بحج هالسنه واتمنى منكم ما تبخلون علي بخبراتكم ...:)

[to0ofi]

مساكم الله بالخير ياكويتيات ... :$
انا ناويه هالسنه ان شاء الله احج
وابي اعرف شنو الاشياء اللي احتاجها بالحج
وشنو اللي لازم اخذه معاي
اتمنى من كل وحده تدخل موضوعي انها ما تبخل علي بشي


ابي اشوف ردودكم

 

[ام الدرر]

حبوبة
العبي اقل شي 4
ملابس داخليه وغيارات وكثري منهم(واحرصي عالقطن -الداخلي خلي معاج كم واحد للركبة منعا للاحتكاك بالمشي )
بيجامات نوم
بدلة للعيد او دراعة (في حملات يسوون احتفال بالعيد )
كريم حمايه وترطيب
ادويه
منظفات شخصيه
وكلها بدون عطر
وتلقين بالصيدليه طقم كامل
جوتي مريح ويكون فلات للمشي عدد 2
طبعا الاشياء الثانيه اغلب الحملات توزعها
مثل الجناط ب3 احجام -السليب باق - شمسيه -نظارةحماية لرمي الجمرات
هذا اللي في بالي واللي ذاكرته
لان الحملات كل سنه يزيدون بالخدمات
عسى الله يتقبل من الجميع
ويكتبها للي يتمناها ​

 

[ام الدرر]

نصيحه روحي لجمعية الفيحا محل الملابس اللي فوق
كل شي موجود عندهم
حتى في شلحات(ابيض -اسود) تنلبس تحت العباة فيها مخابي عالصدر للمفاتيح والموبايل والفلوس​

 

[james546613]

والي اعرفة ان الاغلبية تشتري السراويل الي تستخدم مرة وحدة وتنقط عملية للحج

 

[زعفرانة_73]

مثل ما قالت ام الدرر واضيف عليها الديورنت الطبي بددون عطر( في جى/ أو بايوت)/ كروكس خفيف أبيض / مشط /دلاقات قطن/ لبس الحرام يخيطونه لج بسوق المباركيه وراي محلا ت الصرافه( انا سويت مثل دراعه طويله عدد 4+4 سروال طويل مزموم بسير مريح+4حجاب طويل شكل ثوب الصلاة يوصل للركبه) طبعا خذي طاقة كامله قطن من البلوكات .الله يسهل عليج لا تنسين ادعى لى الله يوفج عيالىويسخر زوجى لى ويبعدعنا وعن المسلمين الشر.

 

[نفسًا توآقه]

الله يكتبها لنا ولج

 

[بنوتة طموحة]

الله يسهل لج

آنا عندي الوالدة إن شاء الله السنة بتحج

وخوش موضوع أتمنى العضوات يفيدونا أكثر علشان أقدر أفيد أمي

والله يكتبها لي ولكل مسلم ومسلمة للحين ما حجوا

 

[CUTIE-THUG]

حتى انا امي بتحج هالسنة لازم اذكرها بهالاشياء عشان لا تنسى

 

[*عهد*]

الله يسهل لج
والله مااعندي خبره
بس حبيت ارفع المووضوع

 

[ام خالد 78]

ادعيلي

 

[ام عفراء]

الله يرزقنا حجة معاكم

 

[Q8_QT]

الله يسهل عليج ويكتبها لنا ولكل المسلمين يارب

 

[اللاندكروز]

الله يوفقج ويتقبل منج ونبي منج الدعوه الحلوه

 

[<miss botamba>]

الله يسهل عليج ويهنيج فيها ويتقبل منج مقدما

ودي احج مره ثانيه لان اول حجه احس كنت صغيره حجيت عمري ١٦ تقريبا

الله يعينج عالتعب صج لي قالوا جهاد المرا الحج


الاشياء الي تحتاجينها

٣ عبي عمليه واشوف الي جنهم شلاح اسهل

عباه مرتبه حق المطار

ليقينزات و بديات اريح من الدراريع تحت العبايه

دلاغات قطن

فلات مريح او كروكس

نعال حمام حق منى

ملابس داخليه و اخذي الي ينقطون احسن بدال الغسيل


دراعه للعيد او بدله حسب شتحبين


جنطه كروس


كتاب ادعيه ونوت تكتبين فيه اذا احد موصيج على شي او احد موصيج تدعين له او اذا عندج ايفون في وايد برامج حق ادعيه و نوتات بدال الشيل


صابون ومعقم وكلينكس مبلل ولوشن (نايتروجينا) بدون عطور وتلاقينهم بالصيدليات و الجمعيات


