pop]

اذا كان نقلج خارجي صعب تغيرين المرحله لان التنسيق يدز هالتخصصات بالنقص للمرحله المطلوبه

انتي باشري بالمرحله وبعد سنه يفتح النقل الداخلي من شهر ١ الى شهر ٣ بالمدرسه سجلي نقلج بالمرحله والمدرسه اللي تبين ويتم النقل بالصيف واكثرهم ننفذ النقل لان نسد العجز بالمرحله الثانيه من التنسيق والتعيين الجديد وتكون الاولويه للنقل الداخلي لانهم بناتنا اولا وسلامتكم.


ارد واقول سوري النك مشترك

 

[Om 3abas.]

انزين ممكن أعرف أبلات ليش تبون تحولون من الثانوي؟
أنا بعد سنه أتخرج و من ألحين قاعده أفكر أي مرحله أختار !!