فوفو22
Active member
تذكرون موضوعي هذا
http://q8yat.net/showthread.php?t=342838
غبت عنكم شهرين لفترات متقطعه وكنت في حالة بحث وتحري لكل المواقع الطبية والمنتديات وتجارب البنات ورأي الدين بعمليات ترميم وتجميل الجسم
المهم توكلت على الله ورحت لبروفيسورعاصم بمركز الربيعه الطبي
فتحت ملف وقابلني وسألني عدة أسئلة وفحص كمية الزياده ببطني
هذه صوره طلعتها من النت عشان تعرفون الجهاز اللي يتم فيه قياس الزياده
وراي الدكتور ان عندي زياده 5ر1 سم زياده اعلى وادنى البطن
وقرر التالي
انني بحاجة شفط وشد للبطن والخواصر والزنود
فقررت اني اسوي العمليه وسط رفض زوجي للموضوع كله
وتشاؤهم الاهل والصديقات
**************
فتوكلت على الله و صليت صلاة الاستخارة
عقبها
فتحت التلفزيون على قناة الوطن
وبالصدفة جايبين دكتور يتكلم عن الشفط والشد
واهميته واسبابه ونتايجه المذهله
مما جعلني اصمم على العملية
واخذت موعد للتحاليل والاشعه ودفعت العربون
هنا غرفة عمل اشعه للصدر
وهنا عمل تحاليل دم
وهنا قياس سرعه تدفق الدم لانه عندي سوابق بامراض سيول وتجلط الدم
قبل العملية بيوم 14-4-2009
*درست عيالي امتحانات الاربعاء والخميس
*زوجي يتأمل فيني بنظراات حزن كأني بروح ولا ارد اسم الله عليي الرحمن الرحيم
*فيني ضيقة خلق وخوف وتشتت بأفكاري
يوم العملية 15-4-2009
*القلب يدق وودعت عيالي وحرصت زوجي على امور خاصة واهمها مايتزوج عقبي هههههههه
*متعوده دايما اسمع العفاسي جزء عمّ منها اليهال يحفظون وانا احفظ معهم
السوروقبل ما اوصل المستشفى طلعت الآية «يا ايتها النفس المطمئنة ارجعي الى ربك راضية مرضية فادخلي في عبادي وادخلي جنتي».
>>قلت صااارت الظاهر منيتي هني بالمستشفى ودموع وفجأة توكلت على الله
*ودخلت وصعدت الدور الرابع بخطواااات ثقيله واحسست بلحظتها اني
تسرعت وظلمت زوجي وعيالي وقمت الوم نفسي واقول
اشفيها الكرش يا حلوها ......
اشفيه الكورسيه يازينه ......
اشفي الزنود ياحلوها لما نغطيها بجم طويل او خام دانتيل....
وانا بحاله تفكير وهذيااان دخل دكتور التخدير وقال
ايوااا يا قمر مستعده للعملية
وانا سرحانه بعالم ثاني
وشرّف دكتور التخدير وسلّم عليي
وقلت للدكتور تعرف (الممثله سعاد نصر) الله يرحمها
اللي ماتت من البنج لانه انبوبة الاكسجين مو واصله لها
ضحك وقال خلااااص يا قمر حعمل العملية بدون بنج
بدموع ارد عليه ترى انا سايبة بالبيت كوم عيال ما عندهم الحين الا الفلبينية العصبية والهندية الجديده....
ولبست لبس المجانين اللي تعرفونه مال العمليات
ولبست الكاب ونزلت غرفة الاعدام قصدي العمليات
انتهت لعملية وطلعت الى الجناح
وببطني بربيشين اثنين لخروج ا لسوائل ويقول الدكتور مدته 48 ساعه وبعدين نشيله
طبعا رحمة بمشاعركم مارح احط صورة البلاوي اللي طلعت مني من شحوم دهون
هناك تعب وارهاق واجهاد من البنج والعملية والضغط النفسي ولكن
ماشاء الله ولا حول ولا قوة إلا بالله تبارك الرحمن قولوا ماشاء الله
7
7
7
7
بعد قولوا ماشاء الله
بس احط ايدي على بطني وزندي انسى الالم والهم من الفرحه والوناسه
عسى ربي يذوّقّها لكم شعور لا يوصف فرح سعاده انتعاش ثقة بالنفس
تعب وراه فرحه ....تفكير وراه راااحه
الحين ماشاء الله تبارك الرحمن قولوا ماشاء الله
صار جسمي جذي وزادت ثقتي بنفسي 1000000000000%
تدرون شنو ودّي الحين ودي انعزم لاستقبالات وحفلات
<<<<<ترى نغزه لكم عااد عزموني مادام صرت انافس العارضات
والحين حبايبي اي سؤال انا حاضرة وتحت امركم
مراسلتكم (( فوفو22 ))من غرفة عمليات الشفط والشد
يا ليت يتثبت موضوعي لمدة شهر لسهوله الرد على الاستفسارات
وياريت تكون الاسئلة على العام عشان الكل يستفيد
كلمه شكر للمركز الربيعه الرائع وموقعه بالفروانية مقابل خيطان
وشكر خاص للبروفيسور عاصم لي ما تركني ولا لحظه وباله طويل على الاسئلة
اما دكتور التخدير ففظيع دمه شربات وقالي وفاجئني بشي مهم
وهو انه استعملوا لي بالعملية ابرة منوم ب 1000 غرام استعملوها اثناء عملية الزنود وكرر عملية حقن الابره في عملية البطن لدرجة انه يقول كنتي تفتحين وترجعين تنامين بدون ما تشعرين بالم
وهذا النوع من البنج مريح جدا للدكتور والمريض
وزياده على ذلك طمني الكتور وقال ان عمليات الشفط والشد من اسهل لعمليات امنا لاننه نشتغل تحت الجلد فقط
لقطات من الغرفة
]
التعديل الأخير:
