بحاجه لاخت وصديقه

[Melek]

السلام عليكم
شلونكم بنات
بنات انا بحاجه لصديقات منو تحب تكون صديقتي
واختي بنفس الوقت
والله يعلم انا الصداقه عندي اخوه واحترام ومحبه ومن اهم شي بالحياة
والله بنات بعد ماسافرت رفيجتي تدرس برا احس بفراغ مو طبيعي
ودي الله يعوضني بصديقه تكون اخت دنيا

 

[مسكـ المطيري]

عليكم السلام
غلطططانه تبين صداقه بهالطريقه
الصداقه مو اختيار يلا فلانه انا بكون صديقتج اوكي اتفقنا
الصداقه توافق عقلي و ثقافي و حتى ديني
مو صح تجين وتحطين موضوع واي احد يختار صداقتج
الصداقه اكبر من انج تعرضينها عرض بهالطريقه
تعرفي على البنات فترة مو قصيرة شوفي تفكيرهم تربيتهم
وتاااالي تحددين اذا هذي تستاهل صداقتج او لا
مو حي الله وحده تطيحين معاها الميانه وتعرف عن حياتج وتالي تطلع مو كفو
صج البنات وايد اللي فيهم خير بس هم وايد مو زينين وعشرة سنين وبالنهايه تنصدمين فيهم
ادري كثرت حجي بس لو مو خوفي عليج ما نصحتج تديرين بالج على حالج

 

[هناء - Hana]

وعليكم السلام ياهلآ
لنا الشرف نهه انكون صديقات وخوات نفس الوقت..

 

[!!الشوق ذباح!!]

حياج الله ويانا
بعدييين بنات مالومها كل انسان يحتاج صديق وهي محتاجه هالشي
بعد فراق صديقتها ..... ولنا شرف فيييج

 

[هنا22]

لنا الشرف ان نكون صديقاتج

 

[بنك بااستا]

اناابعد ابي اكون صدااقات

 

[قدســاويه 99]

اناابعد ابي اكون صدااقات

انتبهوا من العضوة تراها موصاحيه وتسب الكويتيات والسعودين وتسب الاسلام وتمجد الغرب
شوفوا ردودها

 

[غصون ق]

اب لعيونج

 

[ALMooOooN]

عليكم السلام
غلطططانه تبين صداقه بهالطريقه
الصداقه مو اختيار يلا فلانه انا بكون صديقتج اوكي اتفقنا
الصداقه توافق عقلي و ثقافي و حتى ديني
مو صح تجين وتحطين موضوع واي احد يختار صداقتج
الصداقه اكبر من انج تعرضينها عرض بهالطريقه
تعرفي على البنات فترة مو قصيرة شوفي تفكيرهم تربيتهم
وتاااالي تحددين اذا هذي تستاهل صداقتج او لا
مو حي الله وحده تطيحين معاها الميانه وتعرف عن حياتج وتالي تطلع مو كفو
صج البنات وايد اللي فيهم خير بس هم وايد مو زينين وعشرة سنين وبالنهايه تنصدمين فيهم
ادري كثرت حجي بس لو مو خوفي عليج ما نصحتج تديرين بالج على حالج

انا معاها 1000٪

ركزي علي اختيارج

الدنيا مو خاليه

 

[ام غازي 2012]

ياهلا فيج نتشررف معرفتج
ومنوره معانااااا