بجامات

واحتياط اخذي معاج كنبل خفيف او شال حق مزدلفه او اشتري من هناك بن داوود لان انا لمن رحت كان برد مزدلفه


خردي ريالات حق الفقاره واذا عندج شي قديم وديه تصدقي فيه


ومثل ماقالوا في شغلات الحمله تعطيج

مثل جناط السفر - جناط كروس - سليب باغ - نظاره الجمرات



ايي ودي معاج كمامات - ادويه (كل دوا ممكن بدون وصفه اخذيه)

بانادول او عندج نفس البانادول اسمه ادفيل ليكويد جيل واايد ممتاز
دوا السهال وانتي بكرامه ضروري لان ممكن تحوشج نزله معويه وصارت فيني في منى
دوا الكحه وحبوب مص وفوار فيامين سي
بلاستر


الاكل انتبهي اذا بوفيه مال الحمله اكلى الاشياء الي زين مطبوخه سوالف سلطات فيها كريمه والا مايونيز ابتعدي عنها


ودي معاج بعد مرقدوش البطول الصغار البلاستيك للمغص


وقبل لا تروحين اكلي حبوب الي ترفع الدوره وكملي الكورس هناك


شحن الموبايل - كاميرا والشحن


اذا عندج ايفون نزلي برامج المكالمات المجانيه


نظاره شمسيه


مصحف



اذا تحبين تلبسين خمار ودي معاج كذا واحد


فرشه ومعجون

فوط


شامبو وشاور جيل ومفراكه هذول عادي بريحه لان بتسبحين عقب ماتفجين احرامج

سياده خفيفه مالت الجيب


واذا ذكرت شي بقولج عنه

 

[قره عيني صلاتي]

خواتي كفو ووفوا .... لاتنسين مصحف صغير وجنطه صغيره ملوت الموبايل تحطنه علئ رقبتج اريح لج من جنطه لكبيره وعسئ ربي يكتبها لج هالسنه ويتقبل من الجميع

 

[بستان فل]

هلا حبيتي انا حاجه قبل العام حبيت اقول كانت ميسره ولله الحمد مع انو كان في فلونزا الخنازير لكن الاتكال علي الله اهم شي حاولي تغضين النضر ولسانك دائم الذكر حاولي تبعدي عن الكلام لاانها ايام معدوده وراح اي غلطه تتندمي لان كثير يقولو كانت جمعه وأخذنا كلام وبأذن الله تكون ميسره شنطه صغيره تكون افضل تحت العبائه يكون عندك مصحف واذكار وجوال يكون عادي وشاحن لا تنسين ونقود اهم شي لاتاخذي اشياء قيمه في الشنطه الملابس وخذي معك حبه سودا وعسل وكلي منها كل صباح وبسكويتات وكيك او اي شي لان كل شي بعيد ولازم مشي ومعقم حبوب اذا دوره قريبه كمام مع انو الغطا يكفي وملابس عاديه وداخليه تكون طويله وتحتها استخدام ورمي وطويله اذا طلعتي وشمبو واغراض النظافه ممكن معطره او بدون لان في ايام يستحب فيها تسبيح مو كل يوم ملابس للعيد وتحاشي زوجك ومنشفه وحده اغطيه للكرسي الحمام وانتم بكرامه مع انو الأعليين عربي واقي شمس واذا في شي برسلك والله يسهل امورك كنت متخوفه من كلام الناس من الزحمه ولكن الحمدلله أدعي الله يرزقني الذريه وشكرا وبنوك ممكن تشتري من هناك وممكن ترمسين صغار اوممكن من عندهم إحنا اخذنا وأكواب ورق وتكره اذا تحبو وسلامتك طولت عليك اعذريني *

 

[مولاي الفرج]

انا معاج بالحج ان شاءالله

لما اشتري كل شي اسطرهم ان شاءالله اهني

ماراح انساكم بالدعاء خواتي

 

[Chay7aLeeB]

ان شاءالله هالسنه بحج معاكم وتسلمون وايد عالافاده والله شغلات وايد ماكنت اعرفها ولا احد يابلي طاري عنها​

 

[الجازي2000]

ما قصروا الخوات بس ودي أنصحج بشغلة لأني والله متحسفة اني ما سويتها اذا تبين تشترين صوغة اشتريها قبل لا تسافرين لأن الحج أكبر من انا نفرفر بالأسوقة عشان الصوغة ولا تنسين الشاحن

 

[الجازي2000]

خلي وقتج كله لربج وربي يكتب لج الحجة